ປະຈຸບັນພຶດຜັກອິນຊີກຳລັງເປັນທີ່ຕ້ອງການຂອງຕະຫຼາດໂດຍຜູ້ຄົນໄດ້ນິຍົມກັນບໍລິໂພກຢ່າງຫຼວງຫຼາຍເນື່ອງຈາກຜູ້ບໍລິໂພກຄິດເຫັນເລື່ອງສຸຂະພາບປອດໄພຈາກສານພິດສະນັ້ນເພື່ອເພີ່ມການບໍລິການລູກຄ້າໃຫ້ຮັບຮູ້ຫຼາຍຂຶ້ນທາງກຸ່ມກະສິກຳອິນຊີ ນະຄອນຫຼວງ ຈຶ່ງໄດ້ເພີ່ມຊ່ອງທາງການບໍລິການຕື່ມນອກຈາກການວາງຂາຍຕາມຕະ ຫຼາດ ແລ້ວຍັງມີການຂາຍສິນຄ້າຜ່ານທາງລະບົບອອນລາຍເພື່ອບໍລິການລູກຄ້າໃຫ້ມີຄວາມສະດວກສະບາຍຂຶ້ນຕື່ມ, ຈາກຜົນງານ ແລະຊື່ສຽງໃນໄລຍະຜ່ານມາຈຶ່ງເຮັດໃຫ້ອໍການິກໂຮມໄດ້ຮັບລາງວັນທຸລະກິດລິເລີ່ມດີເດັ່ນອາຊຽນ 2020.
ທ່ານ ດວງຈັນ ສີພາວັນ ປະທານວິສາຫະກິດກຸ່ມກະສິກຳອິນຊີນະຄອນຫຼວງ ໃຫ້ສຳພາດວ່າ: ຈຸດເລີ່ມຕັ້ນຂອງວິສາຫະກິດກຸ່ມກະສິກຳອິນຊີນະຄອນຫຼວງແມ່ນກຸ່ມຊາວສວນໄດ້ຮັບການຊ່ວຍເຫຼືອຈາກໂຄງການໃຈກາຊຶ່ງພາຍໃຕ້ການຊີນຳຂອງພະແນກກະສິກຳ ແລະປ່າໄມ້ນະຄອນຫຼວງວຽງຈັນວິສາຫະກິດກຸ່ມກະສິກຳອິນຊີນະຄອນຫຼວງນີ້ສ້າງຕັ້ງຂຶ້ນມາໃນປີ 2016 ຫຼັງຈາກນັ້ນຕົນຈຶ່ງໄດ້ເຂົ້າມາລົງທຶນ ແລະບໍລິຫານຕໍ່ຈາກຊາວສວນໃນປີ2018 ໂດຍໄດ້ເຂົ້າມາຊຸກຍູ້ສົ່ງເສີມກຸ່ມການຜະລິດກະສິກຳຂອງຊາວສວນ 200 ກວ່າຄອບຄົວໃນ 6 ຕົວເມືອງ ນະຄອນຫຼວງວຽງຈັນ,ໂດຍທາງບໍລິສັດໄດ້ມີການສົ່ງເສີມທາງດ້ານການຕະຫຼາດ,ຊາວສວນເປັນຜູ້ຜະລິດແລ້ວບໍລິສັດເກັບຊື້ແລ້ວນຳມາຂາຍ ແລະຈັດສົ່ງໃຫ້ລູກຄ້າ, ໂດຍໃນປີຜ່ານມາໄດ້ເຮັດຫຼາຍຢ່າງເປັນຕົ້ນເຮັດເປັນແພັກຕິດໂລໂກ້ແລະອື່ນໆເພື່ອສົ່ງລົງຕາມຊຸບເປີມາເກັດຕ່າງໆ.
ທ່ານ ດວງຈັນ ສີພາວັນ ກ່າວຕື່ມວ່າ: ປະຈຸບັນແມ່ນການເຮັດຕະຫຼາດອອນລາຍເນື່ອງຈາກເຫັນໄດ້ບັນຫາຂອງລູກຄ້າທີ່ເຮັດວຽກບໍ່ມີເວລາໄປຕະຫຼາດແຕ່ຢາກບໍລິໂພກພຶດຜັກອໍການິກໂດຍຜ່ານການເຮັດການຕະຫຼາດທາງອອນລາຍເຫັນວ່າມີລູກຄ້າຫຼາຍຂຶ້ນຊຶ່ງລູກສັ່ງເຮົາສົ່ງເຖິງບ້ານ, ໂດຍເນັ້ນການຂາຍອອນລາຍຫຼາຍຂຶ້ນ, ປະຈຸບັນຄົນຫັນມາໃສ່ໃຈເລື່ອງສຸຂະພາບຫຼາຍຂຶ້ນ ແລະລູກຄ້າກໍຫຼາຍຂຶ້ນໂດຍການສົ່ງລູກຄ້າແມ່ນສົ່ງສຳລັບວັນພຸດ ແລະວັນເສົາ, ມີລູກຄ້າທັງພາຍໃນນະຄອນຫຼວງວຽງຈັນ ແລະຕ່າງແຂວງຈຳນວນໜຶ່ງ, ສຳລັບການຜະລິດແມ່ນຍັງບໍ່ພຽງພໍກັບຄວາມຕ້ອງການເນື່ອງຈາກມີສິນຄ້າບາງປະເພດເກີນ ແລະບາງປະເພດບໍ່ພໍຊຶ່ງເຫັນວ່າບໍ່ທັນສົມດຸນກັນ, ໃນອະນາຄົດແມ່ນຈະເນັ້ນການບໍລິການທາງອອນລາຍຫຼາຍຂຶ້ນກວ່າເກົ່າໂດຍສະເພາະທາງເວັບໄຊ Organichomlao.com ແລະເຟສບຸກ Organic Home delivery.
ທ່ານ ດວງຈັນ ສີພາວັນ ກ່າວອີກວ່າ: ສຳລັບລາງວັນທີ່ໄດ້ຮັບແມ່ນຍ້ອນວິໃສທັດຂອງທຸລະກິດໂດຍການສົ່ງເສີມຊາວສວນໃຫ້ມີລາຍຮັບ ແລະມີຊີວິດການເປັນຢູ່ທີ່ດີຂຶ້ນ, ນອກນັ້ນຍັງໄດ້ສົ່ງເສີມການສຶກສາ ແລະ ອື່ນໆ, ຂໍຂອບໃຈພັກ-ລັດທີ່ໄດ້ຊຸກຍູ້ສົ່ງເສີມທຸລະກິດຕົນເອງຕະຫຼອດມາສິ່ງດັ່ງກ່າວໄດ້ເຮັດໃຫ້ທຸລະກິດປະສົບຜົນສຳເລັດໃນຫຼາຍດ້ານ ແລະໄດ້ຮັບລາງວັນທຸລະກິດດີເດັ່ນອາຊຽນ 2020 ໃນສາຂາທຸລະກິດລິເລີ່ມດີເດັ່ນ.
| ສະກຸນເງີນ | ອັດຕາຊື້ | ອັດຕາຂາຍ | |
|
EUR | 21.356 | 21.571 |
|
USD | 21.996 | 22.140 |
|
THB | 683 | 690 |
|
CNY | 2.713 | 2.740 |