ຍ້ອນພັກ-ລັດ ຊັບມະຫາໄຊອະສັງຫາລິມະຊັບເປັນທີ່ຍອມຮັບສັງຄົມ

   ບໍ່ວ່າຈະຢູ່ຍຸກໃດພັກ-ລັດຖະບານ ເພິ່ນກໍ່ເອົາໃຈໃສ່ຈັດຕັ້ງປະຕິດບັດເຫັນຄວາມສຳຄັນຫົວໜ່ວຍທຸລະກິດສະເໝີເຮັດໃຫ້ການເປັນຂົວເຊື່ອມຕໍ່ຂອງທຸລະກິດພາຍໃນ ແລະຕ່າງປະເທດເຕີບໃຫຍ່ເປັນທີ່ຍອມຮັບຂອງສັງຄົມເຊັ່ນດຽວກັບບໍລິສັດຊັບມະຫາໄຊອະສັງຫາລິມະຊັບທີ່ໄດ້ຮັບນະໂຍບາຍການຊີ້ນຳ-ນຳພາທີ່ດີຂອງພັກ-ລັດ ເປັນຮູ້ຈັກ ແລະຕອບຮັບດີຂອງສັງຄົມ.

   ອາທິດຜ່ານມາ ທ່ານ ນາງ ພານິວັນ ລັດຕະນະໂກສົນ ຫຼືເປັນທີ່ຄຸ້ນເຄີຍສາວນ້ອຍອະສັງຫາລິມະຊັບປະທານບໍລິສັດ ຊັບມະຫາໄຊອະສັງຫາລິມະຊັບໃຫ້ສຳພາດກັບນັກຂ່າວໜັງສືພິມເສດຖະກິດ-ສັງຄົມຮູ້ວ່າພາຍໃຕ້ການນຳພາຂອງພັກ-ລັດ, ເພີ່ນມີນະໂຍບາຍສູງໃຫ້ສິດສະເໜີພາບຍິງ-ຊາຍ ບົດບາດຍິງ-ຊາຍ ເທົ່າທຽມກັນໝົດມີໂອກາດເທົ່າທຽມກັນໝົດເຊັ່ນ: ການຮຽນຮູ້, ການເຮັດທຸລະກິດ, ການນຳພາຕ່າງໆແມ່ຍິງສາມາດເປັນຜູ້ນຳພາບໍລິຫານວຽກງານໄດ້ເປັນທີ່ເພິ່ງຂອງອົງກອນໄດ້ ແລະສາມາດສ້າງລາຍໄດ້ເຂົ້າມາຫຼໍ່ລ້ຽງອົງກອນໄດ້ທຸກພາກສ່ວນໃນການບໍລິຫານທຸລະກິດ.

 ນາງ ພານິວັນ ລັດຕະນະໂກສົນ ໄດ້ເລົ່າໃຫ້ຮູ້ເຖິງການລົງມືເລີ່ມທຸລະກິດອະສັງຫາລິມະຊັບມີຕົ້ນທຶນຊີວິດຄ້າຍໆກັບຜູ້ຍິງຫຼາຍຄົນທີ່ມີຄວາມຝັນ, ຄວາມຫວັງ, ຄວາມຕັ້ງໃຈ, ຄວາມພະຍາຍາມ ແລະເປົ້າໝາຍຊີວິດເພື່ອມຸ້ງຫວັງໃຫ້ຊີວິດຕົນເອງ ແລະຄອບຄົວດີຂຶ້ນໃນອະນາຄົດ, ການເລີ່ມຕົ້ນເຕັມໄປດ້ວຍເລື່ອງລາວຈົນກາຍເປັນປະສົບ ການ ແລະເຮັດໃຫ້ສາວນ້ອຍຄົນນີ້ຮຽນຮູ້ວິທີ, ເຕັກນິກ, ຊ່ອງທາງ, ກົນລະຍຸດການເຮັດການຕະຫຼາດ ແລະເລີ່ມຄິດການໃຫຍ່ດ້ວຍການຍ່າງໄປຖາມຊັບທີ່ມີມູນຄ່າເຖິງ 15 ລ້ານບາດ (ສະກຸນເງິນໄທ) ທັງທີ່ໃນມືມີເງິນພຽງແຕ່ເງິນໝື່ນບາດເທົ່ານັ້ນ.

   ຈາກເດັກນ້ອຍອາຍຸພຽງ 33 ປີ ພານິວັນ ລັດຕະນະໂກສົນ ເລີ່ມທຸລະກິດຈາກສູນຕໍ່ກາຍເປັນໜຶ່ງຈາກໜຶ່ງກາຍເປັນສອງດ້ວຍສອງມືຂອງຕົນຈົນສາມາດກໍ່ຕັ້ງບໍລິສັບອະສັງຫາລິມະຊັບໃນນາມບໍລິສັດຊັບມະຫາໄຊອະສັງຫາລິມະຊັບໄດ້ສໍາເລັດພ້ອມສາມາດຕໍ່ຍອດທຸລະກິດດ້ວຍການບໍລິຫານ-ຈັກການ ໂຄງການດິນຈັດສັນ ແລະອະສັງຫາອື່ນໆເຖິງ 11 ໂຄງການໃນປະຈຸບັນບໍລິສັດຊັບມະຫາໄຊອະສັງຫາລິມະຊັບສ້າງວຽກເຮັດງານທຳພະນັກງານ 15 ຕໍ່າແໜ່ງງານມີ 3 ໂຄງການໃຫຍ່ທີ່ດອນ ໜູນ, ຊຽງດາ ແລະນາຄວາຍໃຕ້ໂດຍທຸກໂຄງການຢູ່ໃຈກາງເມືອງ.

แชร์