ສ້າງຂະບວນການແຂ່ງຂັນກີລາຕ້ອນຮັບ ວັນຊາດຄົບຮອບ 45 ປີ.

  ເມື່ອອາທິດຜ່ານມານີ້ ຫ້ອງພາລາທິການກອງພົນທີ 4 ສ້າງຂະບວນການແຂ່ງຂັນກີລາບານສົ່ງຊີງຂັນຄະນະພັກ-ຄະນະຫ້ອງພາລາທິການ, ຊຶ່ງມີຄະນະ ພັກ-ຄະນະຫ້ອງອົງການ 5 ຫ້ອງ, ພະແນກການພະນັກງານ-ນັກຮົບອ້ອມຂ້າງເຂົ້າຮວ່ມເຊຍຢ່າງເປັນຂະບວນການຟົດຟື້ນ.

  ເພື່ອສ້າງຂະບວນການສ້າງຜົນງານກຽມໃສ່ງານສະເຫຼີມສະຫຼອງວັນຊາດທີ 2 ທັນວາ ຄົບຮອບ 45 ປີ ໃຫ້ເປັນຂະບວນຟົດຟື້ນມ່ວນຊື່ນ ແລະມີຄວາມໝາຍຄວາມສໍາຄັນຢ່າງເລິກເຊິ່ງ, ການນໍາຫ້ອງພາລາທິການກອງພົນທະຫານຮາບທີ 4 ໄດ້ຈັດການແຂ່ງຂັນກີລາບານສົ່ງຂຶ້ນມີທີມນັກກີລາເຂົ້າຮ່ວມ 7 ທີມຄື: ທີມມາຈາກຫ້ອງພາລາທິການ, ຫ້ອງເສນາທິການ, ຫ້ອງການກອງພົນທະຫານຮາບທີ 4, ໂຮງໝໍບໍລິເວນ 109, ກຸ່ມສາງອໍ 4, ໂຮງຮຽນສູນຝຶກທະ ຫານຮາບກອງພົນທີ 4 ແລະກອງພັນ 619 ຊຶ່ງແບ່ງອອກເປັນສອງສາຍການແຂ່ງຂັນຈະດໍາເນີນໄປຮອດວັນທີ 27 ພະຈິກ 2020 ໃນນັ້ນຄູ່ແຂ່ງຂັນເປີດສາກລາຍການລວມມີ 2 ຄູ່: ຄູ່ທີ່ໜຶ່ງເປັນການພົບກັນລະຫວ່າງທີມເຈົ້າພາບຫ້ອງພາລາທີການພົບກັບໂຮງໝໍບໍລິເວນ 109 ແລະຄູ່ທີ 2 ເປັນການພົບກັນລະຫວ່າງຫ້ອງການກອງພົນທີ 4 ພົບກັບກອງຮ້ອຍປ້ອງກັນທີ່ຕັ້ງກອງພົນທີ 4. 

  ການແຂ່ງຂັນດຳເນີນໄປຢ່າງດຸເດືອດທ່າມກາງບັນຍາກາດແດດຮ້ອນອົບເອົ້າແຕ່ນັກກີລາກໍ່ສຸມທຸກເຫື່ອແຮງຢ່າງເອົາຈິງເອົາຈັງສູ້ ເຕັມທີ່ຢ່າງສຸດຄວາມສາມາດຂອງແຕ່ລະທີມດ້ວຍບັນຍາກາດອັນຄຶກຄື້ນມ່ວນຊື່ນ, ສ່ວນຜົນການແຂ່ງຂັນຄູ່ທີ 1 ແມ່ນເປັນທາງເຈົ້າພາບຫ້ອງພາລາທິການເປັນຝ່າຍເອົາຊະນະໂຮງໝໍບໍລິເວນ 109 ໄປໄດ້ດ້ວຍຄະແນນ 3–0 ເຊັດ, ແລະຄູ່ທີ 2 ແມ່ນຫ້ອງການກອງພົນທີ 4 ເອົາຊະນະຫ້ອງເສນາທິການກອງພົນທີ 4 ດ້ວຍຄະແນນ 3–2 ເຊັດ, ຈຸດປະສົງໃນການແຂ່ງຂັນຄັ້ງນີ້ກໍ່ເພື່ອເປັນການສ້າງຂະບວນການຄຳນັບຮັບຕ້ອນວັນຊາດທີ 2 ທັນວາ ຄົບຮອບ 45 ປີ ທີ່ກຳລັງໃກ້ຈະ ໝູນວຽນມາບັນຈົບຄົບຮອບອີກວາລະໜຶ່ງໃຫ້ມີຄວາມໝາຍຄວາມສຳຄັນຢ່າງເລິກຊຶ່ງ ແລະມີບັນຍາກາດອັນຟົດຟື້ນມ່ວນຊື່ນ.

----

ໜັງສືພິມ ເສດຖະກິດ-ສັງຄົມ

แชร์