ຂຸນຕາປ້າຍ ເຕີບໃຫຍ່ເຂັ້ມແຂງຍ້ອນການຊີ້ນຳຂອງພັກ-ລັດ

  ຕະຫຼອດໄລຍະ 30 ປີຜ່ານມາ ແຫ່ງການສ້າງຕັ້ງບໍລິສັດຂຸນຕາປ້າຍໂຄສະນາຈຳກັດຜູ້ດຽວໂດຍໄດ້ດຳເນີນທຸລະກິດພາຍໃຕ້ຄວາມສູ້ຊົນ, ຊື່ສັດ, ຈິງໃຈ ແລະເນັ້ນຄຸນນະພາບເປັນຫຼັກໃນການບໍລິການລູກຄ້າຊຶ່ງປະຈຸບັນໄດ້ກາຍເປັນເປັນທີ່ຮູ້ຈັກຂອງສັງຄົມຢ່າງກວ້າງຂວາງສິ່ງດັ່ງກ່າວໄດ້ເຮັດໃຫ້ບໍລິສັດຂຸນຕາປ້າຍມີການເຕີບໃຫຍ່ຂະຫຍາຍຕົວຢ່າງເຂັ້ມແຂງ ແລະຕໍ່ເນື່ອງຊຶ່ງຜົນສຳເລັດທັງໝົດນີ້ກໍຍ້ອນການຊີ້ນຳ-ນຳພາ, ໃຫ້ການຊຸກຍູ້ສົ່ງເສີມຈາກພັກ ແລະລັດຖະບານ ແຫ່ງ ສປປ ລາວ ຕະ ຫຼອດມາ.

  ທ່ານ ວົງນຳ ວົງວິໄລ ປະທານບໍລິສັດຂຸນຕາປ້າຍໂຄສະນາຈຳກັດຜູ້ດຽວ, ທັງເປັນປະທານສະມາຄົມປ້າຍລາວໃຫ້ສຳພາດວ່າ: ບໍລິສັດຂຸນຕາປ້າຍດຳເນີນທຸລະກິດມາ ຮອດປະຈຸບັນແມ່ນ 30 ປີ ແລ້ວໂດຍຈຸດເລີ່ມແມ່ນເກີດຈາກຄວາມມັກຮັກຂອງຕົນທີ່ເຮັດຈາກຈຸດນ້ອຍໆແຮງງານມີພຽງຕົນ ແລະຄອບຄົວກ່ອນຄ່ອຍໆກ້າວຂຶ້ນມາຢ່າງຕໍ່ເນື່ອງປະຈຸບັນມີແຮງງານ 70 -80 ຄົນ ແລະທຸລະກິດກໍໄດ້ມີການເຕີບໃຫຍ່ຂະຫຍາຍຕົວເຂັ້ມແຂງ ແລະກາຍເປັນທີ່ຮູ້ຈັກຂອງສັງຄົມຢ່າງກວ້າງຂວາງ, ຊຶ່ງບໍລິສັດຮັບຜະລິດປ້າຍໄຟ, ປ້າຍໂຄສະນາ ແລະ ສິ່ງພິມທຸກຊະນິດທີ່ເນັ້ນຄຸນນະພາບໃນການບໍລິການລູກຄ້າເຮັດໃຫ້ລູກຄ້າມີຄວາມເຊື່ອໝັ້ນ ແລະ ໃຊ້ບໍລິການນຳເປັນຕົ້ນແມ່ນລູກຄ້າບໍລິສັດໃຫຍ່ໆໃນລາວ ແລະ ຊ້ວງໂຄວິດ-19 ເຖິງຈະເປັນວິກິດແຕ່ກໍຍັງມີໂອກາດໃຫ້ລູກຄ້າທີ່ເຄີຍອອກໄປໃຊ້ບໍລິການຢູ່ຕ່າງປະເທດກັບມາຊົມໃຊ້ຢູ່ລາວທີ່ຄຸນນະ ພາບຢູ່ລະດັບດຽວກັນ.

  ທ່ານ ວົງນຳ ວົງວິໄລ ກ່າວຕື່ມວ່າ: ຕະຫຼອດໄລຍະຜ່ານມາພັກ ແລະລັດຖະບານຍາມໃດກໍໄດ້ເອົາໃຈໃສ່ຊຸກຍູ້ສົ່ງເສີມແກ່ການພັດທະນາທຸລະກິດຂະໜາດນ້ອຍ ແລະກາງໃຫ້ກາຍເປັນຂະແໜງການໜຶ່ງທີ່ສາມາດຂັບເຄື່ອນເສດຖະກິດຂອງລາວໃຫ້ເດີນໜ້າດ້ວຍບາດກ້າວທີ່ໝັ້ນຄົງໃຫ້ເທົ່າທຽມກັບບັນດາປະເທດອາຊຽນ ແລະໃນໂລກ, ລວມເຖິງການສົ່ງເສີມຜະລິດຕະພັນພາຍໃນປະເທດຊຶ່ງໃນນັ້ນບໍລິສັດຂຸນຕາປ້າຍໂຄສະນາຈຳກັດຜູ້ດຽວກໍເປັນບໍລິສັດໜຶ່ງທີ່ໄດ້ຮັບການຊຸກຍູ້ສົ່ງເສີມ ແລະເປັນລູກຄ້າຫຼັກໃນງານສຳຄັນຕ່າງໆຈາກບັນດາກະຊວງກ່ຽວຂ້ອງກໍຄືພັກ ແລະລັດຖະບານຕະຫຼອດມາ.

  ທ່ານ ວົງນຳ ວົງວິໄລ ກ່າວວ່າ: ເນື່ອງໃນໂອກາດກ້າວເຂົ້າສູ່ການຫ້າງຫາກະກຽມຈັດກອງປະຊຸມໃຫຍ່ຄັ້ງທີ XI ຂອງສູນກາງພັກ ແລະເນື່ອງໃນໂອກາດສະເຫຼີມສະ ຫຼອງວັນສະຖາປະນາ ສປປ ລາວ ຄົບຮອບ 45 ປີບໍລິສັດຂຸນຕາປ້າຍຂໍອວຍພອນໄຊໃຫ້ການນຳພັກ-ລັດແຫ່ງ ສປປ ລາວ ຈົ່ງມີສຸຂະພາບເຂັ້ມແຂງເປັນຮົ່ມໂພຮົ່ມໄຊໃຫ້ລູກຫຼານເພື່ອສືບຕໍ່ນຳພາປະເທດຊາດໃຫ້ຫຼຸດພົ້ນຈາກຄວາມທຸກຍາກ, ໃຫ້ຮັ່ງມີເຂັ້ມແຂງ ແລະນຳພາປະເທດຊາດຈະເລີນຮຸ່ງເຮືອງສີວິໄລຂຶ້ນເລື້ອຍໆໃນອະນາຄົດ.

-------------------------ສະໜັບສະໜູນໂດຍ: HONDA

แชร์