10 ເດືອນ ເມືອງພູວົງເກັບລາຍຮັບໄດ້ 74,9%

  ເມືອງພູວົງ ແຂວງອັດຕະປື ກໍ່ຄືຫ້ອງການການເງີນເມືອງໄດ້ຮັບຕົວເລກຄາດໝາຍສູ້ຊົນຈັດເກັບລາຍຮັບເຂົ້າງົບປະມານໃນປີ 2020 ແມ່ນໃຫ້ໄດ້ 1,31 ຕື້ກີບ ໃນ ນີ້ 10 ເດືອນຜ່ານມາສາມາດເກັບລາຍຮັບໄດ້ແລ້ວ 983,48 ລ້ານກີບ ເທົ່າກັບ 74,9% ຖ້າທຽບໃສ່ໄລຍະດຽວກັນ 10 ເດືອນປີຜ່ານມາ 2019 ປະຕິບັດໄດ້ລື່ນ 114% ຂອງແຜນການປີ, ສວ່ຍສາອາກອນແຜນ 1,11 ຕື້ກີບ ປະຕິບັດ ໄດ້ 609 ລ້ານກີບເທົ່າກັບ 54, 8%, ຊັບສິນແຜນ 200 ລ້ານກີບ ປະຕິບັດໄດ້ 336 ລ້ານກີບ, ທີ່ດິນແຜນ 188,4 ລ້ານກີບ ປະຕິບັດໄດ້ 37,51 ລ້ານກີບ ເທົ່າກັບ19,91%, ດ້ານລາຍຈ່າຍງົບປະມານແຜນ 3,9 ຕື້ກີບ ປະຕິໄດ້ 2 ຕື້ກວ່າກີບ ເທົ່າກັບ 51,89%, ຈ່າຍບໍລິຫານ 776 ລ້ານກວ່າກີບ ເທົ່າກັບ75%, ເງິນດັດສົມສົ່ງ  ເສີມປະຕິບັດໄດ້ 489 ລ້ານກີບ ເທົ່າກັບ 74,32%, ເງິນອຸດໜູນນະໂຍບາຍ 272 ລ້ານກີບ 32,72% ເງິນບໍລິຫານວິຊາການປະໄດ້ 0% ເງິນຊື້ໃໝ່ 20 ລ້ານກີບ ເທົ່າກັບ 100% ເງິນລົງທຶນຂອງລັດປະຕິບັດໄດ້ 458 ລ້ານກີບ ເທົ່າກັບ 35,34%.

   ທ່ານ ກໍວິເສດ ພົມມະສານ ຫົວໜ້າຫ້ອງການການເງິນເມືອງພູວົງ ແຂວງອັດຕະປືໄດ້ລາຍງານ ໃຫ້ຮູ້ໃນວັນທີ 3 ພະຈິກ 2020 ວ່າ: ການເຄື່ອນໄຫວວຽກງານ ການເງິນ-ງົບປະມານ 10 ເດືອນ ປີ 2020 ແລະ ທິດທາງ 2 ເດືອນ ທ້າຍປີ 2020 ນີ້ເພື່ອເຮັດໃຫ້ຕົວເລກຄາດໝາຍສູ້ຊົນດ້ານລາຍຮັບ-ຄຸ້ມຄອງລາຍຈ່າຍງົບປະມານທ້າຍປີ 2020 ຈະເອົາໃຈໃສ່ຕໍ່ການສຶກສາອົບຮົມການເມືອງແນວຄິດໃຫ້ພະນັກງານ-ລັດຖະກອນ ທີ່ຂຶ້ນກັບການຄຸ້ມຄອງຕ້ອງປະຕິບັດຈັດເກັບລາຍຮັບໃຫ້ຖືກຕ້ອງທ່ວງທັນເວລາ, ຄຸ້ມຄອງລາຍຈ່າຍງົບປະມານໃຫ້ຮັດກຸ່ມປະຢັດໂປ່ງໃສ ແລະສາມາດກວດສອບໄດ້ເຖິງວ່າການຈັດເກັບລາຍຮັບເຂົ້າງົບປະມານປະຈໍາປີນີ້ເປັນປີທີ່ທ້າທາຍຫຼາຍຢ່າງຖ້າທຽບໃສ່ຕົວເລກແຜນການທີ່ໄດ້ຮັບມອບໝາຍໃຫ້, ບວກກັບການລະບາດຂອງພະຍາດໂຄວິດ-19 ນັ້ນແມ່ນໄດ້ສົ່ງຜົນກະທົບໂດຍກົງຕໍ່ກັບການເກັບລາຍຮັບ, ແຕ່ຍ້ອນຄວາມບຸກບືນ ແລະເອົາໃຈໃສ່ຊີ້ນໍາ-ນໍາພາຂອງຄະນະພັກເມືອງ ແລະຄວາມໃກ້ຊິດຕິດແທດຂອງຄະນະນໍາແຂວງທີ່ໄດ້ໃຫ້ທິດຊີ້ນໍາເປັນປະຈໍາສຳ ລັບ 2 ເດືອນທ້າຍປີນີ້ຈະສືບຕໍ່ເກັບລາຍຮັບເຂົ້າງົບປະມານໃຫ້ໄດ້ຕາມແຜນ ຫຼືລື່ນແຜນຢ່າງໜ້ອຍ 30%.

-----------

ຂ່າວ:ສີສຸວັນ

ຮູບພາບ: #ຫນັງສືພິມເສດຖະກິດສັງຄົມ

แชร์