ຊີເອັນພີ ຂຸດຄົ້ນບໍ່ແຮ່ສົ່ງອອກຕ່າງປະະເທດ

  ບໍລິສັດ ຊີເອັນພີສຳຫຼວດ ແລະຂຸດຄົ້ນບໍ່ແຮ່ເປັນບໍລິສັດຖືວ່າຢູ່ລະດັບແຖວໜ້າຂອງລາວທີ່ມີປະສົບການຫຼາຍ 20 ກວ່າປີ ແລະຮັບຄວາມເຊື່ອໝັ່ນລູກຄ້າຊຶ່ງປີນີ້ທາງບໍລິ ສັດໄດ້ຮັບໂກຕາຈາກລັດຖະບານໃຫ້ສົ່ງແຮ່ອອກສູ່ຕະຫຼາດຈີນ ຈຳນວນ 2 ແສນໂຕນ ແລະສະເພາະເດືອນກໍລະກົດຜ່ານມາສົ່ງໄປແລ້ວ 5 ໝື່ນໂຕນ.

  ທ່ານນາງ ຈັນນະພາ ວົງສະໝໍລະພູມ ປະທານບໍລິສັດຊີເອັນພີສຳຫຼວດ-ຂຸດຄົ້ນບໍ່ແຮ່ ຈຳກັດໃຫ້ສຳພາດວ່າ: ບໍລິສັດ ຊີເອັນພີສຳຫຼວດ-ຂຸດຄົ້ນບໍ່ແຮ່ຂາເຂົ້າ-ຂາອອກ ຈຳກັດສ້າງຕັ້ງໃນປີ 2004 ຈຶ່ງໄດ້ດຳເນີນການຊອກຂຸດຄົ້ນບໍ່ແຮ່ຢູ່ເມືອງຫຼາ ແຂວງອຸດົມໄຊ, ບໍ່ທອງແດງ ແລະບໍ່ຊືນສັງກະສີ,ຊຶ່ງເປັນທຸລະກິດໜຶ່ງທີ່ກ້າວມາຈາກການດຳເນີນຂຸດຄົ້ນບໍ່ແຮ່ ແລະໄດ້ເຊັນສັນຍາກັບລັດຖະບານເພື່ອຊອກຄົ້ນສຳຫຼວດບໍ່ແຮ່ເຫຼັກ, ຊືນ ແລະສັງກະສີ, ພ້ອມທັງໄດ້ລົງສ້າງຕັ້ງໂຮງງານຂຸດຄົ້ນແຮ່ໃນປີ 2011 ແລະມາໃນປີ 2013-2014 ໄດ້ເລີ່ມຂຸດຄົ້ນແຮ່ເຫຼັກສົ່ງອອກຈຳນວນ 5 ແສນໂຕນ, ໂດຍແຮ່ທັງໝົດແມ່ນໄດ້ຜ່ານການປຸງແຕ່ງສຳເລັດເພື່ອສົ່ງອອກໄປສາທາລະນະ ລັດປະຊາຊົນຈີນ.

   ມາຮອດປະຈຸບັນບໍລິສັດມີສິນຄ້າສະສົມໄວ້ 7 ແສນໂຕນເພື່ອສ້າງລາຍຮັບໃຫ້ແກ່ລັດຖະບານ, ຊ່ວຍໃຫ້ປະຊາຊົນມີວຽກເຮັດງານທຳປົກກະຕິ; ແຕ່ນີ້ຮອດທ້າຍປີພວກ ເຮົາຈະຜະລິດ ແລະສົ່ງອອກໃຫ້ໄດ້ຄາດໝາຍຖ້າຜ່ານພົ້ນວິກິດໂຄວິດບໍລິສັດຈະສາມາດຂົນສົ່ງໄດ້ 3-5 ພັນໂຕນຕໍ່ວັນທ່ານນາງ ຈັນນະພາ ວົງສະໝໍ ລະພູມ ໃຫ້ຮູ້ຕື່ມວ່າ: ໃນໄລຍະວິກິດໂຄວິດຜ່ານມາ, ການດຳເນີນທຸລະກິດຂອງບໍລິສັດແມ່ນໄດ້ຮັບຄວາມເອົາໃຈໃສ່ຈາກລັດຖະບານ ແລະຄະນະສະເພາະກິດທີ່ໄດ້ລົງໄປຢ້ຽມຢາມ, ເຮັດວຽກຢູ່ພາກສະໜາມຮ່ວມກັບບໍລິສັດເພື່ອໃຫ້ທຸລະກິດໄດ້ດຳເນີນເປັນປົກກະຕິ, ເພື່ອໃຫ້ປະຊາຊົນ 8090% ໄດ້ມີວຽກເຮັດງານທຳໃນນັ້ນ 70% ແມ່ນຄົນທ້ອງຖິ່ນນັ້ນ,ຊຶ່ງໃນໄລຍະວິກິດໂຄວິດບໍລິສັດໄດ້ປິດຊົ່ວຄາວແຕ່ກໍຍັງສືບຕໍ່ຈ່າຍເງິນໃຫ້ກັບພະນັກງານເປັນປົກກະຕິ.ຄຽງຄູ່ກັບການຈ່າຍເງິນໃຫ້ກັບພະນັກງານເປັນປົກກະຕິແລ້ວ, ບໍລິສັດຍັງໄດ້ປະກອບສ່ວນຊ່ວຍເຫຼືອສັງຄົມທັງກ່ອນ ແລະຫຼັງມີພະຍາດໂຄວິດເຂົ້າມາ.

 #ຫນັງສືພິມເສດຖະກິດສັງຄົມ

แชร์