ບຸນນະມັດສະການພຣະທາດຍາຄູຂີ້ຫອມ ເມືອງອາດສະພັງທອງ

 ງານບຸນນະມັດສະການພະ ທາດຍາຄູຂີ້ຫອມປະຈໍາປີ 2019 ຢ່າງຄຶກຄື້ນມ່ວນຊື່ນໃນວັນທີ 19 ກຸມພານີ້, ທີ່ບ້ານດົງກຶມ ເມືອງ ອາດສະພັງທອງ  ແຂວງສະຫວັນນະເຂດ ໂດຍການເຂົ້າຮ່ວມຂອງ ທ່ານ ລໍາທອງ ຂອບສີລາວົງເຈົ້າເມືອງອາດສະພັງທອງ, ມີ ທ່ານ  ຈັນທະໜອມ  ພິລາວົງ  ຮອງ ຫົວໜ້າພະແນກຖະແຫຼງຂ່າວ, ວັດ ທະນະທໍາ ແລະທ່ອງທ່ຽວແຂວງ, ມີການນໍາຂັ້ນແຂວງ, ການນໍາຂັ້ນ ເມືອງ, ແຂກຖືກເຊີນຕະຫຼອດຮອດ ພໍ່ແມ່ປະຊາຊົນພາຍໃນບ້ານດົງກຶມ ແລະ ບ້ານໃກ້ຄຽງກໍ່ໄດ້ເຂົ້າຮ່ວມ ຢ່າງພ້ອມພຽງ.

  ທ່ານ ລໍາທອງ ຂອບສີລາວົງ ກໍ່ໄດ້ກ່າວເປີດງານຢ່າງເປັນທາງ ການພ້ອມນີ້, ທ່ານຍັງໄດ້ເລົ່າໃຫ້ຮູ້ເຖິງມູນເຊື້ອປະຫວັດຄວາມເປັນມາຂອງຍາຄູຂີ້ຫອມໂດຍຫຍໍ້ ແລະ ໃນພິກໍ່ຍັງໄດ້ຮັບຊົມສິລະປະວັນນະ ຄະດີຈາກນ້ອງນ້ອຍນັກຮຽນຈາກ ບັນດາໂຮງຮຽນແຫ່ງຕ່າງໆອ້ອມ ຂ້າງເມືອງ ແລະ ໄດ້ຮັບຊົມຮ້ານ ວາງສະແດງສິນຄ້າຂອງເມືອງ ອາດສະພັງທອງ ຈາກນັ້ນກໍ່ໄດ້ມີ ແຫ່ຜະສາດເຜິ້ງອ້ອມພະທາດ 3 ຮອບພ້ອມທັງຖວາຍຕົ້ນກາລະພຶກໃຫ້ແກ່ວັດດັ່ງກ່າວ.

  ທັງນີ້ກໍ່ເພື່ອເປັນການອະນຸລັກຮັກສາມູນເຊື້ອປະຫວັດຄວາມເປັນ ມາຂອງພະທາດຍາຄູຂີ້ຫອມໄວ້ ໃຫ້ຮຸ່ນລູກຮຸ່ນຫຼານໄດ້ຮັບຮູ້ເຖິງຄວາມເປັນມາ ແລະສຶບທອດກັນຕໍ່ໆໄປ, ທັງເຮັດໃຫ້ສະຖານທີ່ດັ່ງກ່າວກ່າຍ ເປັນແຫຼ່ງທ່ອງທ່ຽວຂອງເມືອງ ອາດສະພັງທອງຕື່ມອີກ.

แชร์