ອາເມລິກາ ສະໜັບສະໜູນລາວສ້າງລັດແຫ່ງກົດໝາຍ

 ພາຍໃຕ້ການສະໜັບສະໜູນຈາກລັດຖະບານສະຫະລັດອາເມລິກາໂດຍຜ່ານອົງການພັດທະນາສາກົນປະເທດສະຫະລັດອາເມລິກາ ແລະຈັດຕັ້ງປະຕິບັດໂດຍມູນນິທິເອ ເຊຍປະຈຳລາວ, ກະຊວງຍຸຕິທຳໄດ້ເປີດຫ້ອງການຊ່ວຍເຫຼືອທາງດ້ານກົດໝາຍຢູ່ນະຄອນຫຼວງພະບາງໃນວັນທີ 23 ພະຈິກ 2020 ໃຫ້ກຽດເຂົ້າຮ່ວມໃນພິທີມີ ທ່ານ ບຸນສະຫວາດ ບຸບຜາ, ຮອງລັດຖະມົນຕີກະຊວງຍຸຕິທຳ,ທ່ານ ວົງສະຫວັນ ເທບພະຈັນ,ຮອງເຈົ້າແຂວງຫຼວງພະບາງ ແລະທ່ານ ປອ ປີເຕີ ເຮມ໋ອນ,ເອກອັກຄະລັດຖະ ທູດສະຫະລັດອາເມລິກາປະຈຳລາວ ແລະພາກສ່ວນກ່ຽວຂ້ອງເຂົ້າຮ່ວມ.

   ທ່ານ ປອ ປີເຕີ ເຮມ໋ອນ ໄດ້ກ່າວວ່າ: ແຜນງານນີ້ໄດ້ສະແດງໃຫ້ເຫັນເຖິງຄວາມມຸ້ງໝັ້ນພາຍໃຕ້ການຮ່ວມມືລະຫວ່າງສະຫະລັດອາເມລິກາ ແລະ ສປປ ລາວ ເພື່ອສ້າງປະເທດໃຫ້ກາຍເປັນລັດແຫ່ງກົດໝາຍພ້ອມທັງຊ່ວຍໃຫ້ປະຊາຊົນລາວເຂົ້າເຖິງການບໍລິການທາງດ້ານກົດໝາຍ ແລະຄວາມຍຸຕິທຳໃຫ້ຫຼາຍຂຶ້ນ. ສະຫະລັດອາເມ ລິກາພາກພູມໃຈທີ່ຈະສືບຕໍ່ຊ່ວຍເຫຼືອ ສປປ ລາວ ໃຫ້ບັນລຸເປົ້າໝາຍເພື່ອກາຍເປັນສະມາຊິກອາຊຽນທີ່ມີຄວາມເຂັ້ມແຂງ, ໝັ້ນຄົງ ແລະຜາສຸກ.

  ການສະໜັບສະໜູນຫ້ອງການຊ່ວຍເຫຼືອທາງດ້ານກົດໝາຍເປັນໜຶ່ງໃນກິດຈະກຳຂອງແຜນງານຊ່ວຍເຫຼືອທາງດ້ານກົດໝາຍ, ທີ່ໄດ້ຮັບທຶນຈາກປະເທດສະຫະລັດອາເມລິກາໂດຍຜ່ານອົງການພັດທະນາສາກົນປະເທດສະຫະລັດອາເມລິກາ ແລະຈັດຕັ້ງປະຕິບັດໂດຍມູນນິທິເອເຊຍປະຈຳລາວ. ແຜນງານນີ້ໄດ້ຊ່ວຍກະຊວງຍຸຕິທຳເປີດຫ້ອງການຊ່ວຍເຫຼືອທາງດ້ານກົດໝາຍແລ້ວຢູ່ນະຄອນຫຼວງວຽງຈັນ, ແຂວງຜົ້ງສາລີ ແລະແຂວງສາລາວັນ, ແຜນງານນີ້ຈະສືບຕໍ່ຊ່ວຍເປີດຫ້ອງການຊ່ວຍເຫຼືອທາງດ້ານກົດໝາຍຢູ່ຂັ້ນເມືອງໃນແຂວງອຸດົມໄຊ, ສະຫວັນນະເຂດ, ຫຼວງນໍ້າທາ, ຈຳປາສັກ, ໄຊຍະບູລີ ແລະແຂວງວຽງຈັນ.

  ສະຫະລັດອາເມລິກາຍັງໄດ້ຮ່ວມມື ກັບ ສປປ ລາວ ໃນຫຼາຍຂົງເຂດເຊັ່ນ: ສາທາລະນະສຸກ, ໂພຊະນາການ, ສ້າງເງື່ອນໄຂທາງການຄ້າ ແລະການລົງທຶນ ແລະການຕ້ານອາຊະຍາກຳຂ້າມຊາດ.

แชร์