ທ່າແຕງ ແຕ່ງຕັ້ງເລຂາ ແລະປະທານກວດກາ 3 ໜ່ວຍພັກ

  ໜ່ວຍພັກຮາກຖານແນວລາວສ້າງຊາດ, ໜ່ວຍພັກຮາກຖານສະຫະພັນກຳມະບານ ແລະໜ່ວຍພັກຮາກຖານສະຫະພັນແມ່ຍິງເມືອງທ່າແຕງ ແຂວງເຊກອງ ໄດ້ບົ່ງຕົວແຕ່ງຕັ້ງເລຂາ,ຮອງເລຂາ ແລະປະທານກວດກາໜ່ວຍພັກໃນວັນທີ 4 ພະຈິກ 2020 ທີ່ສະໂມສອນຂອງເມືອງເນື່ອງຈາກ 3 ໜ່ວຍພັກດັ່ງກ່າວໄດ້ແຍກອອກຈາກໜ່ວຍພັກອົງການຈັດຕັ້ງມະຫາຊົນໂດຍມີ ທ່ານ ບຸນສວນ ບຸດບຸນມາ ຄະນະປະຈຳພັກເມືອງຫົວໜ້າຄະນະຈັດຕັ້ງເມືອງ, ມີສະມາຊິກພັກສົມບູນ ແລະ ສຳຮອງເຂົ້າ ຮ່ວມ.

 ທ່ານ ສາຍໂລຫິດ ໄຊຍະລາດ ຮອງປະທານຄະນະກວດກາພັກ-ລັດເມືອງທ່າແຕງໃຫ້ຮູ້ວ່າ: ມະຕິຕົກລົງຂອງຄະນະປະຈຳພັກເມືອງເຫັນດີສ້າງຕັ້ງ 3 ໜ່ວຍພັກພ້ອມທັງບົ່ງຕົວແຕ່ງຕັ້ງສະຫາຍລົດແກ້ວ ເພັງພູນສະຫັວດ  ຮອງເລຂາ ພັກເມືອງເປັນເລຂາໜ່ວຍພັກຮາກຖານແນວລາວສ້າງຊາດ ແລະສະຫາຍ ໄຊຊະນະ ກັນລະຍາໂນສະມາຊິກພັກສົມບູນເປັນຮອງ, ບົ່ງຕົວແຕ່ງຕັ້ງສະຫາຍ ສູນທອນ ຂີນທະວົງ ກຳມະການພັກເມືອງເປັນເລຂາໜ່ວຍພັກຮາກຖານສະຫະພັນກຳມະບານເມືອງ ແລະສະຫາຍ ສົມປອງ ສີສຸກ ສະມາຊິກພັກສົມບູນເປັນຮອງເລຂາໃນຂະນະທີ່ບົ່ງຕົວແຕ່ງຕັ້ງສະຫາຍ ນາງ ມະໄລທອງ ວົງນາດ ກຳມະການພັກ ເມືອງເປັນເລຂາໜ່ວຍພັກຮາກຖານສະຫະພັນແມ່ຍິງເມືອງ ແລະສະຫາຍ ນາງ ປາລິຊາດ ຄຳພິໄລ ສະມາຊິພັກສົມບູນເປັນຮອງເລຂາສ່ວນສະຫາຍ ນາງ ບຸນຍັງ ວົງສະນຸພິດ ສະມາຊິກພັກສົມ ບູນເປັນປະທານກວດກາຊຶ່ງການຕົກລົງສ້າງຕັ້ງໜ່ວຍພັກ ແລະບົ່ງຕົວແຕ່ງຕັ້ງເລຂາ, ຮອງເລຂາ ແລະປະທານກວດກາໜ່ວຍພັກດັ່ງກ່າວແມ່ນຖືກຕ້ອງ ແລະ ສອດ ຄ່ອງຕາມກົດລະບຽບຂອງພັກປະຊາຊົນປະຕິວັດລາວສະໄໝທີ 10 ໝວດ 2 ມາດຕາ 13 ແລະໝວດທີ 6 ມາດຕາ 29 ຂໍ້ທີ 2.

 

แชร์