ແຂວງວຽງຈັນ ກວດກາ 400 ກວ່າໂຄງການ-ສຳປະທານດິນລັດ

    ວຽງຈັນແມ່ນອີກແຂວງໜຶ່ງຂອງລາວມີທີ່ຕັ້ງໃກ້ນະຄອນຫຼວງວຽງຈັນຊຶ່ງເປັນເມືອງເອກຂອງປະເທດລາວເໝາະສົມແກ່ການລົງທຶນໃສ່ຂະແໜງການຕ່າງໆເຮັດໃຫ້ໃນຜ່ານມາບັນດາຜູ້ປະກອບການໝາຍຕາ ແລະໄປລົງທຶນທີ່ແຂວງດັ່ງກ່າວຕາມໜ່ວຍສະເພາະກິດຂັ້ນແຂວງໄດ້ລົງກວດກາ ແລະ ເກັບກໍາຂໍ້ມູນດິນເຊົ່າ-ສໍາປະທານທີ່ ດິນລັດໄດ້ມີທັງໝົດ 417 ໂຄງການ ໃນນັ້ນ, ຂັ້ນກະຊວງອະນຸຍາດ 62 ໂຄງການ,ຂັ້ນແຂວງອະນຸຍາດ 251 ໂຄງການ ແລະ ອີກ 104 ໂຄງການ ແມ່ນຂັ້ນເມືອງອະນຸຍາດຂະນະທີ່ຮອດປະຈຸບັນໄດ້ອອກແຜນທີ່ດິນລັດທີ່ຂັ້ນແຂວງອະນຸຍາດໃຫ້ໂຄງການເຊົ່າ-ສໍາປະທານຢູ່ແຂວງວຽງຈັນໄດ້ທັງໝົດ 44 ໂຄງການ ລວມເນື້ອທີ່ 5,4 ພັນເຮັກຕາ.

  ທ່ານ ສຸກັນ ວິໄຣຣັດ ຫົວໜ້າພະແນກຊັບພະຍາກອນທຳມະຊາດ ແລະສິ່ງແວດລ້ອມແຂວງວຽງຈັນເປີດເຜີຍຫວ່າງບໍ່ດົນມານີ້ວ່າ: ວຽກທີ່ດິນໃນການຈັດຕັ້ງປະຕິບັດວຽກງານຈັດສັນວາງແຜນການນໍາໃຊ້ທີ່ດິນໃນການກໍານົດເຂດອະນຸລັກ ແລະ ເຂດນໍາໃຊ້ຢູ່ແຂວງວຽງຈັນໃນຜ່ານມາແມ່ນສໍາເລັດແລ້ວ 10 ບ້ານ, ການສ້າງແຜນຈັດສັນທີ່ດິນ ແລະແຜນຄຸ້ມຄອງສິ່ງແວດລ້ອມຮອບດ້ານປະຈຸບັນໄດ້ສໍາເລັດການຈັດກອງປະຊຸມສ້າງຄວາມເອກະພາບທາງດ້ານວິຊາການຂັ້ນແຂວງ ແລະສະເໜີຜ່ານກອງປະຊຸມສະພາປະຊາຊົນແຂວງວຽງຈັນເພື່ອຮັບຮອງ.

  ພ້ອມນັ້ນກໍໄດ້ສົມທົບກັບພະແນກການເງິນແຂວງວຽງຈັນເພື່ອເປັນເອກະພາບການເກັບກໍາຂໍ້ມູນ ແລະສັງລວມຂໍ້ມູນສໍາມະໂນ 3 ທົ່ວແຂວງວຽງຈັນທັງໝົດ 2 ແສນກວ່າຕອນ ມີເນື້ອທີ່ 224 ລ້ານກວ່າຕາແມັດ, ການແບ່ງຕົວເລກມອບເໜົາການຂຶ້ນທະບຽນທີ່ດິນ (ອອກໃບຕາດິນ) ຂອງແຂວງວຽງຈັນ ມີຈໍານວນ 5 ພັນຕອນ ໄດ້ໃຫ້ແຕ່ລະເມືອງປະຕິບັດ,ມາເຖິງປະຈຸບັນສາມາດປະຕິບັດໄດ້ 2,6 ພັນຕອນ, ເນື້ອທີ່ 9,9 ລ້ານຕາແມັດ ເທົ່າກັບ 53,18 % ມາຮອດປະຈຸບັນອອກໃບຕາດິນຖາ ວອນມີທັງໝົດ 1,16 ແສນຕອນ, ການຈົດທະບຽນນິຕິກໍາກ່ຽວກັບທີ່ດິນໄດ້ທັງໝົດ 2,1 ພັນຕອນ, ມີເນື້ອທີ່ 26,09 ລ້ານຕາແມັດ, ສັງລວມໃບຕາດິນລັດທົ່ວແຂວງວຽງຈັນມີທັງໝົດ 4,4 ພັນຕອນ, ເນື້ອທີ່ 83,8 ລ້ານຕາແມັດ,

ວຽກເຊົ່າ-ສໍາປະທານທີ່ດິນໄດ້ເຂົ້າຮ່ວມນໍາໜ່ວຍສະເພາະກິດຂັ້ນແຂວງໃນການລົງກວດກາ ແລະເກັບກໍາຂໍ້ມູນດິນເຊົ່າ-ສໍາປະທານທີ່ດິນລັດໄດ້ທັງໝົດ 417 ໂຄງການໃນນັ້ນ, ຂັ້ນກະຊວງອະນຸຍາດມີ 62 ໂຄງການ, ຂັ້ນແຂວງອະນຸຍາດ 251 ໂຄງການ ແລະ ຂັ້ນເມືອງອະນຸຍາດ104 ໂຄງການ, ຮອດປະຈຸບັນໄດ້ອອກແຜນທີ່ດິນລັດທີ່ຂັ້ນແຂວງອະນຸຍາດໃຫ້ໂຄງການເຊົ່າ-ສໍາປະທານຢູ່ແຂວງວຽງຈັນໄດ້ທັງໝົດ 44 ໂຄງການ, ມີເນື້ອທີ່  5,4 ເຮັກຕາ.

  ວຽກງານສິ່ງແວດລ້ອມໄດ້ສຳເລັດການເກັບກຳຂໍ້ມູນຂຶ້ນບັນຊີໂຄງການລົງທຶນ ແລະກິດຈະການຕ່າງໆທົ່ວແຂວງໄດ້ທັງໝົດຈໍານວນ 1,9 ພັນໂຄງການໃນນັ້ນ, ໂຄງ ການລົງທຶນທີ່ສູນກາງອອກໃບຢັ້ງຢືນດ້ານສິ່ງແວດລ້ອມ 16 ໂຄງການຂັ້ນແຂວງ 223 ໂຄງການ, ຂັ້ນເມືອງອອກໃບຢັ້ງຢືນດ້ານສິ່ງແວດລ້ອມມີ 1,7 ພັນກິດຈະ ການ, ໄດ້ຈັດຕັ້ງປະຕິບັດໂຄງການສ້າງຄວາມເຂັ້ມແຂງໃຫ້ພະນັກງານສິ່ງແວດລ້ອມ ພຊສ ແຂວງວຽງຈັນ ໃນການນໍາໃຊ້ ແລະຕິດຕາມ IEE ໃນແຕ່ລະປີແມ່ນສໍາເລັດ ຕາມລະດັບຄາດໝາຍ.

แชร์