ມສ ນະຄອນໄຊ ເປີດການແຂ່ງຂັນກີລາ

 ວັນທີ 19 ພະຈິກ 2020 ທີ່ເດີ່ນເຕະບານ ໂຮງຮຽນ ມສ ນະຄອນໄຊ ເມືອງຄຳເກີດ ແຂວງບໍລິຄຳໄຊ ໄດ້ຈັດພິທີເປີດການແຂ່ງຂັນກີລາ-ສິລະປະວັນນະຄະດີຕ້ານຢາເສບຕິດປະຈຳປີສົກປີ 2020-2021, ພາຍໃຕ້ການເປັນປະທານໂດຍທ່ານ ນາງຕ່ອງແກ້ວ ໄຊຍະປັນຍາ ອຳນວຍການໂຮງຮຽນ ມສ ນະຄອນໄຊ.

ທ່ານ ອາຈານ ຄຳສິງ ບຸນມະນີ ຮອງອຳນວຍການໂຮງຮຽນ ມສ ນະຄອນໄຊ ໄດ້ຂຶ້ນຜ່ານບົດລາຍງານການກະກຽມການແຂ່ງຂັນກີລາ-ສິລະປະວັນນະຄະດີຕ້ານຢາເສບ ຕິດ ມສ ນະຄອນໄຊ ສົກປີ 2020-2021 ວ່າ: ຜ່ານການກະກຽມມາຮອດປະຈຸບັນທາງຄະນະຮັບຜິດຊອບຈັດງານແຂ່ງຂັນກີລາ-ສິລະປະໄດ້ມີການຈັດຕັ້ງແລະແບ່ງຄວາມຮັບຜິດຊອບໃຫ້ແກ່ກຳມະການ ແລະອະນຸກຳມະການດຳ ເນີນວຽກງານຕ່າງໆເປັນຕົ້ນ ແມ່ນການກະກຽມສະໜາມ, ການກະກຽມນັກກີລາ ແລະສິລະປະຂອງແຕ່ລະຫ້ອງ, ຂອງຂວັນ-ລາງວັນຕ່າງໆ, ການຝຶກຊ້ອມກ້ອນກຳລັງ, ການອະນາໄມ, ການປະດັບປະດາ ແລະການປ້ອງກັນຄວາມສະຫງົບ.

  ການແຂ່ງຂັນກີລາມີ 4 ລາຍ ການຄື: ບານເຕະຊາຍ-ຍິງ, ບານສົ່ງຊາຍ-ຍິງ, ກະຕໍ້ຊາຍ ແລະເປຕັງຊາຍ-ຍິງ, ສ່ວນການແຂ່ງຂັນສິລະປະມີ 3 ລາຍການຄື: ຟ້ອນ,  ລຳ ແລະຮ້ອງເພງ.

---------------

#ຫນັງສືພິມເສດຖະກິດສັງຄົມ

#ຂ່າວອື່ນໆ :www.sethakit-psx.la

#ສົນໃຈລົງໂຄສະນາໂທ: 021 316520, 020 78887880

#ຕິດຕໍ່ຫານັກຂ່າວໂທ: 021 313645, 316511

#ຫຼືສົ່ງຂໍ້ຄວາມທາງເພຈ: ຂ່າວເສດຖະກິດ-ສັງຄົມ

E-mail: socio.econ@yahoo.com

แชร์