ລາວກວດພົບຜູ້ເຊື້ອຕິດໂຄວິດ-19 ໃໝ່ 1 ກໍລະນີ

 ທ່ານ ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ, ຕາງໜ້າໃຫ້ຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດໂຄວິດ-19 ລາຍງານໃຫ້ຮູ້ວ່າ: ບັນດາປະເທດໃກ້ຄຽງ ແລະໃນໂລກມາຮອດປະຈຸບັນທົ່ວໂລກມີການລາຍງານການລະບາດທັງໝົດ 216 ປະ ເທດ/ເຂດ ຊຶ່ງມີການຢັ້ງຢືນຜູ້ຕິດເຊື້ອພະຍາດໂຄວິດ-19 ແມ່ນ 55,2 ລ້ານຄົນ, ປິ່ນປົວຫາຍດີ 38,3 ລ້ານຄົນ, ເສຍຊີວິດ 1,3 ລ້ານຄົນ.

ສ່ວນທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກໃຫ້ຮູ້ວ່າໃນວັນທີ 17 ພະຈິກ 2020 ນີ້ວ່າ: ສປປ ລາວ ກວດພົບຜູ້ຕິດເຊື້ອໂຄວິດ-19 ເພີ່ມອີກ 1 ກໍລະນີ, ເປັນເພດຍິງນັກສຶກສາລາວທີ່ເດີນທາງມາຈາກປະເທດຣົງກາລີ, ເກັບຕົວຢ່າງມາ ກວດວິເຄາະວັນທີ 16 ພະຈິກ 2020 ຜົນອອກມາເປັນບວກ.

  ປະຈຸບັນໄດ້ນໍາຕົວຜູ້ກ່ຽວໄປແຍກປ່ຽວຢູ່ໂຮງໝໍມິດຕະພາບ 150 ຕຽງ ແລ້ວອາການເບື້ອງຕົ້ນເບົາບາງລວມຕົວເລກຜູ້ຕິດເຊື້ອສະສົມ 25 ກໍລະນີ, ປິ່ນປົວດີ 23 ກໍ ລະນີ, ຍັງສືບຕໍ່ປິ່ນປົວຢູ່ໂຮງໝໍ 2 ກໍລະນີ.

ສະໜັບສະໜູນໂດຍ: HONDA

#ຫນັງສືພິມເສດຖະກິດສັງຄົມ

แชร์