ພະນັກງານເມືອງໂຂງ ໄດ້ຮັບການສັກຢາກັນໄຂ້ຫວັດໃຫຍ່

  ພິທີສັກຢາກັນພະຍາດໄຂ້ຫວັດໃຫຍ່ຕາມລະດູການໃຫ້ກັບພະນັກງານເມືອງໂຂງ ແຂວງຈໍາປາສັກ ໄດ້ຈັດຂຶ້ນໃນວັນທີ 27 ຕຸລາ 2020 ທີ່ຫ້ອງວ່າການເມືອງໂຂງໂດຍການນໍາພາຂອງ ທ່ານນາງ ຄຳພູ ລິດທິສັກ ເຈົ້າເມືອງໆໂຂງ, ມີຄະນະບໍລິຫາງານພັກເມືອງ, ກຳມະການພັກເມືອງ ແລະພະນັກງານວິຊາການອ້ອມຂ້າງເມືອງເຂົ້າຮ່ວມ.

 ທ່ານ ດຣ ຄຳສວຍ ຊາພິຈິດ ຫົວໜ້າຫ້ອງການສາທາລະນະສຸກເມືອງໂຂງໃຫ້ຮູ້ວ່າ: ໂຄງການສັກຢາກັນພະຍາດໄຂ້ຫວັດຕາມລະດູການແມ່ນໂຄງການໜຶ່ງຂອງລັດ ຖະບານໂດຍໄດ້ຮັບທຶນສະໜັບສະໜູນຈາກອົງການຂອງສາກົນຊຶ່ງໄດ້ສົມທົບກັບຄູ່ຮ່ວມພັດທະນາຕ່າງໆເພື່ອຫຼຸດຜ່ອນການເຈັບ ແລະເສຍຊີວິດຂອງແມ່ຍິງ ແລະເດັກ ນ້ອຍໃຫ້ຫຼຸດອອກຈາກບັນດາພະຍາດທີ່ສາມາດປ້ອງກັນໄດ້ດ້ວຍຢາວັກແຊັງທັງນີ້, ແນໃສ່ສ້າງພູມຄຸ້ມກັນໃນຮ່າງກາຍ ແລະສາມາດຕ້ານທານຕໍ່ຄວາມສ່ຽງທີ່ຈະພາໃຫ້ເກີດພະຍາດຕາມລະດູການໂດຍສະເພາະໄຂ້ຫວັດໃຫຍ່ທີ່ຮຸນແຮງ.

 ທ່ານ ດຣ ຄຳສວຍ ຊາພິຈິດ ໄດ້ໃຫ້ຮູ້ຕື່ມອີກວ່າ: ຂະແໜງສາທາລະນະສຸກໃນທົ່ວປະເທດໄດ້ເລີ່ມຈັດຕັ້ງປະຕິບັດໂຄງການສັກຢາວັກແຊັງກັນພະຍາດໄຂ້ຫວັດໃຫ່ຍໂດຍມີເປົ້າໝາຍຫຼັກແມ່ນແມ່ຍິງຖືພາ ແລະຜູ້ສູງອາຍຸທີ່ມີພະຍາດຊໍ້າເຮື້ອໃດໜຶ່ງ, ຊຶ່ງວັກແຊັງດັ່ງກ່າວສາມາດກັນພະຍາດໄຂ້ຫວັດຕາມລະດູການໂດຍສະເພາະໃນໄລຍະລະ ດູຝົນຂອງແຕ່ລະປີຢູ່ ສປປ ລາວ.

--------

ຂ່າວ: ພຸດທະສິນ ວົງວິໄລທອງ

ຮູບພາບ: ໜັງສືພິມເສດຖະກິດ-ສັງຄົມ

แชร์