ທສກ ເຊກອງ ສະຫຼຸບວຽກງານ 5 ເປັນເຈົ້າ

   ພິທີປະກາດຮັບຮອງເອົາໜ່ວຍກຳມະບານຮາກຖານ ທະນາ ຄານສົ່ງເສີມກະສິກໍາ (ທສກ) ສາຂາແຂວງເຊກອງເປັນໜ່ວຍກຳມະບານ 5 ເປັນເຈົ້າໄດ້ຈັດຂຶ້ນໃນວັນທີ 19 ກຸມພາ 2019 ທີ່ ຫ້ອງປະຊຸມທະນາຄານການຄ້າຕ່າງປະເທດລາວມະຫາຊົນ ສາຂາ ແຂວງເຊກອງ ໂດຍເຂົ້າຮ່ວມຂອງ ທ່ານ ວົງເດືອນ ຈັນທະບຸດຊຽງ ປະທານສະຫະພັນກໍາມະບານ ແຂວງເຊກອງ, ທ່ານ ຄໍາສະແຫວງ ສີລິສັກ ຄະນະໜ່ວຍພັກ ທສກ, ທ່ານ ໄກ່ແກ້ວ ໄຊຍະວົງ ປະທານໜ່ວຍກໍາມະບານຮາກຖານ ທສກ, ມີຄະນະໜ່ວຍຮາກຖານອ້ອມຂ້າງ, ຕາງໜ້າອົງການຈັດຕັ້ງມະຫາຊົນ ແລະສະມາຊິກກຳມະບານພາຍໃນໜ່ວຍ ທສກ ເຂົ້າ ຮ່ວມ.

    ທ່ານ ໄກ່ແກ້ວ ໄຊຍະວົງ ປະທານໜ່ວຍກຳມະບານຮາກຖານ ທສກ ເວົ້າວ່າ : ໄລຍະຜ່ານມາຄະ ນະໜ່ວຍກໍາມະບານຮາກຖານ ທສກ ກໍໄດ້ເອົາໃຈໃສ່ໃນການຈັດຕັ້ງເຄື່ອນໄຫວວຽກງານງານກໍາມະບານຕາມພາລະບົດບາດ, ສິດ ແລະໜ້າທີ່ຂອງຕົນຢ່າງເປັນປົກ ກະຕິ, ໄດ້ຖືສໍາຄັນວຽກງານສຶກ ສາອົບຮົມການເມືອງນໍາພາແນວຄິດໃຫ້ແກ່ສະມາຊິກກໍາມະບານເປັນຕົ້ນເອົາໃຈໃສ່ໃນການເຊື່ອມຊຶມບັນດາມະຕິຄໍາສັ່ງ, ລະບຽບກົດໝາຍຂອງພັກ-ລັດ ແລະຂອງສູນກາງສະຫະພັນກໍາມະບານ ລາວວາງອອກ, ປະຕິບັດລະບອບ ຮ່ວມຊີວິດປະຈໍາເດືອນຕິດພັນກັບການສໍາຫຼວດກວດກາ, ຕໍານິສົ່ງຂ່າວຊ່ວຍເຫຼືອເຊິ່ງກັນ ແລະກັນ, ເສຍເງິນສະຖິຕິໃນແຕ່ລະເດືອນ ແລະສ່ອງແສງລາຍງານຢ່າງເປັນປົກກະຕິ.

  ຜ່ານການຈັດຕັ້ງປະຕິບັດຕົວຈິງຕາມມາດຖານ ແລະເງື່ອນໄຂຂອງການສ້າງເປັນໜ່ວຍ 5 ເປັນເຈົ້ເຫັນໄດ້ວ່າຄະນະນຳ ແລະສະມາຊິກກຳມະບານພາຍໃນໜ່ວຍ ໄດ້ມີຄວາມຮັບຮູ້ ແລະເຂົ້າໃຈຢ່າງ ເລິກເຊິ່ງຕໍ່ເນື້ອໃນ ແລະໄດ້ເອົາໃຈ ໃສ່ຈັດຕັ້ງປະຕິບັດເນື້ອໃນຂໍ້ແຂ່ງ ຂັນ 5 ເປັນເຈົ້າ ໂດຍຕິດພັນກັບການຈັດຕັ້ງປະຕິບັດວຽກງານວິຊາສະເພາະທີ່ຕົນຮັບຜິດຊອບ ໄດ້ເປັນຢ່າງດີ ແລະສາມາດຍາດ ໄດ້ຜົນສຳເລັດເປັນກ້າວໆມາ ໂດຍສາມາດຕີລາຄາໃນແຕ່ລະ ດ້ານໄດ້ຄື:  ເປັນເຈົ້າການສຶກສາ ອົບຮົມການເມືອງ-ແນວຄິດ ປະຕິບັດໄດ້ 96,2%; ເປັນເຈົ້າການໃນການປັບປຸງແບບແຜນນໍາພາ ແລະ ຂະຫຍາຍການຈັດຕັ້ງກໍາມະບານ ປະຕິບັດໄດ້ 100%; ເປັນເຈົ້າການ ປົກປ້ອງສິດ ແລະຜົນປະໂຫຍດ ອັນຊອບທໍາຂອງພະນັກງານ, ສະມາຊິກກໍາມະບານ, ກໍາມະກອນ ແລະຊາວຜູ້ອອກແຮງງານປະຕິ ບັດໄດ້ 92,2%; ເປັນເຈົ້າການເຂົ້າຮ່ວມໃນການຕິດຕາມກວດກາ, ຄຸ້ມຄອງເສດຖະກິດ-ວັດທະນະທໍາ-ສັງຄົມ ປະຕິບັດໄດ້ 92% ແລະເປັນເຈົ້າການເຂົ້າຮ່ວມໃນການຈັດຕັ້ງປະຕິບັດແນວທາງຂອງພັກ, ລະບຽບກົດໝາຍຂອງລັດປະຕິບັດໄດ້ 92%.

  ເພື່ອເປັນການຢັ້ງຢືນຕໍ່ຜົນງານ ແລະໄຊຊະນະດັ່ງກ່າວ ທ່ານ ວົງເດືອນ ຈັນທະບຸດຊຽງ ປະທານ ສະຫະພັນກໍາມະບານແຂວງເຊ ກອງກໍໄດ້ມອບໃບຢັ້ງຢືນຮັບຮອງເອົາໜ່ວຍກຳມະບານຮາກຖານ ທສກ ເປັນໜ່ວຍກໍາມະບານ 5 ເປັນເຈົ້າກ່າວຮັບໂດຍທ່ານ ໄກ່ແກ້ວ ໄຊຍະວົງ ປະທານໜ່ວຍກໍາມະບານຮາກຖານ ທສກ ສາຂາແຂວງເຊກອງ. ພ້ອມນັ້ນຍັງໄດ້ມອບໃບຍ້ອງຍໍໃຫ້ແກ່ກົມກອງ ແລະບຸກຄົນທີ່ມີຜົນງານດີເດັ່ນໃນການປະກອບສ່ວນເຂົ້າໃນວຽກງານກຳມະບາ ນໃນໄລຍະຜ່ານມາຕື່ມອີກ.

ໂດຍ: ນາລີວັນ

แชร์