ເມືອງຊຽງຮ່ອນຮັບກາໝາຍສິນຄ້າໜຶ່ງເມືອງໜຶ່ງຜະລະລິດຕະພັນ.

ເມື່ອບໍ່ດົນມານີ້ທີ່ເມືອງຊຽງຮ່ອນ ແຂວງໄຊຍະບູລີ ໄດ້ຈັດພິທີປະກາດ ແລະຮັບຮອງເອົາກຸ່ມຫັດຖະກຳຕໍ່າແຜ່ນແພ, ຜ້າຝ້າຍທຳມະຊາດຍ້ອມສີເປືອກດູ່ລາຍລື້ນາອອນ-ດອນເຟືອງບ້ານໃໝ່ໜອງຊາງເມືອງຊຽງຮ່ອນໄດ້ຮັບຮອງເປັນສິນຄ້າໜຶ່ງເມືອງໜຶ່ງຜະລິດຕະພັນແຫ່ງຊາດຫຼື ODOP ຂື້ນຢ່າງເປັນທາງການໂດຍການເປັນປະທານຂອງທ່ານ ຄຳໄຊເລົາ ລືເຕຊາ ຮອງຫົວໜ້າພະແນກອຸດສາຫະກຳແລະການຄ້າ ແຂວງໄຊຍະບູລີ, ມີທ່ານ ບຸນລ້ວນ ຊົມສີຫາ ປັນຍາເຈົ້າເມືອງຊຽງຮ່ອນ, ມີບັນດາອຳ ນາດການປົກຄອງເມືອງ, ແຂກຖືກເຊີນ, ອໍານາດການປົກຄອງບ້ານ ແລະຫົວໜ່ວຍທຸລະກິດພ້ອມດ້ວຍມວນຊົນພາຍໃນເມືອງເຂົ້າຮ່ວມ.

   ໃນພິທີທ່ານ ສີເມືອງ ອິນທະວົງ ຫົວໜ້າຫ້ອງການອຸດສາຫະກຳ ແລະການຄ້າເມືອງຊຽງຮ່ອນໄດ້ກ່າວວ່າ: ການຊຸກຍູ້ສົ່ງເສີມ ແລະປະເມີນຫົວໜ່ວຍດັ່ງກ່າວເຫັນວ່າ ຄົບຕາມມາດຖານ ແລະເງື່ອນໄຂຂອງກະຊວງອຸດສາຫະກຳ ແລະການຄ້າວາງອອກຈຶ່ງໄດ້ສະເໜີແຕ່ລະພາກສ່ວນທີ່ກ່ຽວຂ້ອງພິຈາລະນາອອກໃບອະນຸຍາດໃຫ້ກຸ່ມຫັດ ຖະກຳຕໍ່າແຜ່ນແພຜ້າຝ້າຍທຳມະຊາດຍ້ອມສີເປືອກດູ່ລາຍລື້ນາອອນ-ດອນເຟືອງບ້ານໃໝ່ໜອງຊາງ ເມືອງຊຽງຮ່ອນນໍາໃຊ້ກາໝາຍສິນຄ້າໜຶ່ງເມືອງໜຶ່ງຜະລິດ ຕະພັນແຫ່ງຊາດຈຸດເດັ່ນຂອງຜະລິດຕະພັນເປັນຜະລິດຕະພັນທີ່ເຮັດດ້ວຍຝ້າຍທີ່ຜ່ານກຳມະວິທີຍ້ອມສີດ້ວຍທຳມະຊາດມີລວດລາຍດັ່ງເດີ່ມ ແລະລວດລາຍປະຍຸກໃໝ່ທີ່ເປັນເອກະລັກຄື: ລາຍດອກນໍ້າໄຫຼນອກນັ້ນຍັງມີລວດລາຍປະຍຸກຕາມລູກຄ້າຕ້ອງການໂດຍສະເພາະແມ່ນຜະລິດຕະພັນແຜ່ນແພຕົບແຕ່ງປະດັບ ແລະໃຊ້ສອຍປະຈຳ ວັນ ຊຶ່ງເປັນທີ່ຍ້ອມຮັບຂອງຕະຫຼາດທັງພາຍໃນ ແລະຕ່າງປະເທດຈຸດເດັ່ນອິກດ້ານໜຶ່ງກໍ່ແມ່ນວັດຖຸດິບທີ່ເອົາມາຜະລິດລ້ວນ ແລ້ວແຕ່ເປັນວັດຖຸດິບຈາກພາຍໃນເຊັ່ນ: ຝ້າຍ, ສ່ວນສີກໍ່ສາມາດຊອກຫາໄດ້ຕາມທຳມະຊາດ

   ໂອກາດດັ່ງກ່າວທ່ານ ຄຳໄຊ ເລົາລືເຕຊາ ຮອງຫົວໜ້າພະແນກອຸດສາຫະກຳ ແລະການຄ້າແຂວງໄຊຍະບູລີໄດ້ມອບໃບຢັ້ງຢືນກາໝາຍໜຶ່ງເມືອງໜຶ່ງຜະລິດຕະພັນ ແຫ່ງຊາດຢ່າງເປັນທາງການພ້ອມກັນນັ້ນທ່ານຍັງໄດ້ເນັ້ນໜັກໃຫ້ຄະນະຮັບຜິດຊອບແຕ່ລະຂັ້ນເປັນເຈົ້າການຊຸກຍູ້ສົ່ງເສີມສ້າງທຸກເງື່ອນໄຂອຳນວຍຄວາມສະດວກໃຫ້ຫົວໜ່ວຍດັ່ງກ່າວໄດ້ຮັບການພັດທະນາ ແລະເຂັ້າແຂງຂື້ນກວ່າເກົ່າພ້ອມທັງສືບຕໍ່ຕິດຕາສົ່ງເສີມຫົວໜ່ວຍທຸລະກິດທີ່ຢູ່ພາຍໃນເມືອງເພື່ອສ້າງໃຫ້ແຕ່ລະຫົວໜ່ວຍໄດ້ຮັບກາໝາຍສິນຄ້າໜຶ່ງເມືອງໜຶ່ງຜະລິດຕະພັນໃຫ້ເພີ່ມຂື້ນ.

• 09/11/2020