ກອງປະຊຸມ ຄົບຄະນະບໍລິຫານງານພັກ ແຂວງໄຊສົມບູນ ເປີດກວ້າງປະຈໍາປີ

 ກອງປະຊຸມຄົບຄະນະບໍລິຫານງານພັກ ແຂວງໄຊສົມບູນ ເປີດກວ້າງປະຈໍາປີ 2018 ໄດ້ຈັດຂຶ້ນໃນຂອງວັນທີ 19 ກຸມພາ 2019 ນີ້ ທີ່ສະໂມສອນເມືອງອະນຸວົງ. ໂດຍການເປັນ ປະທານຂອງ ສະຫາຍ ພົຕ ຄໍາລຽງ ອຸທະໄກສອນ ເຈົ້າແຂວງໄຊສົມບູນ, ມີຮອງເລຂາພັກແຂວງ, ກໍາມະການພັກແຂວງ, ເລຂາພັກເມືອງ ແລະບັນ ດາພະແນກການອ້ອມຂ້າງແຂວງເຂົ້າຮ່ວມ.

  ໂອກາດນີ້ ສະຫາຍ ພົຕ ຄໍາລຽງ ອຸທະໄກສອນ ໄດ້ມີຄໍາເຫັນຊີ້ນໍາຕໍ່ກອງປະຊຸມ ຊຶ່ງສະຫາຍໄດ້ ເນັ້ນໜັກໃຫ້ແຕ່ລະພາກສ່ວນ ຈົ່ງເອົາໃຈໃສ່ໃນ ການຄົ້ນຄ້ວາປະກອບຄໍາຄິດຄໍາເຫັນຕໍ່ກອງປະ ຊຸມ ເພື່ອເຮັດໃຫ້ກອງປະຊຸມໃນຄັ້ງນີ້ ມີຄວາມ ເປັນເອກະພາບ ແລະມີເນື້ອໃນຄົບຖ້ວນສົມບູນ. ນອກນັ້ນກອງປະຊຸມຍັງໄດ້ຮັບຟັງລາຍງານ ກ່ຽວກັບການຈັດຕັ້ງປະຕິບັດວຽກງານດ້ານ ຕ່າງໆ ເປັນຕົ້ນແມ່ນ ການສະຫຼຸບຕີລາຄາການ ຊີ້ນໍາ-ນໍາພາວຽກງານຮອບດ້ານ ຂອງຄະນະບໍລິ ຫານງານພັກແຂວງປະຈໍາປີ 2018, ການຈັດ ຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ-ການເງິນ, ວຽກງານກໍ່ສ້າງ ພັກ-ພະນັກງານ, ປັບປຸງກົງຈັກການຈັດຕັ້ງ-ບຸກຄະລາກອນ, ວຽກງານກວດກາ ພັກ-ລັດ ຕິດພັນກັບການຕ້ານ ແລະສະກັດກັ້ນການສໍ້ລາດບັງຫຼວງ ແລະວຽກ ງານປ້ອງກັນຊາດ-ປ້ອງກັນຄວາມສະຫງົບ. ໃນໄລຍະ 1 ປີຜ່ານ ມາ ແຂວງໄຊສົມບູນໄດ້ສຸມທຸກສະຕິປັນຍາ ເຂົ້າໃນການປົກປັກຮັກສາ ແລະສ້າງສາພັດທະ ນາແຂວງໄຊສົມບູນ ຈົນໄດ້ຮັບຜົນສໍາເລັດ ໃນຫລາຍດ້ານ ຊຶ່ງໃນນັ້ນແມ່ນໄດ້ສະແດງເຖິງຄວາມຜິດຊອບຂອງອົງຄະນະແຂວງຕໍ່ກັບການຊີ້ນໍາ-ນໍາພາການຈັດຕັ້ງປະຕິບັດວຽກງານຢ່າງ ຮອບດ້ານ.

  ຈາກນັ້ນ, ຜູ້ແທນກອງປະຊຸມໄດ້ປະກອບຄໍາຄິດຄໍາເຫັນເພື່ອປຶກສາຫາລືກ່ຽວກັບບັນຫາຂໍ້ຄົງຄ້າງດ້ານຕ່າງໆໃຫ້ເປັນເອກະພາບກັນໃນການຈັດຕັ້ງປະຕິບັດ ໂດຍມອບໃຫ້ແຕ່ລະພາກສ່ວນຈົ່ງນໍາເອົາເນື້ອໃນຈິດໃຈ ແລະມະຕິກອງປະຊຸມໃນຄັ້ງນີ້ໄປຈັດຕັ້ງເຜີຍແຜ່ເຊື່ອມຊຶມໃຫ້ບັນດາສະມາຊິກພັກ, ພະນັກງານ ແລະປະຊາ ຊົນບັນດາເຜົ່າໄດ້ຮັບຮູ້ຢ່າງທົ່ວເຖິງພ້ອມທັງຜັນຂະຫຍາຍຈັດຕັ້ງປະຕິບັດວຽກງານດ້ານຕ່າງໆ ໃຫ້ປາກົດຜົນເປັນຈິງ. ທັງນີ້ກໍ່ເພື່ອເຮັດໃຫ້ ແຂວງໄຊສົມບູນ ໄດ້ຮັບການສ້າງສາພັດທະນາໃຫ້ມີຄວາມຈະເລີນກ້າວໜ້າຂຶ້ນເລື້ອຍໆ.

ໂດຍ: ພາພອນ 

แชร์