ສູນບຳລຸງການສຶກສາວິຊາຊີບຊົນເຜົ່າ ໄດ້ຮັບເຄື່ອງຊ່ວຍເຫຼືອ

   ໃນວັນທີ 12  ກຸມພາຜ່ານມາ ພະແນກການຕ່າງປະເທດສົມ ທົບກັບພະແນກສຶກສາທິການ ແລະ ກີລາແຂວງອຸດົມໄຊ ໄດ້ນຳເອົາ ເຄື່ອງທີ່ໄດ້ຮັບການຊ່ວຍເຫຼືອຈາກ ສະຖານກົງສຸນໃຫຍ່ ສປ ຈີນ ປະຈຳພາກເໜືອລາວທີ່ນະຄອນຫຼວງ ພະບາງ ມາມອບໃຫ້ສູນບຳລຸງຍົກ ລະດັບການສຶກສາ  ແລະຝຶກອົບຮົມ ວິຊາຊີບຊົນເຜົ່າເມືອງນາໝໍ້ນຳໄປມອບຕໍ່ໃຫ້ແກ່ນ້ອງນັກຮຽນນອນ ຫໍພັກ, ເຄື່ອງປະກອບມີເສື້ອກັນໜາວຍິງ-ຊາຍ 280 ຜືນ ແລະ ຜ້າຫົ່ມຂົນ 100 ຜືນ ລວມມູນຄ່າ  24 ລ້ານກວ່າກີບ, ຕາງໜ້າກ່າວ ມອບໂດຍແມ່ນທ່ານ  ວິໄສ ອີນດາລາ ຮອງຫົວໜ້າພະແນກການຕ່າງປະເທດແຂວງອຸດົມໄຊ ແລະຕາງ ໜ້າຮັບໂດຍແມ່ນທ່ານ ຊາຍ ແກ້ວມະນີລັດ ຜູ້ອຳນວຍການສູນບຳລຸງ ຍົກລະດັບການສຶກສາ ແລະ ຝຶກອົບ ຮົມວິຊາຊີບຊົນເຜົ່າເຂົ້າຮ່ວມມີ ທ່ານ ສົມດີ ສີລາທອດ ຫົວໜ້າພະແນກສຶກສາທິການ ແລະກີລາ ແຂວງ, ມີຫົວໜ້າຫ້ອງວ່າການ ເມືອງນາໝໍ້, ຫົວໜ້າຫ້ອງການສຶກ ສາທິການ  ແລະກີລາເມືອງ, ພະນັກງານຂະແໜງທີ່ກ່ຽວຂ້ອງ, ຄູອາ ຈານ  ແລະນ້ອງນັກຮຽນເຂົ້າຮ່ວມ.

   ທັງນີ້ກໍເພື່ອສືບຕໍ່ປະຕິບັດຕາມຈຸດປະສົງຂອງຜູ້ບໍລິຈາກເພື່ອຊ່ວຍ ເຫຼືອເດັກນ້ອຍນັກຮຽນທີ່ມີຄວາມ ລຳບາກໃຫ້ຮັບການເປັນຢູ່ທີ່ດີຂຶ້ນ ມີກຳລັງໃຈສຶກສາ ແລະປະຕິບັດກົດລະບຽບຂອງໂຮງຮຽນ; ນອກຈາກເສື້ອກັນໜາວ ແລະ ຜ້າຫົ່ມແລ້ວ ທາງສະຖານກົງສຸນໃຫຍ່ ສປ ຈີນປະຈຳພາກເໜືອລາວທີ່ນະຄອນຫຼວງພະບາງ ຍັງໄດ້ຝາກໂທລະ ສັບມືຖື 1 ຊຸດ ເພື່ອມອບໃຫ້ທາງ ໂຮງຮຽນເພື່ອຄັດເລືອກເອົາຄູອາ ຈານສອນທີ່ດີເດັ່ນເພື່ອມອບໃຫ້ ເປັນຂອງຂວັນລາງວັນຕື່ມອີກ.

  ໃນໂອກາດນີ້, ຄະນະທີມງານກໍ ໄດ້ພ້ອມກັນຢ້ຽມຊົມບັນດາກິດຈະ ກຳການຮຽນ-ການສອນ, ຫໍພັກ ແລະອາຄານສະຖານທີ່ຕ່າງໆຂອງ ສູນບຳລຸງຍົກລະດັບການສຶກສາ ແລະຝຶກອົບຮົມວິຊາຊີບຊົນເຜົ່າ ເມືອງນາໝໍ້.

แชร์