ລັດຖະມົນຕີ ກຊສ ເຄື່ອນໄຫວເຮັດວຽກຢູ່ເເຂວງວຽງຈັນ

   ໃນວັນທີ 5 ຕຸລາ 2020 ທ່ານ ສົມມາດ ພົນເສນາ ລັດຖະມົນຕີກະຊວງຊັບພະຍາກອນທຳມະຊາດ ແລະສິ່ງແວດລ້ອມ (ກຊສ) ພ້ອມດ້ວຍຄະນະໄດ້ລົງຢ້ຽມຢາມ ແລະເຮັດວຽກຢູ່ແຂວງວຽງຈັນ ເປັນກຽດຕ້ອນຮັບຂອງທ່ານ ສຸກັນ ວິໄຣຣັດ ຫົວໜ້າພະແນກຊັບພະຍາກອນທຳມະຊາດ ແລະສິ່ງແວດລ້ອມ (ພຊສ) ແຂວງວຽງຈັນພ້ອມດ້ວຍຄະນະ.


  ທ່ານ ສຸກັນ ວິໄຣຣັດ ໄດ້ລາຍງານຫຍໍ້ໃນການຈັດຕັ້ງປະຕິບັດບາງວຽກງານຂອງ ພຊສ ແຂວງວຽງຈັນ ໃນໄລຍະຜ່ານມາ ແລະທິດທາງແຜນການໃນຕໍ່ໜ້າເປັນຕົ້ນແມ່ນວຽກທີ່ດິນໃນການຈັດຕັ້ງປະຕິບັດວຽກງານຈັດສັນວາງແຜນການນໍາໃຊ້ທີ່ດິນໃນການກໍານົດເຂດອະນຸລັກ ແລະເຂດນໍາໃຊ້ຢູ່ແຂວງວຽງຈັນສໍາເລັດແລ້ວ10 ບ້ານ, ການສ້າງແຜນຈັດສັນທີ່ດິນ ແລະແຜນຄຸ້ມຄອງສິ່ງແວດລ້ອມຮອບດ້ານປະຈຸບັນໄດ້ສໍາເລັດການຈັດກອງປະຊຸມສ້າງຄວາມເອກະພາບທາງດ້ານວິຊາການຂັ້ນແຂວງ ແລະສະເໜີຜ່ານກອງປະຊຸມສະພາປະຊາຊົນແຂວງວຽງຈັນເພື່ອຮັບຮອງ, ໄດ້ສົມທົບກັບພະແນກການເງິນແຂວງວຽງຈັນເພື່ອເປັນເອກະພາບການເກັບກໍາຂໍ້ມູນ ແລະ ສັງ ລວມຂໍ້ມູນສໍາມະໂນ 03 ທົ່ວແຂວງວຽງຈັນທັງໝົດ 200.250 ຕອນມີເນືອທີ່ 224,21 ລ້ານຕາແມັດ, ການແບ່ງຕົວເລກມອບເໜົາການຂຶ້ນທະບຽນທີ່ດິນ (ອອກ ໃບຕາດິນ) ຂອງແຂວງວຽງຈັນມີຈໍານວນ 5.000 ຕອນ, ໄດ້ໃຫ້ແຕ່ລະເມືອງປະຕິບັດຊຶ່ງສາມາດປະຕິບັດໄດ້ 2.659 ຕອນ, ເນື້ອທີ່ 9,97 ລ້ານຕາແມັດ, ເທົ່າກັບ 53,18%, ມາຮອດປະຈຸບັນອອກໃບຕາດິນຖາວອນມີທັງໝົດ 116.763 ຕອນ, ການຈົດທະບຽນນິຕິກໍາກ່ຽວກັບທີ່ດິນໄດ້ທັງໝົດ 2.128 ຕອນ, ມີເນື້ອທີ່ 26,09 ລ້ານຕາແມັດ, ສັງລວມໃບຕາດິນລັດທົ່ວແຂວງວຽງຈັນມີທັງໝົດ 4.428 ຕອນ, ເນື້ອທີ່ 83,89 ລ້ານຕາແມັດ, ວຽກເຊົ່າ-ສໍາປະທານທີ່ດິນ: ໄດ້ເຂົ້າຮ່ວມນໍາໜ່ວຍສະເພາະກິດຂັ້ນແຂວງໃນການລົງກວດກາ ແລະ ເກັບກໍາຂໍ້ມູນດິນເຊົ່າ-ສໍາປະທານທີ່ດິນລັດໄດ້ທັງໝົດ 417 ໂຄງການ. ໃນນັ້ນ, ຂັ້ນກະຊວງອະນຸຍາດມີ 62 ໂຄງການ, ຂັ້ນແຂວງອະນຸຍາດ 251 ໂຄງການ ແລະຂັ້ນເມືອງອະນຸຍາດ 104 ໂຄງການ,ຮອດປະຈຸບັນໄດ້ອອກແຜນທີ່ດິນລັດທີ່ຂັ້ນແຂວງອະນຸຍາດໃຫ້ໂຄງການເຊົ່າ-ສໍາປະທານຢູ່ ແຂວງວຽງຈັນ ໄດ້ທັງໝົດ 44 ໂຄງການ, ມີເນື້ອທີ່ 5.453. ເຮັກຕາ ແລະວຽກງານສິ່ງແວດລ້ອມໄດ້ສຳເລັດການເກັບກຳຂໍ້ມູນຂຶ້ນບັນຊີໂຄງການລົງທຶນ ແລະກິດຈະການຕ່າງໆທົ່ວແຂວງໄດ້ທັງໝົດຈໍານວນ 1.983 ໂຄງການ, ໃນນັ້ນ, ໂຄງການລົງທຶນທີ່ສູນກາງອອກໃບຢັ້ງຢືນດ້ານສິ່ງແວດລ້ອມ 16 ໂຄງການຂັ້ນແຂວງ 223 ໂຄງການ, ຂັ້ນເມືອງອອກໃບຢັ້ງຢືນດ້ານສິ່ງແວດລ້ອມມີ 1.744 ກິດຈະການ, ໄດ້ຈັດຕັ້ງປະຕິບັດໂຄງການສ້າງຄວາມເຂັ້ມແຂງໃຫ້ພະນັກງານສິ່ງ ແວດລ້ອມ ພຊສ ແຂວງວຽງຈັນ ໃນການນໍາໃຊ້ ແລະຕິດຕາມ IEE ໃນແຕ່ລະປີແມ່ນສໍາເລັດຕາມລະດັບຄາດໝາຍ.

  ຕອນທ້າຍທ່ານ ສົມມາດ ພົນເສນາ ໄດ້ເນັ້ນບາງດ້ານໃນການຈັດຕັ້ງປະຕິບັດຫນ້າທີ່ວຽກງານເປັນຕົ້ນການສ້າງຄວາມເຂັ້ມແຂງໃຫ້ບັນດາຂະແຫນງການພາຍໃນພະ ແນກຊັບພະຍາກອນທຳມະຊາດ ແລະສິ່ງແວດລ້ອມແຂວງວຽງຈັນໃນການນຳພາ ແລະການສ້າງຄວາມເຂັ້ມແຂງ, ເປັນແບບຢ່າງໃນການຊີ້ນຳນຳພາວຽກງານຂອງບັນ ດາຄະນະນຳຂອງພະແນກໃຫ້ມີຄວາມໃກ້ຊິດຕິດແທດຢ່າງທົ່ວເຖິງເພື່ອຮັບປະກັນໃຫ້ການຈັດຕັ້ງປະຕິບັດຫນ້າທີ່ວຽກງານໃຫ້ໄດ້ຮັບຜົນສຳເລັດຕາມລະດັບຄາດໝາຍ, ເປັນຕົ້ນແມ່ນການຈັດຕັ້ງປະຕິບັດວຽກງານທີ່ດິນ, ບັນຫາສິ່ງ ແວດລ້ອມເປັນຕົ້ນນໍ້າເປື້ອນ, ກິ່ນເໝັນ,ການອອກໃບຕາດິນ ແລະອື່ນໆ, ພ້ອມນີ້ທ່ານຍັງໄດ້ເນັ້ນໃນການຮັກສາໄດ້ຄວາມສາມັກຄີທັງພາຍໃນ ແລະພາຍນອກເພື່ອພ້ອມກັນປະຕິບັດວຽກງານຕາມສິດພາລະບົດບາດໜ້າທີ່ຂອງຕົນເພື່ອແນໃສ່ສ້າງສາພັດທະນາເສດຖະກິດສັງ ຄົມຂອງແຂວງໃຫ້ມີການເຕີບໃຫຍ່ຂະຫຍາຍຕົວຢ່າງຕໍ່ເນື່ອງ.

แชร์