ເຊື່ອມຊຶມຜົນກອງປະຊຸມໃຫຍ່ອົງຄະນະພັກກະຊວງປ້ອງກັນຄວາມສະຫງົບ

  ກອງປະຊຸມເຜີຍແຜ່ເຊື່ອມຊຶມຜົນສຳເລັດກອງປະຊຸມໃຫຍ່ຜູ້ແທນຄັ້ງທີ v ຂອງອົງຄະນະພັກກະຊວງປ້ອງກັນຄວາມສະຫງົບຢູ່ ປກສ ແຂວງບໍລິຄຳໄຊໄດ້ໄຂຂື້ນວັນທີ 5 ພະຈິກ 2020 ໂດຍການເປັນປະທານ ແລະເຜີຍແຜ່ເອກະສານໂດຍທ່ານ ພົຕ ກົງທອງ ພົງວິຈິດ ຮອງເລຂາຄະນະພັກກະຊວງ, ຮອງລັດຖະມົນຕີກະຊວງປ້ອງ ກັນຄວາມສະຫງົບ, ມີຄະນະພັກກະຊວງ, ຄະນະປະຈໍາພັກ, ຄະນະກອງບັນຊາການ ປກສ ແຂວງບໍລິຄໍາໄຊ, ພະນັກງານນໍາພາ-ບັນ ຊາຂັ້ນຫ້ອງ,ກອງ,ຄ້າຍຄຸມຂັງ-ດັດສ້າງ, ໂຮງຮຽນ ປກສ ຊັ້ນຕົ້ນເລກ 4, ປກສ ເມືອງ 7 ຕົວເມືອງ, ພ້ອມດ້ວຍພະນັກງານຫຼັກແຫຼ່ງເຂົ້າຮ່ວມ.

 ທ່ານ ພັອ ຄອນສະຫັວນ ສົມພາໄຊ ຄະນະພັກກະຊວງ, ຫົວໜ້າກົມຈັດຕັ້ງກົມໃຫ່ຍການເມືອງກະຊວງປ້ອງກັນຄວາມສະຫງົບຂຶ້ນຜ່ານມະຕິຕົກລົງຂອງຄະນະເລຂາ ທິການສູນກາງພັກສະບັບເລກທີ 160/ຄລສພ, ລົງວັນທີ 24 ກັນຍາ 2020 ວ່າດ້ວຍການຮັບຮອງເອົາຄະນະບໍລິຫານງານພັກກະຊວງປ້ອງກັນຄວາມສະຫງົບສະ ໄໝທີ V ຈຳນວນ 27 ສະຫາຍ, ຄະນະປະຈໍາພັກກະຊວງ 09 ສະຫາຍ, ຮັບຮອງເອົາສະຫາຍ ພົທ ວິໄລ ຫຼ້າຄໍາຟອງ ເປັນເລຂາຄະນະພັກ, ສະຫາຍ ພົຕ ກົງທອງ ພົງວິຈິດ,ສະຫາຍ ພົຕ ວັນທອງ ກອງມະນີ ເປັນຮອງ ເລຂາຄະນະພັກ, ສະຫາຍ ພົຕ ທອງເຫຼັກ ມັງໜໍ່ເມກເປັນປະທານຄະນະກວດກາພັກ ແລະອິກ 03 ສະຫາຍ ເປັນຮອງປະທານ, ຈາກນັ້ນ ທ່ານ ພົຕ ກົງທອງ ພົງວິຈິດ ເຜີຍແຜ່ເອກະສານຜົນສຳເລັດກອງປະຊຸມໃຫຍ່ຜູ້ແທນຄັ້ງທີ V ຂອງອົງຄະນະພັກກະຊວງປ້ອງກັນຄວາມສະຫງົບ, ເຊີງໄດ້ຍົກໃຫ້ເຫັນວຽກງານປົກປັກຮັກສາຄວາມສະຫງົບທາງດ້ານການເມືອງໃນໄລຍະ 5 ປີຜ່ານມາແມ່ນໄດ້ປະສານສົມທົບແໜ້ນກັບກໍາລັງປ້ອງກັນຊາດ, ອໍານາດການປົກຄອງແຂວງສົ່ງພະນັກງານລົງກໍ່ສ້າງຮາກຖານໂດຍສະເພາະແມ່ນການລົງກໍ່ສ້າງຮາກຖານຢູ່ເຂດຈຸດສຸມໃຈກາງສາມາດແກ້ໄຂບັນດາປັດໄຈໜໍ່ແໜງກໍ່ ຄວາມບໍ່ສະຫງົບໄດ້ຢ່າງທັນການ, ໄດ້ປະກອບອຸປະກອນເຕັກນິກ, ເຕັກໂນໂລຊິຮັບໃຊ້ເຂົ້າໃນການຮັກສາຄວາມສະຫງົບທາງດ້ານໂທລະຄົມມະນາຄົມ ແລະການສື່ສານ, ຕິດພັນກັບການແກ້ໄຂເປົ້າໝາຍສວຍໃຊ້ສື່ສັງຄົມອອນລາຍທໍາລາຍຄວາມສະຫງົບຂອງຊາດ, ເປົ້າໝາຍກໍ່ອາດຊະຍາກໍາທາງດ້ານອິນເຕີເນັດ, ພ້ອມທັງເອົາໃຈໃສ່ວຽກ ງານປ້ອງກັນການນໍາຂັ້ນສູງຂອງພັກ-ລັດ ແລະອົງການຈັດຕັ້ງສາກົນ, ກອງປະຊຸມ, ງານສໍາຄັນຕ່າງໆມີຄວາມປອດໄພ, ປັບປຸງວຽກງານກວດກາຄົນເຂົ້າ-ອອກ ສປປ ລາວ, ຄຸ້ມຄອງຄົນຕ່າງປະເທດ, ຄຸ້ມຄອງນັກທ່ອງທ່ຽວໃຫ້ເຂົ້າສູ່ລະບຽບແບບແຜນດີຂຶ້ນກວ່າເກົ່າໄດ້ຮັບຮອງເອົາຢ່າງເປັນເອກະສັນລາຍງານການເມືອງຂອງຄະນະບໍລິຫານງານຄະ ນະພັກກະຊວງປ້ອງກັນຄວາມສະຫງົບສະໄໝທີ 4 ທີ່ສະເໜີຕໍ່ກອງປະຊຸມໃຫຍ່ຄັ້ງທີ 5 ເປັນຕົ້ນແມ່ນຜົນງານອັນພົ້ນເດັ່ນທີ່ຍາດມາໄດ້ເຊັ່ນ: ວຽກງານປົກປັກຮັກສາຄວາມສະຫງົບທາງດ້ານການເມືອງ, ຄວາມເປັນລະບຽບຮຽບຮ້ອຍ ແລະປອດໄພທາງສັງຄົມ, ວຽກງານກໍ່ສ້າງພັກພະນັກງານ, ວຽກງານພາລາທິການ, ວຽກງານເສນາທິການ ແລະພົວພັນຕ່າງປະເທດ,ຮັບຮອງເອົາທິດທາງແຜນການ 5 ປີຕໍ່ໜ້າ ( 2021-2025) ໂດຍສືບຕໍ່ປະຕິບັດ 4 ຄາດໝາຍ 4 ແຜນງານ 41 ໂຄງການ ແລະເສີມ ຂະຫຍາຍທາດແທ້ມູນເຊື່ອຂອງກໍາລັງປ້ອງກັນຄວາມສະຫງົບໃຫ້ປະກົດຜົນເປັນຈິງ.

 ໃນໂອກາດດຽວກັນທ່ານຮອງລັດຖະມົນຕີກະຊວງປ້ອງກັນຄວາມສະຫງົບໄດ້ມີຄໍາເຫັນໂອ້ລົມພ້ອມໃຫ້ທິດຊີ້ນໍາຊຶ່ງໄດ້ເນັ້ນໜັກໃຫ້ຄະນະພັກ, ຄະນະກອງບັນຊາ ປກສ ແຂວງບໍລິຄໍາໄຊເອົາໃຈໃສ່ສຶກສາອົບຮົມການເມືອງ-ນໍາພາແນວຄິດຫັນເອົາແນວທາງ ແຜນນະໂຍບາຍຂອງພັກ, ມະຕິຄໍາສັ່ງ, ລະບຽບກົດໝາຍຂອງລັດ, ຂອງກໍາລັງຄົ້ນຄ້ວາເຊື່ອມຊຶມເຮັດ ໃຫ້ສະມະຊິກພັກ, ພະນັກງານ-ນັກຮົບມີຄວາມເຊື່ອໝັ້ນຕໍ່ການນໍາພາຂອງພັກ, ມີຄຸນທາດການເມືອງໜັກແໜ້ນມີແນວຄິດອຸ່ນອຽນທຸ່ນທ່ຽງເປັນເຈົ້າການເຮັດໜ້າທີ່ປ້ອງກັນການນໍາພັກ-ລັດ, ປ້ອງກັນກອງປະຊຸມລະດັບຊາດ, ລະດັບສາກົນ, ປ້ອງກັນແຂກພາຍໃນ ແລະຕ່າງປະເທດ, ຄຸ້ມຄອງກວດກາ, ຕິດ ຕາມເປົ້າໝາຍຕ່າງໆຢ່າງເຂັ້ມງວດ, ປະກອບສ່ວນຢ່າງຕັ້ງໜ້າໃນການເກັບກູ້ຟື້ນຟູ-ໄພພິບັດ,ປ້ອງກັນສະກັດກັ້ນ ແລະຕ້ານການແຜ່ລະບາດຂອງພະບຍາດໂຄວິດ 19 ທີໄດ້ແຜ່ລາມໄປທົ່ວໂລກນັບທັງປະເທດເຮົາພ້ອມກັນອອກແຮງແຂ່ງຂັນສ້າງຜົນງານເພື່ອຂໍ່ານັບຮັບຕ້ອນສະເຫຼີມສະຫຼອງວັນຊາດທີ 02 ທັນວາ ຄົບຮອບ 45 ປີ, ກອງປະຊຸມໃຫຍ່ຄັ້ງທີ XI ຂອງພັກ, ບັ້ນປ່ອນບັດເລືອກຕັ້ງສະມາຊິກສະພາແຫ່ງຊາດຊຸດທີ IX ແລະ ການສະເຫຼີມສະຫຼອງວັນສ້າງຕັ້ງກໍາລັງປ້ອງກັນຄວາມສະຫງົບຄົບ ຮອບ 60 ປີທີ່ຈະມາເຖິງຢ່າງເປັນຂະບວນກວ້າງຂວາງ ແລະຟົດຟື້ນໃຫ້ຄວາມສະຫງົບປອດໄພ 100%.

___________

ຂ່າວ: ວຽງໄຊ ມະນີຊັບ 

ຮູບພາບ: ໜັງສືພິມເສດຖະກິດ-ສັງຄົມ

แชร์