ຜົນສຳເລັດກອງປະຊຸມໃຫຍ່ຄັ້ງທີ IV ຂອງອົງຄະນະພັກກະຊວງການຕ່າງປະເທດ

   ກອງປະຊຸມໃຫຍ່ຄັ້ງທີ IV ຂອງອົງຄະນະພັກກະຊວງການຕ່າງປະເທດໄດ້ອັດລົງດ້ວຍຜົນສໍາເລັດຢ່າສະຫງ່າງາມ, ດ້ວຍບັນຍາການຟົດຟື້ນ ແລະມີເນື້ອໃນສໍາຄັນເລິກເຊິ່ງພາຍຫຼັງດໍາເນີນມາແຕ່ວັນທີ 5-6 ພະຈິກ 2020, ທີ່ສູນການຮ່ວມມືສາກົນ ແລະ ການຝຶກອົບຮົມ (ICTC), ນະຄອນຫຼວງວຽງຈັນ, ໂດຍການເປັນປະ ທານຂອງສະຫາຍ ສະເຫຼີມ ໄຊກົມມະສິດ, ກຳມະການສູນກາງພັກ, ເລຂາຄະນະບໍລິຫານງານພັກກະຊວງ, ລັດຖະມົນຕີກະຊວງການຕ່າງປະເທດເປັນກຽດເຂົ້າຮ່ວມຂອງສະຫາຍ ທອງລຸນ ສີສຸລິດ, ກຳມະການກົມການເມືອງສູນກາງພັກ, ນາຍົກລັດຖະມົນຕີແຫ່ງ ສປປ ລາວ.

  ກອງປະຊຸມໃຫຍ່ຄັ້ງນີ້ໄດ້ດໍາເນີນໄປດ້ວຍບັນຍາກາດທີ່ຟົດຟື້ນ ແລະ ມີຄວາມໝາຍຄວາມສໍາຄັນ ແລະ ໄດ້ເປັນເອກະພາບຮັບຮອງເອົາບັນດາທິດທາງລວມ ແລະ ຄາດ ໝາຍສູ້ຊົນໃນ 5 ປີຕໍ່ໜ້າ (2021-2025) ທີ່ໄດ້ກໍານົດຢູ່ບົດລາຍງານການເມືອງ,ແຜນພັດທະນາກະຊວງການຕ່າງປະເທດ ແລະບົດສໍາຫຼວດການນໍາພາລວມຂອງ ຄະນະບໍລິຫານງານພັກກະຊວງສະໄໝທີ III ໂດຍໄດ້ກໍານົດ 3 ທິດທາງໜ້າທີ່ລວມໃນ 3 ດ້ານຄື: ດ້ານການເຄື່ອນໄຫວຕ່າງປະເທດ,ການປະຕິບັດວຽກງານວິຊາສະ ເພາະ ແລະການກໍ່ສ້າງພັກ-ພະນັກງານ, ໄດ້ວາງ 11 ຄາດໝາຍສູ້ຊົນ ແລະຈະໄດ້ສຸມໃສ່ຈັດຕັ້ງປະຕິບັດ 6 ແຜນງານ 39 ໂຄງການ.

   ຜູ້ແທນກອງປະຊຸມໄດ້ພ້ອມກັນໃຊ້ສິດປະຊາທິປະໄຕຂອງຕົນປ່ອນບັດຄັດເລືອກເອົາຄະນະບໍລິຫານງານພັກກະຊວງການຕ່າງປະເທດຊຸດທີ IV ບົນພື້ນຖານຫຼັກການລວມສູນປະຊາທິປະໄຕທັງຖືກຕ້ອງສອດຄ່ອງກັບມາດຖານເງື່ອນໄຂທີ່ກໍານົດໄວ້ຊຶ່ງມີຜູ້ອອກຮັບສະໝັກເລືອກຕັ້ງທັງໝົດ 19 ສະຫາຍ, ຍິງ 1 ສະຫາຍ ແລະໄດ້ເລືອກເອົາ 15 ສະຫາຍ, ຍິງ 1 ສະຫາຍ.

   ກອງປະຊຸມຄັ້ງປະຖົມມະລຶກຂອງຄະນະບໍລິຫານງານພັກຊຸດໃໝ່ໄດ້ເປັນເອກະສັນກັນຮັບຮອງເອົາສະຫາຍ ສະເຫຼີມໄຊ ກົມມະສິດ, ເປັນເລຂາຄະນະບໍລິຫານງານພັກກະຊວງ; ສະຫາຍ ທອງສະຫວັນ ພົມວິຫານ, ເປັນຮອງເລຂາຄະນະບໍລິຫານງານພັກກະຊວງ, ສະຫາຍ ບຸນເຫຼືອ ພັນດານຸວົງ, ເປັນປະທານກວດກາພັກ, ສະ ຫາຍ ວັນທາ ແສງເມືອງ ແລະສະຫາຍ ດວງມະນີ ຍອດສີອຸດົມ, ເປັນຮອງປະທານກວດກາພັກ, ກອງປະຊຸມໄດ້ໃຊ້ສິດປ່ອນບັດເລືອກຕັ້ງເອົາຜູ້ແທນສົມບູນຈໍານວນ 5 ສະຫາຍ ແລະ ຜູ້ແທນສໍາຮອງ 2 ສະຫາຍ, ເພື່ອໄປເຂົ້າຮ່ວມກອງປະຊູມໃຫຍ່ຂອງພັກຄັ້ງທີ XI.

   ໃນຕອນທ້າຍກອງປະຊຸມສະຫາຍ ທອງລຸນ ສີສຸລິດ ກໍໄດ້ເປັນກຽດໃຫ້ການໂອ້ລົມຊຶ່ງສະຫາຍໄດ້ຕີລາຄາສູງ ແລະສະແດງຄວາມຍ້ອງຍໍຊົມເຊີຍຕໍ່ການຊີ້ນຳ-ນຳພາ ຂອງບັນດາສະມາຊິກພັກ, ໃນການປະຕິບັດໜ້າທີ່ການເມືອງທີ່ພັກ-ລັດ ພ້ອມນັ້ນຍັງໄດ້ຊີ້ນໍາເພື່ອສືບຕໍ່ເສີມຂະຫຍາຍດ້ານດີທີ່ຕັ້ງໜ້າ ແລະປັບປຸງແກ້ໄຂຈຸດອ່ອນຂໍ້ຄົງຄ້າງໃນແຕ່ລະດ້ານໃຫ້ໝົດໄປຕື່ມອີກ.

แชร์