ວີໂວຢືນຢັນຈະເປີດໂຕ ອໍຣິຢິນ ໂອເອສໃນເດືອນພະຈິກນີ້

  Vivo ກຽມ​ເປີດ​ໂຕ​ຊອຟ​ແວຣຫຼ້າ​ສຸດ​ໃນ​ຊື່ Origin OS ພ້ອມຄຳ​ໂປຣ​ໂມ​ດ ”​ໂລກ​ໜ່ວຍ​ໃໝ່” ໃນ​ໄວໆ​ນີ້ ພາຍ​ໃນ​ງານ​ປະຊຸມ​ນັກພັດທະນາ Vivo DevelopersConference ປະຈຳ​ປີ 2020.

 ຫຼ້າ​ສຸດ​ທາງ Vivo ​ໄດ້​ຢືນຢັນ​ຜ່ານ​ສື່​ໂຊ​ຊຽວລາຍ​ໃຫຍ່​ຂອງ​ສປ ຈີນ​ຄື Weibo ​ໂດຍ​ລະບຸ​ວ່າ​ຈະ​ເປີດ​ໂຕ Origin OS ​ໃນ​ເດືອນ​ພະຈິກ 2020 ນີ້ ທາງ Vivo ​ໄດ້ຢືນຢັນວ່າ​ຈະ​ຈັດ​ງານ​ສຸດ​ພິ​ເສດ​ຂຶ້ນ​ທີ່​ເມືອງ​ເສິນ​ເຈິ້ນ ສປ ຈີນ ຊຶ່ງ​ແຫຼ່ງ ພັດທະນາ​ດ້ານ​ເຕັ​ກ​ໂນ​ໂລ​ຊີ​ຫຼັກ​ຂອງ​ປະ​ເທດ​ຈີນ ​ແລະ​ເປັນ​ທີ່​ຕັ້ງ​ຂອງ​ບໍລິສັດ​ເຕັ​ກ​ໂນ​ໂລ​ຊີ​ໃຫຍ່​ຢ່າງ​ຫຼວງ​ຫຼາຍ​ອີກ​ດ້ວຍ.

 ເຖິງ​ວ່າ​ທາງ Vivo ຈະ​ບໍ່​ໄດ້​ເປີດ​ເຜີຍ​ຂໍ້​ມູນ​ກ່ຽວ​ກັບ Origin OS ​ແຕ່​ໄດ້​ມີ​ການ​ຄາດ​ການ​ວ່າ​ຈະ​ໄດ້​ຮັບ​ການ​ອອກ​ແບບ​ໃຫ້​ໃຊ້​ງານ​ງ່າຍ​ຫຼາຍ​ຂຶ້ນ ​ແລະ​ມີ​ຂ່າວ​ລື​ວ່າ ສາມາດ​ສະ​ລັບ​ການ​ໃຊ້​ງານ​ລະຫວ່າງ Origin OS ກັບ​ລະບົບ​ພຽວ Android ​ໄດ້​ຢ່າງ​ສະດວກ​ສະບາຍ​ອີກ​ດ້ວຍ.

 

แชร์