ໝາກນາວປະສົມນ້ຳສົ້ມສາຍຊູ ຊ່ວຍເຮັດໃຫ້ເລັບມືບໍ່ຫັກງ່າຍ

  ໝາກນາວມີຄຸນສົມບັດທີ່ ດີຕໍ່ເລັບມືຫຼາຍເພາະໝາກນາວຈະມີກຣົດອ່ອນໆເຮັດໃຫ້ເລັບມືມີສີ ຂາວອົມບົວອ່ອນນ້ຳມັນຈາກເປືອກໝາກນາວ ແລະວິຕາມິນຊີຊ່ວຍບຳ ລຸງເລັບໃຫ້ແຂງແຮງເງົາງາມບໍ່ ຫັກງ່າຍ.

ສ່ວນປະກອບ:

  1. ນ້ຳໝາກນາວ 3 ບ່ວງແກງ.
  2. ນ້ຳສົ້ມສາຍຊູ 1 ບ່ວງແກງ.
  3. ນ້ຳອຸ່ນ 3 ບ່ວງແກງ.

   ວິທີເຮັດ: ບີບໝາກນາວໃຫ້ໄດ້ປະມານ 3 ບ່ວງແກງ ໃສ່ລົງຊາມ ນ້ອຍຈາກນັ້ນກໍ່ລ້າງມືຂອງທ່ານ ໃຫ້ສະອາດເຊັດມືໃຫ້ແຫ້ງນຳປາຍ ນິ້ວມືລົງແຊ່ໃນນ້ຳໝາກນາວປະ ມານ 5 ນາທີ ແລ້ວຍົກມືຂຶ້ນຈາກນັ້ນກໍ່ເຕີມນ້ຳສົ້ມຊາຍຊູ 1 ບ່ວງ ແກງ ແລະນ້ຳອຸ່ນປະມານ 3  ບ່ວງ ແກງ  ລົງໄປໃນນ້ຳໝາກນາວ  ແລະ ຄົນໃຫ້ເຂົ້າກັນແລ້ວໃຊ້ແປງຖູແຂ້ວຈຸ່ມລົງນ້ຳດັ່ງກ່າວແລ້ວນຳມາຖູໆທີ່ເລັບມື ຫຼື ນຳສຳລີມາຈຸ່ມລົງໃນສ່ວນປະສົມແລ້ວນຳມາພັນອ້ອມ ນິ້ວມື ປະໄວ້ 10 ນາທີ  ເຮັດວັນລະ 1 ຄັ້ງ ຈາກນັ້ນກໍ່ລ້າງໃຫ້ສະອາດ ເຮັດແບບນີ້ວັນລະ 1 ຄັ້ງ ເປັນປະ ຈຳເລັບທ່ານກໍ່ຈະຂາວໄດ້. ຖ້າຫາກເລັບມືທ່ານບາງຫຼາຍໃຫ້ເຮັດ ວັນລະ 2 ຄັ້ງ ເຊົ້າ-ແລງເລັບມືຈະ ຄ່ອຍແຂງແຮງຂຶ້ນ.

ຮຽບຮຽງໂດຍ: ຟ້າ

แชร์