ທ່ານ ໄບເດນ ວ່າທີ່ປະທານາທິບໍດີ ອາເມລິກາຄົນທີ 46

 ທ່ານ ໂຈ ໄບເດນ ວ່າທີ່ປະທານາທິບໍດີອາເມລິກາ ຄົນທີ 46 ກຽມຈັດຕັ້ງລັດຖະບານຊຸດໃໝ່ເພື່ອເຮັດໃຫ້ວຽກງານຂອງລັດຖະບານຊຸດໃໝ່ເປັນໄປຢ່າງຮຽບຮ້ອຍ ແລະ ມີຄວາມຕໍ່ເນື່ອງໂດຍທ່ານ ໄບເດນ ມຸ້ງໝັ້ນຄວບຄຸມການແຜ່ລະບາດຂອງເຊື້ອໂຄວິດ-19 ແລະຊຸກຍູ້ແຜນກະຕຸ້ນເສດຖະກິດສະບັບໃໝ່.

   ຕາມຂ່າວຕ່າງປະເທດລາຍງານວ່າ ທ່ານ ໂຈ ໄບເດນ ວ່າທີ່ປະທານາທິບໍດີອາເມລິກາຄົນໃໝ່ຂອງອາເມລິກາຈາກພັກເດໂມແຄດສົ່ງສັນຍານໃນວັນທີ 8 ພະຈິກ ວ່າມີ ແຜນຈະຈັດຕັ້ງຄະນະລັດຖະບານຊຸດໃໝ່ໂດຍໄວທີ່ສຸດໂດຍມຸ້ງເນັ້ນເລື່ອງການຄວບຄຸມການແຜ່ລະບາດຂອງເຊື້ອໂຄວິດ-19 ແລະຊຸກຍູ້ມາດຕະການກະຕຸ້ນເສດຖະກິດ, ໂດຍທ່ານ ໄບເດນ ໄດ້ແຕ່ງຕັ້ງທ່ານ ເດວິດ ເຄສເລີ ອະດີດເຈົ້າໜ້າທີ່ຂອງຄະນະກຳມະການອາຫານແລະຢາຂອງອາເມລິກາເຂົ້າຮ່ວມໃນຄະນະເຮັດວຽກດ້ານການຄວບຄຸມໂຄວິດນອກຈາກນີ້ຍັງຫາລືເລື່ອງມາດຕະການກະຕຸ້ນເສດຖະກິດຮອບໃໝ່ເພື່ອຊ່ວຍເຫຼືອປະຊາຊົນ ແລະຂະແໜງທຸລະກິດທີ່ໄດ້ຮັບຜົນກະທົບຈາກການແຜ່ລະບາດຂອງເຊື້ອໂຄວິດລາຍງານລະບຸວ່າທີມງານຂອງທ່ານ ໄບເດນ ຍັງໄດ້ຮຽກຮ້ອງໃຫ້ທ່ານໂດນັລທຣຳສະໜັບສະໜູນມາດຕະການດັ່ງກ່າວກ່ອນທີ່ທ່ານ ໄບເດນ ຈະສາບານຕົນເຂົ້າຮັບຕຳແໜ່ງໃນວັນທີ 20 ມັງກອນປີ 2021.
 ເພື່ອປະກາດໄຊຊະນະຈາກການເລືອກຕັ້ງປະທານາທິບໍດີອາເມລິກາ ທ່ານ ໄບເດນ ປະກາດພ້ອມເຮັດວຽກຕັ້ງແຕ່ມື້ທຳອິດໂດຍລາວຮຽກຮ້ອງໃຫ້ຄົນອາເມລິກາມີຄວາມເປັນເອກະພາບລວມເປັນໜຶ່ງດຽວກັນບໍ່ວ່າຈະສະໜັບສະໜູນພັກໃດກໍຕາມເພາະຕອນນີ້ທ່ານເອງເຖິງວ່າຈະພູມໃຈກັບການເປັນພັກເດໂມແຄດແຕ່ທ່ານກໍຈະເຮັດວຽກເພື່ອຄົນອາເມລິກາທຸກຄົນ.

แชร์