ສານປະຊາຊົນເຂດ I ແຂວງຫຼວງນໍ້າທາ ສະຫຼຸບວຽກງານຜ່ານມາ

  ວັນທີ 20 ພະຈິກ 2020 ຢູ່ທີ່ສານປະຊາຊົນເຂດ I ແຂວງຫຼວງນໍ້າທາ ໄດ້ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານປະຈຳປີ 2020 ແລະວາງທິດທາງແຜນການ 2021 ໂດຍການເປັນປະທານຂອງທ່ານ ສົມແພງ ຄຳມະວົງ ປະທານສານປະຊາຊົນເຂດ I ແຂວງຫຼວງນໍ້າທາ ເຂົ້າຮ່ວມໂດຍ ທ່ານ ທອງໄຊ ອາດຜາສຸກ ຮອງເຈົ້າເມືອງໆຫຼວງນໍ້າທາ ທ່ານ ທອງແດງ ສິດທິສົນ ສະມາຊິກສະພາປະຊາຊົນແຂວງປະທານສານປະຊາຊົນແຂວງຫຼວງນໍ້າທາ,ມີຫົວໜ້າ-ຮອງຫົວໜ້າຫ້ອງການ ພາຍໃນເມືອງຫຼວງນໍ້າທາ ແລະພະນັກງານວິຊາການເຂົ້າຮ່ວມ.


  ທ່ານ ຂັນຕີ ອິນທະວົງ ຮອງປະທານສານເຂດ I ແຂວງຫຼວງນໍ້າທາໄດ້ສະຫຼຸບຕີລາຄາຜົນການຈັດຕັ້ງປະຕິບັດວຽກງານປະຈຳປີ 2020 ແລະວາງທິດທາງແຜນການ 2021 ຕະຫຼອດໄລຍະຜ່ານມາສານປະຊາຊົນເຂດ I ແຂວງຫຼວງນໍ້າທາ ໄດ້ຍົກໃຫ້ເຫັນຜົນການຈັດຕັ້ງປະຕິບັດ ແລະ ຜັນຂະຫຍາຍມະຕິຄໍາສັ່ງຂອງຂັ້ນເທິງ, ມະຕິກອງປະຊຸມໃຫຍ່ຄັ້ງທີ X ຂອງອົງຄະນະພັກເມືອງ,ມະຕິກອງປະຊຸມໃຫຍ່ຜູ້ພິພາກສາຄັ້ງທີ IX ໃຫ້ເປັນໜ້າທີ່ການເມືອງຕົ້ນຕໍໄດ້ກຳນົດພາລະບົດບາດຂອງສານ ແລະປັບປຸງກົງຈັກບໍລິຫານໃຫ້ມີຄວາມລະອຽດຈະແຈ້ງເຮັດໃຫ້ລະບົບການຈັດຕັ້ງຂອງສານປະຊາຊົນເຂດ I ມີການພັດທະນາຕໍ່ເນື່ອງຄະນະນໍາໄດ້ຖືເປັນສໍາຄັນ ແລະເອົາໃຈ ໃສ່ເປັນພິເສດຕໍ່ການສຶກສາອົບຮົມແນວຄິດ-ການເມືອງ ໃຫ້ແກ່ສະມາຊິກພັກ-ພະນັກງານ ທີ່ຢູ່ໃນຄວາມຮັບຜິດຊອບຂອງຕົນໃຫ້ຮັກສາໄດ້ຄຸນທາດການເມືອງ, ຄຸນສົມ ບັດສິນທໍາປະຕິວັດ,ມີຄວາມຈົ່ງຮັກພັກດີຕໍ່ພັກຮັບໃຊ້ປະຊາຊົນດ້ວຍຄວາມບໍລິສຸດສັດຊື່, ມີຄວາມຮັບຜິດຊອບສູງໃນການປະຕິບັດໜ້າທີ່ວຽກງານໄດ້ຊຸກຍູ້ສົ່ງເສີມຕິດຕາມ ກວດກາການປະຕິບັດໜ້າທີ່ວຽກງານ, ໄດ້ມີການປະສານສົມທົບກັບບັນດາຫ້ອງການທີ່ກ່ຽວຂ້ອງເພື່ອເຄື່ອນໄຫວພາລະບົດບາດສິດ ແລະ ໜ້າທີ່ຂອງຕົນຊຶ່ງສະແດງອອກ: ຄະດີທີ່ສານປະຊາຊົນເຂດ I ໄດ້ຮັບມາພິຈາລະນາຫຼາຍກວ່າໝູ່ຄື: ຄະດີອາຍາແມ່ນລັກຊັບພົນລະເມືອງ, ຄະດີແພ່ງແມ່ນສັນຍາກູ້ຢືມຄະດີຄອບຄົວແມ່ນສາຍພົວພັນຄອບຄົວ (ຢ່າຮ້າງ) ຄະດີແຮງງານແມ່ນທວງເອົາຄ່າແຮງງານອອກໝາຍຮຽກ 212 ສະບັບຮ້ອງຟ້ອງ 33 ສະບັບ ຄຳແກ້ພ້ອງ 33 ສະບັບອອກໃບແຈ້ງໂທດ 82 ສະບັບ,ພ້ອມນັ້ນຍັງໄດ້ເຂົ້າຮ່ວມການດໍາເນີນຄະດີຢູ່ສານທີ່ມີຄວາມຫຍຸ້ງຍາກໃນການເຄື່ອນຍ້າຍຈຳເລີຍຄ້າງມາ 6 ເລື່ອງ,ເຂົ້າໃໝ່ 15 ເລື່ອງ, ຕັດສີນ 5 ເລື່ອງ, ໄກ່ເກ່ຍ 6 ເລື່ອງ, ຖອນຟ້ອງ 2 ເລື່ອງ (ໃນນັ້ນອຸທອນ 3 ເລື່ອງ), ພວມດຳເນີນ 8 ເລື່ອງ. ຄະດີຄອບຄົວຄ້າງມາ 3 ເລື່ອງ, ເຂົ້າໃໝ່ 12 ເລື່ອງ,ຕັດສິນ 8 ເລື່ອງ, ຖອນຟ້ອງ 3 ເລື່ອງ, ພວມດໍາເນີນ 4 ເລື່ອງ, ຄະດີແຮງງານເຂົ້າໃໝ່ 3 ເລື່ອງ, ຕັດສິນ 1 ເລື່ອງ, ໄກ່ເກ່ຍ 1 ເລື່ອງ, ພວມດໍາເນີນ 2 ເລື່ອງ, ທຽບໃສ່ແຜນການປະຕິບັດໄດ້ 76,2% ຂອງຄະດີທັງໝົດ.

 ສໍາລັບທິດທາງແຜນການໃນຕໍ່ໜ້າຈະໄດ້ສຶບຕໍ່ສຶກສາອົບຮົມການເມືອງແນວຄິດໃຫ້ພະນັກງານ-ລັດຖະກອນໃຫ້ກຳແໜ້ນແນວທາງນະໂຍບາຍຂອງພັກ-ກົດໝາຍຂອງລັດວາງອອກໃນແຕ່ລະໄລຍະເອົາໃຈໃສ່ຊອກຮູ້ກ່ຽວກັບວິທີຂອງການແກ້ໄຂຄະດີຕ່າງໆໃຫ້ມີຄວາມໂປ່ງໃສ ແລະຍຸຕິທຳສືບຕໍ່ແກ້ໄຂຄະດີທີ່ເຂົ້າມາສານໃຫ້ວ່ອງໄວ ແລະ ຮັບ ປະກັນປະສິດທິພາບໃຫ້ຖືກຕ້ອງຕາມກົດໝາຍ ແລະສອດຄ່ອງກັບຄວາມເປັນຈິງ.

ສະໜັບສະໜູນໂດຍ: HONDA

--------------

ຂ່າວ: ອຸ້ມ, ຮູບພາບ: #ຫນັງສືພິມເສດຖະກິດສັງຄົມ

แชร์