ລວມຮ່ວມກັບສາກົນສະຫຼອງນຳໃຊ້ຕໍ່ຢາຕ້ານເຊື້ອຈຸລະຊີບ

   ວັນທີ 17-20 ພະຈິກ 2020 ກະຊວງສາທາລະນະສຸກ, ກະຊວງກະສິກໍາ ແລະປ່າໄມ້, ກະຊວງຊັບພະຍາກອນທຳມະຊາດ ແລະສິ່ງແວດລ້ອມ, ອົງການອາຫານ ແລະການກະເສດແຫ່ງສະຫະປະຊາຊາດ (FAO), ອົງການອະນາໄມໂລກ(WHO) ແລະຄູ່ຮ່ວມພັດທະນາອື່ນໆ ໄດ້ຈັດພິທີສະຫຼອງສັບປະດາສາກົນການປູກຈິດສຳ ນຶກໃນການພັດນຳໃຊ້ຢາຕ້ານເຊື້ອຈຸລະຊີບເຂົ້າເປັນປະທານຮ່ວມໂດຍທ່ານ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ກະຊວງສາລະນະສຸກ, ທ່ານ ພຸດ ອິນທະວົງ ຮອງຫົວໜ້າກົມລ້ຽງສັດ ແລະການປະມົງ, ທ່ານ MarkJACOBS ຜູ້ຕາງໜ້າອົງການອະນາໄມໂລກ ແລະທ່ານ Hayat Nasar ຜູ້ຕາງໜ້າອົງການອາຫານ ແລະການກະເສດແຫ່ງສະຫະປະຊາຊາດມີບັນດາຜູ້ຕາງໜ້າຈາກກະຊວງ, ພະແນກການ ແລະຫ້ອງການທີ່ກ່ຽວຂ້ອງເຂົ້າຮ່ວມ.

   ທ່ານ ດຣ. ຣັດຕະນະໄຊ ເພັດສຸວັນ ກ່າວວ່າ: ມັນມີຄວາມສຳຄັນຫຼາຍທີ່ຈະຕ້ອງຍົກລະດັບຄວາມຮັບຮູ້ກ່ຽວກັບການຕ້ານຕໍ່ຢາຕ້ານເຊື້ອຈຸລະຊີບ ແລະ ຊຸກຍູ້ໃຫ້ທຸກຄົນນໍາໃຊ້ຢາຕ້ານເຊື້ອຢ່າງຮອບຄອບບໍ່ວ່າຈະເປັນປະຊາຊົນທົ່ວໄປ, ພະນັກງານສາທາລະນະສຸກ ຫຼືຜູ້ວາງນະໂຍບາຍສິ່ງເຫຼົ່ານີ້ຈະຊ່ວຍຫຼີກລ້ຽງການເກີດການຕ້ານຕໍ່ຢາຕ້ານເຊື້ອຈຸລະຊີບຕື່ມອີກ ແລະການແຜ່ກະຈາຍຂອງການຕິດເຊື້ອທີ່ຕ້ານຕໍ່ຢາທີ່ເປັນອັນຕະລາຍໃນປີ 2015, ລັດຖະບານລາວຮ່ວມກັບບັນດາປະເທດຕ່າງໆໃນທົ່ວໂລກໄດ້ຮັບຮອງເອົາແຜນປະຕິບັດງານສາກົນກ່ຽວກັບການຄວບຄຸມເຊື້ອຈຸລະຊີບທີ່ຕ້ານຕໍ່ຢາຕ້ານເຊື້ອ ແລະໄດ້ໃຫ້ຄຳໝັ້ນສັນຍາວ່າຈະຕໍ່ສູ້ກັບບັນຫາເຊື້ອຈຸລະຊີບທີ່ຕ້ານຕໍ່ຢາຕ້ານເຊື້ອພາຍໃນປະເທດ ແລະຈະປະກອບສ່ວນເຂົ້າໃນການຄວບຄຸມເຊື້ອຈຸລະຊີບທີ່ຕ້ານຕໍ່ຢາຕ້ານເຊື້ອໃນຂົງເຂດພາກພື້ນ ແລະທົ່ວໂລກສຳລັບການຮ່ວມມືສະຫຼອງຄັ້ງນີ້ປະກອບ ມີ 5 ຍຸດທະສາດຊຶ່ງໄດ້ອີງໃສ່ເປົ້າໝາຍຂອງແຜນປະຕິບັດງານສາກົນຄື: ການຍົກລະດັບຄວາມຮັບຮູ້ ແລະຄວາມເຂົ້າໃຈກ່ຽວກັບເຊື້ອຈຸລະຊີບທີ່ຕ້ານຕໍ່ຢາຕ້ານເຊື້ອຈຸລິນຊີ, ການສ້າງຄວາມເຂັ້ມແຂງໃຫ້ແກ່ລະບົບການເຝົ້າລະວັງກ່ຽວກັບເຊື້ອຈຸລະຊີບຕ້ານຕໍ່ຢາຕ້ານເຊື້ອຈຸລິນຊີ; ການຫຼຸດຜ່ອນອັດຕາການເປັນພະຍາດຊຶມເຊື້ອທີ່ເກີດຈາກເຊື້ອຈຸລິນຊີ;ການເພີ່ມປະສິດຕິພາບໃນການນໍາໃຊ້ຢາຕ້ານເຊື້ອຈຸລິນຊີໃນຂະແໜງການສຸຂະພາບຄົນ ແລະສຸຂະພາບສັດ ແລະການປັບປຸງລະບົບການຄຸ້ມຄອງ, ການປະສານງານ ແລະການສະໜອງງົບປະມານ.

 ນອກໃນພິທີເປີດສັບປະດາສາດັ່ງກ່າວກໍ່ຈະມີການເຜີຍແຜ່ຂໍ້ມູນຜ່ານສື່ສັງຄົມອອນລາຍເປັນຕົ້ນແມ່ນເຟສບຸກຂອງສູນສື່ສານເພື່ອສຸຂະພາບ ແລະສຸຂະສຶກສາ, ກະຊວງສາທາລະນະສຸກໃນຫົວຂໍ້ຄວາມສໍາຄັນທີ່ແຕກຕ່າງກັນກ່ຽວກັບການຕ້ານຕໍ່ຢາຕ້ານເຊື້ອຈຸລະຊີບຈະຖືກໂພສລົງເຟສບຸກດັ່ງກ່າວເພື່ອໃຫ້ຜູ້ຕິດຕາມໄດ້ຮັບຂໍ້ຄວາມສຳຄັນດັ່ງກ່າວຜ່ານສື່ອອນລາຍ.

-------------

ຂ່າວ: ແພງຕາ ເສດຖະກິດສັງຄົມ

ຮູບພາບ: #ຫນັງສືພິມເສດຖະກິດສັງຄົມ

แชร์