ວຽງທອງ ທຳລາຍສິນຄ້າຕ້ອງຫ້າມ

  ແລງວັນທີ 18 ພະຈິກ ຜ່ານມາ ເມືອງວຽງທອງ, ແຂວງບໍລິຄໍາໄຊ ໄດ້ຈັດພິທີທໍາລາຍສິນຄ້າທີ່ໝົດອາຍຸ, ເສື່ອມຄຸນນະພາບ ແລະສິນຄ້າທີ່ຕ້ອງຫ້າມໂດຍການເຂົ້າ ຮ່ວມຂອງທ່ານ ອາລຸນສັກ ປະທໍາມະວົງ ຮອງເຈົ້າເມືອງວຽງທອງ, ມີຄະນະຫ້ອງວ່າການ, ຫົວໜ້າຫ້ອງການ, ຮອງຫ້ອງການ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

  ໃນພິທີໄດ້ຜ່ານບົດສະຫຼຸບໃນການເກັບກູ້ສິນຄ້າທີ່ຕ້ອງຫ້າມ, ສິນຄ້າທີ່ໝົດອາຍຸ ແລະອາວຸດລ່າເນື້ອຕ່າງໆໃນໄລຍະຜ່ານມາ.

  ຜ່ານການປະຕິບັດເກັບກູ້ຕົວຈິງແມ່ນສາມາດເກັບໄດ້ປະເພດສິນຄ້າທີ່ໝົດອາຍຸມີຄື: ເຂົ້າໜົມ,ນໍ້າສົ້ມດີໂດ້,ໂຈ໋ກປ່ອງ, ໝີ່,ເປບຊີ, ນົມ, ແຟນຕ້າ,ນໍ້າສະອິ້ວ, ໂອອີຊີ, ກະທິງແດງ, ກາເຟ, ເຈ່ເລ່, ນໍ້າໝາກໄມ້, ຄະນໍ, ແປ້ງຊານົມໄຂ່ມຸກ, ຢາສູບ, ຟີດເນສະໝຸນໄພ.

 ປະເພດສິນຄ້າທີ່ຕ້ອງຫ້າມທີ່ນອນຢູ່ໃນ 36 ລາຍການທີ່ລັດຖະບານຕ້ອງຫ້າມມີຄື: ໄກຣໂຟແຊດ, ພາລາຄວດ, ໂຟລິໂຊນ, ຄຼອດລີໂຊນ, ອາມິກ,ໄດຍູຮອນ, ແມນໂດເຊນ, ອາທຣາຊີນ, ໄຮເດຣລອດ, ເມເຈີມິກ, ຝຸ່ນ (ດາລາທອດ).

 ປະເພດຢາປາບສັດຕູພືດມີຄື: ໂຟລີດອນ, ອາບເມກ, ໂອເມກ້າ, ເອດຮອນ,  ດົນດໍາ, ຢູສະກາຍ ແລະປະເພດອາວຸດລ່າເນື້ອ, ຄິດເປັນເງິນທັງໝົດ 10.839.000 ກີບ, ໃນການທໍາລາຍຄັ້ງນີ້ແມ່ນຂຸດຂຸມຝັງ.

แชร์