ບົວລະພາ ທຳລາຍສິນຄ້າທີ່ຜິດກົດໝາຍ

   ເພື່ອປະຕິບັດຕາມແຜນພັດທະນາເສດຖະກິດ-ສັງຄົມ ເວົ້າລວມເວົ້າສະເພາະແມ່ນປະຕິບັດຕາມແຜນປົກກະຕິຂອງຫ້ອງການວິທະຍາສາດ ແລະເຕັກໂນໂລຊີ ແລະທຸກພາກສ່ວນທີ່ກ່ຽວຂ້ອງໃນການກວດກາ ແລະຕິດຕາມການຈຳໜ່າຍຂອງສີນຄ້າຜູ້ປະກອບການເພື່ອປົກປ້ອງຜູ້ບໍລິໂພກກໍຄືພໍ່ແມ່ປະຊາຊົນຊາວເມືອງບົວລະພາແຂວງຄຳມ່ວນ ໃຫ້ມີຄວາມປອດໄພດັ່ງນັ້ນໃນຕອນເຊົ້າຂອງວັນທີ 10 ພະຈິກ 2020 ທີ່ຜ່ານມາຢູ່ທີ່ຫ້ອງການອຸສາຫະກຳ ເເລະການຄ້າເມືອງຄະນະຮັບຜິດຊອບໄດ້ຈັດພິທີທຳລາຍສິນຄ້າໝົດອາຍຸ ແລະ ເຊື່ອມຄຸນນະພາບໂດຍພາຍໃຕ້ການເປັນປະທານຂອງທ່ານ ສຸກຂະເສີມ ເເກ້ວຈັນທະລາ ຮອງເຈົ້າເມືອງໆ ບົວລະພາ ເຂົ້າຮ່ວມມີບັນດາທ່ານໃນຫົວໜ້າຮອງຫົວໜ້າຫ້ອງການພະນັກງານວິຊາການທີ່ກ່ຽວຂ້ອງ ແລະອຳນາດການປົກຄອງບ້ານໃນຂອບເຂດເທສະບານພາຍໃນເມືອງເຂົ້າຮ່ວມ.

 ຜ່ານການລົງເຄື່ອນໄຫວກວດກາຕົວຈິງຂອງຂະເເໜງການທີ່ກ່ຽວຂ້ອງຄື: ຫ້ອງການອຸດສາຫະກຳ ແລະການຄ້າຫ້ອງການວິທະຍາສາດ ເເລະເຕັກໂນໂລຊີ,ຫ້ອງການສາທາລະນະສຸກຫ້ອງການ ປກສ ກຸ່ມ, ຫ້ອງການກະສິກຳ ແລະປ່າໄມ້ເມືອງ ແລະ ຫ້ອງການ-ການເງີນເມືອງຢູ່ໃນ 2 ກຸ່ມບ້ານຄື: ກຸ່ມບ້ານນາພະນັງ ເເລະ ກຸ່ມບ້ານນາສະລອນ ໄດ້ເລີ່ມຈັດຕັ້ງປະຕິບັດເເຕ່ຕົ້ນເດືອນສິງຫາຈົນມາເຖິງປະຈຸບັນສາມາດກວດກາສິນຄ້າໝົດອາຍຸ ເເລະ ເຊື່ອມຄຸນນະພາບສິນຄ້າລອກຮຽນເເບບ ແລະສິນຄ້າບໍ່ເສຍພາສີອາກອນ 86 ລາຍການສ່ວນໃຫ່ຍເເມ່ນເປັນເຄື່ອງບໍລິໂພກເປັນຕົ້ນເເມ່ນປະເພດນໍ້າອັດລົມ, ເຄື່ອງສຳອາງ, ຢາປົວພະຍາດ ເເລະອື່ນໆ ລວມມູນຄ້າທັງໝົດ 14,9 ລ້ານກີບ.

 ພິທີຄັ້ງນີ້ທ່ານ ສຸກຂະເສີມ ແກ້ວຈັນທະລາ ຮອງເຈົ້າເມືອງໆບົວລະພາກໍ່ໄດ້ໂອ້ລົມຮຽກຮ້ອງມາຍັງຂະເເໜງການທີ່ກ່ຽວໃຫ້ເພີ່ມທະວີໃນການລົງກວດກາສີນຄ້າພາຍໃນເມືອງໃຫ້ເຂັ້ມງວດເພື່ອປົກປ້ອງຜົນປະໂຫຍດກໍ່ຄືຊີວິດຂອງຜູ້ບໍລິໂພກທີ່ມີຄຸນນະພາບ ເເລະໄດ້ມາດຖານໃນໂອກາດນີ້ຄະນະຮັບຜິດຊອບຂັ້ນເມືອງ ແລະເເຂກທີ່ຖືກເຊີນທີ່ເຂົ້າຮ່ວມໃນພິທີກໍ່ໄດ້ພ້ອມກັນທຳລາຍສີນຄ້າທີ່ບໍໄດ້ມາດຖານ ແລະໝົດອາຍຸນຳໃຊ້ນຳອີກດ້ວຍ.

_________

ຂ່າວ: ບຸນປະພາດ 

ຮູບພາບ: #ຫນັງສືພິມເສດຖະກິດສັງຄົມ

แชร์