ໄຊຍະ-ພະເຍົາ ແລກປ່ຽນບົດຮຽນດ້ານການຄ້າ-ການລົງທຶນ

   ກອງປະຊຸມພົບປະລະຫວ່າງພາກລັດ ແລະເອກະຊົນ ແຂວງໄຊຍະບູລີ ກັບຈັງຫວັດພະເຍົາລາຊະອານາຈັກໄທ. ໄດ້ຈັດຂຶ້ນໃນວັນທີ 19 ກຸມພາ 2019 ທີ່ຫ້ອງປະຊຸມຫ້ອງວ່າການປົກຄອງແຂວງໄຊຍະບູລີ. ຝ່າຍແຂວງໄຊຍະບູລີ ນຳໂດຍທ່ານ ເພັງນິລັນ ຄຳພັນເພັງ ຮອງເຈົ້າແຂວງໄຊຍະບູລີ. ຝ່າຍຈັງຫວັດພະເຍົາ ລາຊະອານາຈັກ ໄທນຳໂດຍທ່ານ ພົງພັນ ວິຊຽນ ສະມຸດ ຮອງຜູ້ວ່າລາຊະການຈັງ ຫວັດພະເຍົາພ້ອມດ້ວຍຄະນະຕົວແທນພັກລັດຕິດຕໍ່ເອກະຊົນທີ່ກ່ຽວ ຂ້ອງທັງສອງຝ່າຍເຂົ້າຮ່ວມ.

  ຈຸດປະສົງໃນການພົບປະລະ ຫວ່າງຜູ້ແທນພັກລັດ ແລະເອກະຊົນ ແຂວງໄຊຍະບູລີ ສປປ ລາວ ກັບຈັງຫວັດພະເຍົາ ລາຊະອານາຈັກໄທ ຄັ້ງນີ້ກໍ່ເພື່ອເປັນການເສີມສ້າງສາຍສຳພັນການຮ່ວມມືຖານບ້ານໃກ້ເຮືອນຄຽງທີ່ມີມາແຕ່ດົນນານ, ອີກດ້ານໜຶ່ງກໍເພື່ອເຮັດໃຫ້ ພາກລັດ-ເອກະຊົນ 2 ປະເທດ ເວົ້າລວມເວົ້າສະເພາະແຂວງໄຊ ຍະບູລີ-ຈັງຫວັດພະເຍົາໄດ້ມີໂອກາດພົບປະແລກປ່ຽນນຳກັນເພື່ອສົ່ງເສີມການຮ່ວມມືດ້ານການຄ້າ, ການລົງທຶນ ແລະການພັດທະນາ ເສັ້ນທາງການທ່ອງທ່ຽວລະຫວ່າງ ແຂວງໄຊຍະບູລີ ກັບຈັງຫວັດພະ ເຍົາ ເພື່ອສົ່ງເສີມໃຫ້ຈຸດຜ່ານແດນ ຂອງທັງ 2 ປະເທດໄດ້ຍົກລະດັບ ເປັນດ້ານສາກົນຕາມຈຸດປະສົງທີ່ທັງສອງຝ່າຍໄດ້ກຳນົດໄວ້ຄື: ດ້ານປາກມອນ ເມືອງຄອບ ແຂວງໄຊຍະບູລີ, ອຳເພີພູຊາງ ຈັງຫວັດພະເຍົາ ກ່ຽວກັບການກະກຽມຄວາມພ້ອ ມໃນການຍົກລະດັບດ່ານດັ່ງກ່າວເປັນດ່ານສາກົນເວົ້າລວມແຂວງໄຊຍະບູລີກໍໄດ້ມີຄວາມພະຍາຍາມຕະຫຼອດມາ, ໃນການກະກຽມອາຄານສະຖານທີ່, ເສັ້ນ ທາງ, ລະບົບສາງ ແລະບຸກຄະລາກອນຍັງລໍຖ້າຂັ້ນຕອນອານຸມັດຈາກລັດຖະບານ, ຄາດວ່າຈະໄດ້ຮັບຄຳຕອບໃນເວລາອັນໃກ້ນີ້. ຄຽງຄູ່ກັບການພັດທະນາ ທາງດ້ານເສດຖະກິດ, ຂົງເຂດ ວັດທະນະທຳ-ສັງຄົມ ໄດ້ຮັບການພັດທະນາໄປພ້ອມໆກັນແຂວງໄຊ ຍະບູລີຍັງໄດ້ຮ່ວມມືກັບບັນດາຈັງຫວັດໃກ້ຄຽງຂອງໄທໃນການສະກັດກັ້ນໂລກລະບາດຮ້າຍແຮງນອກນີ້ຍັງໄດ້ອຳນວຍຄວາມສະດວກໃຫ້ປະຊາຊົນຢູ່ບໍລິເວນຊາຍແດນໄປປິ່ນປົວຢູ່ໂຮງໝໍຕ່າງໆຂອງລາຊະອານາຈັກໄທ.

  ພ້ອມດຽວກັນນີ້ໃນໂອກາດທີ່ ແຂວງໄຊຍະບູລີ ກັບຈັງຫວັດພະ ເຍົາໄດ້ມີການພົບປະພາກລັດ ແລະ ເອກະຊົນ ທ່ານ ເພັງນິລັນ ຄຳພັນ ເພັງ ໄດ້ລາຍງານຫຍໍ້ຈຸດພິເສດ ແລະທີ່ຕັ້ງຂອງແຂວງໄຊຍະບູລີ ເວົ້າລວມແລ້ວແຂວງໄຊຍະບູລີ ເປັນແຂວງໜຶ່ງໃນບັນດາ 8 ແຂວງ ພາກເໜືອຂອງ ສປປ ລາວ ມີ ເນື້ອທີ່ 16.389 ກິໂລຕາແມັດ ມີຊາຍແດນຕິດກັບ 6 ຈັງຫວັດຂອງ ລາຊະອານາຈັກໄທ ຍາວ 647 ກິ ໂລແມັດ. ເປັນແຂວງທີ່ອຸດົມສົມບູນ ໄປດ້ວຍຊັບພະຍາກອນທໍາມະຊາດ ເປັນແຂວງທາງຜ່ານ ອອກໄປສູ່ ປະເທດທີ 3, ມີດ່ານສາກົນເປີດ ນໍາໃຊ້ແລ້ວ 3 ແຫ່ງ ແລະກໍາລັງຈະ ເປີດໃນອະນາຄົດອັນໃກ້ໆນີ້ 1 ແຫ່ງ (ດ່ານປາງມອນ ເມືອງຄອບ) ມີ 2 ໂຄງການຂະໜາດກາງຢູ່ແຂວງຄື ໂຄງການກໍ່ສ້າງໂຮງງານໄຟຟ້າພະລັງງານຄວາມຮ້ອນຫົງສາ ມີກໍາລັງຕິດຕັ້ງ 1.878 ເມກາວັດ. ປະຈຸບັນແມ່ນສໍາເລັດ ແລະໄດ້ເປີດນໍາໃຊ້ແລ້ວໃນປີ 2016 ເປັນຕົ້ນ ມາ. ໂຄງການກໍ່ສ້າງເຂື່ອນໄຟຟ້າ ນໍ້າຂອງກໍລັງຕິດຕັ້ງ 1.285 ເມກາວັດ ຊຶ່ງພວມເປີດນໍາໃຊ້ທົດລອງ ແລະຈະເປີດນໍາໃຊ້ໃນທ້າຍປີ 2019 ນີ້. ມີຂົວຂ້າມນໍ້າຂອງ 3 ແຫ່ງ ແລະພວມດໍາເນີນການກໍ່ ສ້າງອີກໜຶ່ງແຫ່ງທີ່ເມືອງຄອບ ຕິດກັບແຂວງບໍ່ແກ້ວ. ນອກນັ້ນຍັງ ມີສະຖານທີ່ທ່ອງທ່ຽວທໍາມະຊາດ ແລະວັດທະນະທໍາ 96 ແຫ່ງ ຊຶ່ງໄດ້ເປີດນໍາໃຊ້ແລ້ວມີຕາດເຈົ້າ, ຜາຂີ້ໝິ້ນ, ຕົ້ນໄມ້ຂ່າໃຫຍ່, ຖໍ້າລອດ, ວັດສີບຸນເຮືອງ (ບ້ານໃຫຍ່), ວັດ ພູທອກ, ເທສະການຊ່ວງເຮືອ, ມະຫະກໍາບຸນຊ້າງ ແລະອື່ນໆອີກ.

ໂດຍ: ບຸນທີ 

แชร์