ຈຳປາສັກ ຄອງແຊ້ມ ບານເຕະທົ່ວໂລກ

  ບານເຕະນັດຊີງຊະນະເລີດລະຫວ່າງແຂວງຈຳປາສັກພົບກັບແຂວງຫຼວງພະບາງບອກເລີຍເກມນີ້ເອົາແຟນບານໄປຕິດຂອບສະໜາມເຕັມ ແລະຖືເປັນປະຫວັດສາດວົງການກີລາບານເຕະໃນຮອບຫຼາຍປີທີ່ມີສີສັນຂະນະທີ່ເກມການແຂ່ງຂັນທັງສອງທີມປັບປ່ຽນກັນບຸກແຕ່ເລີ່ມເກມຈົນຈົບການແຂ່ງຂັນເຮັດໃຫ້ແຟນບານເຊຍກັນສະໜາມເກືອບແຕກຈົນຮອດວິນາທີ່ສຸດທ້າຍສະເໝີຈຳປາສັກມາເອົາຊະນະຫຼວງພະບາງດ້ວຍການຍິງລູກໂທດ 4-2 ປະຕູເຮັດໃຫ້ຄອງແຊ້ມລາຍການນີ້ສວນບານເຕະຍິງທີມນະຄອນຫຼວງວຽງຈັນຄອງແຊ້ມຮັບເງິນ 100 ລ້ານກີບ ພ້ອມຂັນ 1 ໜ່ວຍ ແລະຫຼຽນຊະນະເລີດ 30 ຫຼຽນ.

  ການແຂ່ງຂັນຮອບຕັດສິນແມ່ນຈັດຂຶ້ນສະໜາມກີລາແຫ່ງຊາດຫຼັກ 16 ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມມອບລາງວັນນັກກີລາຂອງທ່ານ ນາງ ຂັນທະລີ ສິຣິພົງພັນ ຮອງລັດຖະມົນຕີ ກະຊວງສຶກສາທິການ ແລະກີລາ, ທ່ານ ວີເພັດ ສີຫາຈັກ ປະທານສະຫະພັນບານເຕະແຫ່ງຊາດລາວພ້ອມດ້ວຍຄະນະພາກສ່ວນກ່ຽວ ຂ້ອງ ແລະແຟນບານທົ່ວປະເທດເຂົ້າຮ່ວມຄຶກຄື້ນມ່ວນຊື່ນ.

 ການແຂ່ງຂັນເຕະບານທົ່ວປະເທດຈຸດປະສົງເພື່ອສ້າງຂະບວນການຂໍ່ານັບຮັບຕ້ອນວັນຊາດຄົບຮອບ 45 ປີ ຊຶ່ງຂຶ້ນລະຫວ່າງວັນທີ 6-21 ພະຈິກ 2020 ທີ່ນະຄອນ ຫຼວງວຽງຈັນ ໂດຍທີມຊະນະເລີດ (ຍິງ-ຊາຍ) ຈະໄດ້ຮັບເງິນລາງວັນ 100 ລ້ານກີບ ພ້ອມຂັນ 1 ໜ່ວຍ ແລະຫຼຽນຊະນະເລີດ 30 ຫຼຽນ, ຮອງຊະນະເລີດຈະໄດ້ຮັບເງິນລາງວັນ 40 ລ້ານກີບ ແລະຫຼຽນຮອງຊະນະເລີດ 30 ຫຼຽນ, ນອກຈາກນັ້ນຍັງມີລາງວັນປະເພດບຸກຄົນກໍຄືລາງວັນນັກກິລາຍິງປະຕູສູງສຸດ ແລະ ລາງວັນຄູຝຶກດີເດັ່ນ.

ຂ່າວ: ບຸນນີກ ເສດຖະກິດສັງຄົມ

ຮູບພາບ: #ຫນັງສືພິມເສດຖະກິດສັງຄົມ

แชร์