23 ຄອບຄົວ ຮັບເກືອບ 500 ລ້ານກີບ ຊົດເຊີຍຖືກຄອງສົ່ງນໍ້າເຂື່ຶອນຫ້ວຍລຳພັນ

  ປະຊາຊົນ ບ້ານໂກງຕາຢູນ, ບ້ານທ່າແຕງເໜືອ ແລະບ້ານຫ້ວຍຊາຍເມືອງ ທ່າແຕງແຂວງເຊກອງຈຳນວນ 23 ຄອບຄົວໄດ້ຮັບເງິນຊົດເຊີຍຄ່າຜົນລະປູກທີ່ຖືກກະທົບຄອງສົ່ງນໍ້າຫ້ວຍນໍ້າໃສລົງໃສ່ເຂື່ອນໄຟຟ້າຫ້ວຍລຳພັນຕອນລຸ່ມ ຈຳນວນ 447 ລ້ານກວ່າກີບ.

   ການມອບ-ຮັບເງິນດັ່ງກ່າວຈັດຂຶ້ນໃນວັນທີ 4 ພະຈິກຜ່ານມາທີ່ຫ້ອງການບ້ານໂກງຕາຢູນຊຶ່ງຜູ້ມອບແມ່ນທ່ານ ພອນເພັດ ເພັດຕະກຸນ ຜູ້ອຳນວຍການໃຫຍ່ບໍລິສັດເຂື່ອນໄຟຟ້າຫ້ວຍລະພັນພາວເວີ ຈຳກັດ ແລະຕາງໜ້າຮັບແລ້ວມອບຕໍ່ຂອງທ່ານ ລົດແກ້ວ ເພັງພູນສະຫວັດ ຮອງເລຂາພັກເມືອງທ່າແຕງໂດຍມີພະນັກງານກ່ຽວຂ້ອງ ແລະປະຊາຊົນເຂົ້າຮ່ວມ.

   ໂອກາດດຽວກັນນີ້ຮອງເລຂາພັກເມືອງທ່າແຕງກໍໄດ້ຕາງໜ້າກ່າວສະແດງຄວາມຊົມເຊີຍຕໍ່ຜູ້ອຳນວຍການໃຫຍ່ບໍລິສັດເຂື່ອນໄຟຟ້າຫ້ວຍລຳພັນພາວເວີຈຳກັດ, ພ້ອມຮຽກຮ້ອງໃຫ້ປະຊາຊົນ 23 ຄອບຄົວ ຈົ່ງນຳໃຊ້ເງິນຈຳນວນດັ່ງກ່າວໃຫ້ເປັນປະໂຫຍດ ແລະຍາວນານເພື່ອຍົກລະດັບຊີວິດການເປັນຢູ່ຂອງຄອບຄົວໃຫ້ດີຂຶ້ນເປັນກ້າວໆ.

----------------

ຂ່າວ: ເຈີນ ແດນວົງວິຈິດ

ຮູບພາບ: #ຫນັງສືພິມເສດຖະກິດສັງຄົມ

แชร์