ວັນທີ 20 ພະຈິກ 2020 ທີ່ອົງການກາແດງລາວ ນະຄອນຫຼວງວຽງຈັນ ບໍລິສັດ ພຣູເດັນໂຊລ໌ ປະກັບໄພຊີວິດ ລາວ ຈໍາກັດ ໄດ້ຮ່ວມຊ່ວຍເຫຼືອຜູ້ປະສົບໄພນໍ້າ ຖ້ວມຢູ່ແຂວງສະຫວັນນະເຂດມອບໂດຍທ່ານ ວິຍາສອນ ມູນນະລາດ ອໍານວຍການຝ່າຍບໍລິຫານທຸລະກິດພະແນກຮຸ້ນສ່ວນການຂາຍ ບໍລິສັດ ພຣູເດັນ ໂຊລ໌ ປະກັບໄພຊີວິດ ລາວ ຈໍາກັດ ແລະຮັບແມ່ນທ່ານ ຄໍາຮຸ່ງ ເຮືອງວົງສີ ປະທານອົງການກາແດງລາວມີພະນັກງານວິຊາການທັງສອງຝ່າຍເຂົ້າຮ່ວມ.

 ເຄື່ອງທີ່ນໍາມາຊ່ວຍເຫຼືອຄັ້ງນີ້ເປັນປະເພດເຄື່ອງອຸປະໂພກ-ບໍລິໂພກ (ເຂົ້າສານ, ໝີ່, ປາກະປ໋ອງ) ລວມມູນຄ່າ 25 ລ້ານກີບ ເພື່ອຊ່ວຍເຫຼືອຜູ້ປະສົບໄຟນໍາຖ້ວມທາງພາກກາງ ແລະພາກໃຕ້ຂອງລາວ ແລະໃນເວລາດຽວກັນນີ້ທ່ານປະທານອົງການກາແດງລາວກໍ່ໄດ້ຮັບເງິນນໍ້າໃຈຄົນລາວທີ່ອາໄສຢູ່ສະຫະລັດອາເມຣິກາຈໍານວນ 6 ລ້ານກີບ ຊຶ່ງຕາງ ໜ້າມອບເງິນໂດຍທ່ານ ສັງຄົມ ພົງພັກດີ.

  ໃນໂອກາດນີ້ທ່ານປະທານອົງການກາແດງໄດ້ສະແດງຄວາມຂອບໃຈມາຍັງພາກສ່ວນດັ່ງກ່າວທີ່ໄດ້ນຳເອົາວັດຖຸປັດໄຈມາຊ່ວຍປະຊາຊົນຜູ້ທີ່ປະສົບໄພທຳມະຊາດໃນຄັ້ງນີ້ຊຶ່ງເປັນການປະກອບສ່ວນສຳຄັນເຂົ້າໃນການຟື້ນຟູ ແລະບັນເທົາທຸກແກ່ປະຊາຊົນທີ່ໄດ້ຮັບຜົນກະທົບໃຫ້ກັບຄືນສູ່ສະພາບປົກກະຕິໂດຍໄວພ້ອມສະແດງຄວາມຢືນຢັນວ່າເຄື່ອງຊ່ວຍເຫຼືອດັ່ງກ່າວແມ່ນຈະນຳໄປມອບໃຫ້ຜູ້ປະສົບໄພຢ່າງທົ່ວເຖິງ ແລະເງິນຈໍານວນດັ່ງກ່າວແມ່ນຈະນໍາເອົາຈັດຊື້ໃນສິ່ງສໍາຄັນ ແລະຈໍາເປັນທີ່ສຸດ.

แชร์