ໄຟຟ້າສາຂາອັດຕະປື ປະກອບສ່ວນສຳຄັນພັດທະນາເສດຖະກິດຂອງແຂວງ

  ລັດວິສາຫະກິດໄຟຟ້າລາວສາຂາແຂວງອັດຕະປື ໄດ້ຮັບການສ້າງຕັ້ງຂຶ້ນຕັ້ງແຕ່ປີ 2006 ເປັນຕົ້ນມາ, ນັບແຕ່ມື້ສ້າງຕັ້ງຮອດປະຈຸບັນລັດວິສາຫະກິດດັ່ງກ່າວກໍໄດ້ເຮັດໜ້າທີ່ດຳເນີນທຸລະກິດກ່ຽວກັບການຊື້ຂາຍພະລັງງານໄຟຟ້າ, ຄຸ້ມຄອງລະບົບຕາຄ່າຍໄຟຟ້າແຮງກາງແຮງຕໍ່າ, ໝໍ້ແປງ ແລະໝໍ້ນັບໄຟໃຫ້ໄດ້ມາດຕະຖານເຕັກນິກຫຼຸດຜ່ອນພະລັງງານຕົກເຮ່ຍຮັບປະກັນຄວາມປອດໄພຄຸ້ມຄອງການເກັບເງິນຄ່າກະແສໄຟຟ້າ ແລະເກັບກູ້ໜີ້ສິນໃຫ້ໄດ້ດີພ້ອມທັງຮັບໃຊ້ໜ້າທີ່ການເມືອງຂອງພັກລັດໃນການພັດທະນາເສດຖະກິດ-ສັງຄົມ ທັງປະກອບສ່ວນເຂົ້າໃນການແກ້ໄຂຊີວິດການເປັນຢູ່ຂອງພໍ່ແມ່ປະຊາຊົນໃຫ້ຫຼຸດພົ້ນຈາກຄວາມທຸກຍາກເທື່ອລະກ້າວ.

  ທ່ານ ເດດສຸວັນ ມະໄລທອງ ຫົວໜ້າລັດວິສາຫະກິດໄຟ

  ຟ້າລາວສາຂາແຂວງອັດຕະປື ໄດ້ໃຫ້ສໍາພາດເມື່ອບໍ່ດົນຜ່ານມາວ່າ: ປະຈຸບັນແຫຼ່ງສະໜອງພະລັງງານໄຟຟ້າຢູ່ແຂວງອັດຕະປືມີ 5 ແຫ່ງຄື: ຈາກເຂື່ອນໄຟຟ້າຫ້ວຍເຫາະ, ເຂື່ອນໄຟຟ້າຫ້ວຍສະໝອງ, ຈາກສະຖານີບ້ານສະເພົາທອງ, ຈາກ ສສ ຫວຽດນາມ ແລະ ຈາກແຂວງຈຳປາສັກ ເຮັດໃຫ້ການບໍລິການໄຟຟ້າໄດ້ດີ, ວ່ອງໄວ ແລະສຳເລັດການຂະຫຍາຍຕາຂ່າຍໄຟຟ້າໄປໃນທຸກພື້ນທີ່ໃນຂອບເຂດທົ່ວແຂວງເຮັດໃຫ້ປະຊາຊົນທົ່ວແຂວງອັດຕະປືໄດ້ຊົມໃຊ້ໄຟ້ຟ້າ 100% ພາຍໃນ 5 ເມືອງທົ່ວແຂວງໃນຈໍານວນ 140 ບ້ານແລະໄດ້ຊົມໃຊ້ໄຟຟ້າ 27.702 ຄອບຄົວ ເທົ່າກັບ 90,53% ຂອງຈໍານວນທັງໝົດ, ຖ້າທຽບໃສ່ແຜນການປະຕິບັດລື່ນຄາດໝາຍກໍ່ຍ້ອນວ່າລັດວິສາຫະກິດໄຟຟ້າລາວສາຂາແຂວງອັດຕະປືໄດ້ມີການຈັດຕັ້ງປະຕິບັດຕາມແຜນນະໂຍບາຍຂອງໄຟຟ້າລາວເປັນຕົ້ນການແກ້ໄຂຄວາມທຸກໃຫ້ພໍ່ແມ່ປະຊາຊົນ ໂດຍການລົງທຶນໃຫ້ກ່ອນ 700.000 ກີບ ຕໍ່ຫຼັງຄາເຮືອນສ່ວນອຸປະກອນພາກຫົວເສົາ ແລະກົງເຕີທາງໄຟຟ້າລາວຊ່ວຍເຫຼືອລ້າຄິດເປັນມູນຄ່າ 4 ແສນກວ່າກີບ ສ່ວນ 700.000 ກີບ ແມ່ນໃຫ້ປະຊາຊົນຈ່າຍຄືນເດືອນໜຶ່ງ 20 ພັນກີບ ກໍານົດ 35 ເດືອນ. 

  ທ່ານ ເດດສຸວັນ ມະໄລທອງ ຍັງໄດ້ໃຫ້ຮູ້ຕື່ມອີກວ່ານອກຈາກຂະຫຍາຍໄຟ້ຟ້າໃຫ້ພໍ່ແມ່ປະຊາຊົນແລ້ວລັດວິສາຫະກິດໄຟຟ້າລາວສາຂາແຂວງອັດຕະປືຍັງໄດ້ຕອບສະ ໜອງພະລັງງານໄຟຟ້າໃຫ້ການຜະລິດຂະຫນາດໃຫ່ຍໂດຍສະເພາະການສະໜອງພະລັງໄຟຟ້າໃຫ້ບໍລິສັດບໍ່ຄຳວົງຕັດ, ບໍລິສັດພັດທະນາກະສີກຳຮ່ວງແອ່ງຢະລາຍຈຳກັດພ້ອມນີ້ກໍ່ຍັງມີສວນປູກກ້ວຍ, ປູກໝາກໄມ້ໃຫ້ໝາກ ແລະໂຮງານງານອື່ນໆຕື່ມອີກດ້ວຍ.

------------

ຂ່າວ ວັດທະນາ, ຮູບພາບ: #ຫນັງສືພິມເສດຖະກິດສັງຄົມ

แชร์