ວຽງຈັນໄຂກອງປະຊຸມໃຫຍ່ອົງຄະນະພັກແຂວງ

   ວັນທີ 18 ພະຈິກ ກອງປະຊຸມໃຫຍ່ຜູ້ແທນອົງຄະນະພັກແຂວງວຽງຈັນ ຄັ້ງທີ VI ໄດ້ໄຂຂຶ້ນຢ່າງເປັນທາງການຊຶ່ງກອງປະຊຸມຈະດຳເນີນໄປຈົນເຖິງວັນທີ 29 ພະ ຈິກ 2020 ພາຍໃຕ້ການເປັນປະທານຂອງສະຫາຍ ຄໍາພັນ ສິດທິດໍາພາ ກຳມະການສູນກາງພັກ, ເລຂາພັກແຂວງເຈົ້າແຂວງວຽງຈັນໂດຍໃຫ້ກຽດເຂົ້າຮ່ວມຂອງສະ ຫາຍຈັນສີ ໂພສີຄຳ ກໍາມະການກົມການເມືອງສູນກາງພັກ,ເລຂາທິການສູນກາງພັກ,ຫົວໜ້າຄະນະຈັດຕັ້ງສູນກາງພັກ, ມີບັນດາສະຫາຍພະນັກງານອາວຸໂສ,ສະຫາຍອະດີດການນຳຂອງແຂວງ, ມີບັນດາສະຫາຍຜູ້ແທນສົມບູນກອງປະຊຸມໃຫຍ່ທີ່ເປັນຕົວແທນໃຫ້ແກ່ສະມາຊິກພັກ 19.728 ສະຫາຍ ໃນທ້ອງຖິ່ນ ແລະພະແນກການອົງການອ້ອມຂ້າງແຂວງທີ່ໄດ້ເຂົ້າຮ່ວມຢ່າງພ້ອມພຽງ.​

 ກອງປະຊຸມຄັ້ງນີ້ຈະໄດ້ພ້ອມກັນທົບທວນຜົນງານ ແລະໄຊຊະນະໃນການຈັດຕັ້ງປະຕິບັດແນວທາງນະໂຍບາຍຂອງພັກ, ມະຕິກອງປະຊຸມໃຫຍ່ຄັ້ງທີ V ຂອງອົງຄະນະພັກແຂວງໃນໄລຍະ 5 ປີ ຜ່ານມາ, ສະຫຼຸບສັງລວມ, ຖອດຖອດບົດຮຽນທີ່ສຳຄັນ ແລະຈະໄດ້ພ້ອມກັນຄົ້ນຄວ້າຕົກລົງຢ່າງເປັນເອກະສັນຮັບຮອງເອົາທິດທາງ, ໜ້າທີ່ສະເພາະໜ້າ (2021-2025) ແນໃສ່ປົກປັກຮັກສາ ແລະພັດທະນາແຂວງວຽງຈັນໃຫ້ມີບາດກ້າວຫັນປ່ຽນໃໝ່ນັບມື້ນັບໜັກແໜ້ນ, ຮັ່ງມີເຂັ້ມແຂງ, ປະກອບສ່ວນຢ່າງຕັ້ງໜ້າ ແລະສົມກຽດເຂົ້າໃນພາລະກິດປົກປັກຮັກສາ ແລະພັດທະນາປະເທດຊາດ.

   ສຳຄັນອີກຢ່າງໜຶ່ງແມ່ນກອງປະຊຸມໃຫຍ່ຄັ້ງນີ້ຈະໄດ້ເລືອກຕັ້ງເອົາຄະນະບໍລິຫານງານພັກແຂວງຊຸດໃໝ່ເພື່ອສືບຕໍ່ຊີ້ນຳ-ນຳພາແຂວງວຽງຈັນຕໍ່ໄປ ແລະຈະປ່ອນບັດເລືອກຕັ້ງເອົາຜູ້ແທນສົມບູນຂອງແຂວງເພື່ອເຂົ້າຮ່ວມກອງປະຊຸມໃຫຍ່ ຄັ້ງທີ XI ຂອງພັກທີ່ຈະໄຂຂຶ້ນໃນອີກບໍ່ດົນຂ້າງໜ້ານີ້.

  ກອງປະຊຸມຍັງຈະໄດ້ຮັບຟັງການໂອ້ລົມໃຫ້ທິດຊີ້ນຳຈາກ ສະຫາຍ ຈັນສີ ໂພສີຄໍາ ເພື່ອຊີ້ນຳຄະນະບໍລິຫານງານພັກແຂວງຊຸດໃໝ່, ຜູ້ແທນກອງປະຊຸມໃຫ້ກຳແໜ້ນ, ເຊື່ອມຊຶມເນື້ອໃນຈິດໃຈ ແລະຍຸດທະສາດຂອງພັກໃນສະເພາະໜ້າ ແລະຍາວນານຕື່ມອີກ.

แชร์