ສະຫາຍ ວັນໄຊ ແພງຊຸມມາ ເລຂາພັກແຂວງຫົວພັນອີກສະໄໝ

   ກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງຫົວພັນໄດ້ອັດລົງດ້ວຍຜົນສຳເລັດອັນຈົບງາມໃນວັນທີ 3 ພະຈິກ2020  ຢູ່ສະໂມສອນຂອງແຂວງ,ພາຍໃຕ້ການເປັນປະທານຂອງສະຫາຍ ວັນໄຊ ແພງຊຸມມາ ກຳມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງຫົວພັນໂດຍໃຫ້ກຽດເຂົ້າຮ່ວມມີ ສະຫາຍ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ; ພ້ອມນີ້ກໍມີບັນດາພາກສ່ວນທີ່ກ່ຽວຂ້ອງຂັ້ນສູນກາງ, ມີຜູ້ແທນສົມ ບູນຈຳນວນ 324 ສະຫາຍ, ຍິງ 39 ສະຫາຍ ທີ່ເປັນຕົວແທນໃຫ້ແກ່ສະມາຊິກພັກທົ່ວແຂວງທັງໝົດ 18.042 ສະຫາຍເຂົ້າຮ່ວມ.

   ຕະຫຼອດກອງປະຊຸມບັນດາສະຫາຍຜູ້ແທນສົມບູນທີເຂົ້າຮ່ວມໄດ້ຍົກສູງຄວາມຮັບຜິດຊອບ ແລະສຸມສະຕິປັນຍາຂອງຕົນເຂົ້າໃນການຄົ້ນຄວ້າປະກອບຄຳຄິດຄຳເຫັນຕໍ່ກອງປະຊຸມຢ່າງກົງໄປກົງມາເຮັດໃຫ້ກອງປະຊຸມດຳເນີນໄປດ້ວຍບັນຍາກາດຟົດຟື້ນ ແລະສຳເລັດຕາມຈຸດປະສົງທີ່ວາງໄວ້ໂດຍໄດ້ພ້ອມກັນຄົ້ນຄວ້າ ແລະປະກອບຄໍາຄິດຄໍາເຫັນໃສ່ຮ່າງລາຍງານການເມືອງ, ບົດສໍາຫຼວດການນໍາພາລວມຂອງຄະນະພັກຊຸດເກົ່າ ແລະແຜນພັດທະນາເສດຖະກິດສັງຄົມ, ທິດທາງສູ້ຊົນແຕ່ລະດ້ານກ່ຽວກັບວຽກງານກໍ່ສ້າງພັກ, ພະນັກງານໃນນັ້ນໄດ້ຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ, ບົດຮຽນໃນການພາຊີ້ນໍາໆພາ ແລະການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ IX ໃນ 5 ປີ ຜ່ານມາ ແລະໄດ້ເປັນເອກະສັນກັນຮັບຮອງເອົາລາຍງານການເມືອງ, ທິດທາງ, ແຜນການ 5 ປີໃນຕໍ່ໜ້ານັບແຕ່ປີ 2021-2025.

   ພ້ອມນີ້, ຜູ້ແທນກອງປະຊຸມກໍໄດ້ພ້ອມກັນໃຊ້ສິດປະຊາທິປະໄຕຂອງຕົນປ່ອນບັດຄັດເລືອກເອົາຄະນະບໍລິຫານງານພັກແຂວງຊຸດໃໝ່ບົນພື້ນຖານຫຼັກການລວມສູນປະຊາທິປະໄຕ, ຖືກຕ້ອງສອດຄ່ອງກັບມາດຖານເງື່ອນໄຂທີ່ກຳນົດໄດ້ຕາມຄາດໝາຍທີ່ວາງໄວ້ຊຶ່ງມີຜູ້ຮັບສະໝັກເລືອກຕັ້ງ 40 ສະຫາຍ, ຍິງ 5 ສະຫາຍ ຜ່ານການປ່ອນບັດເລືອກຕັ້ງຕົວຈິງໄດ້ຄະນະບໍລິຫານງານພັກແຂວງຊຸດໃໝ່ຈຳນວນ 35 ສະຫາຍ,ຍິງ 4 ສະຫາຍ; ໄດ້ເລືອກຕັ້ງເອົາຜູ້ແທນສົມບູນຈຳນວນ 35 ສະຫາຍ, ຍິງ 4 ສະຫາຍ ແລະສໍາຮອງຈຳນວນ 3 ສະຫາຍ, ຍິງ 1 ສະຫາຍໄປຮ່ວມກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກໄດ້ຕາມຄາດໝາຍ.

  ກອງປະຊຸມຄັ້ງປະຖົມມະລຶກຂອງຄະນະບໍລິຫານງານພັກແຂວງຫົວພັນໄດ້ເລືອກຕັ້ງເອົາຄະນະປະຈໍາພັກແຂວງຈຳນວນ 11 ສະຫາຍ, ຍິງ 2 ສະຫາຍ ໃນນີ້, ໄດ້ເປັນເອກະສັນເລືອກເອົາສະຫາຍ ວັນໄຊ ແພງຊຸມມາ ເປັນເລຂາຄະນະບໍລິຫານງານພັກແຂວງ, ສະຫາຍ ເພີດ ມາປັນຍາ ແລະສະຫາຍ ນາງ ອຳໄຟວອນ ລ້ອມບຸນແພງ ເປັນຮອງເລຂາ; ເລືອກເອົາສະຫາຍ ຮິນທອງດວງຈັນສຸກ ເປັນຮອງປະທານກວດກາ, ສະຫາຍ ຄຳແພງ ຈັນທະວີ, ສະຫາຍ ວົງເພັດ ຈັນທະມອນ ແລະ ສະ ຫາຍຄອນເສີດເປັນຮອງປະທານກວດກາ.

  ຫຼັງຈາກນັ້ນກອງປະຊຸມໃຫຍ່ຄັ້ງນີ້ຍັງໄດ້ຮັບຟັງການໂອ້ລົມຈາກສະຫາຍ ໄຊສົມພອນ ພົມວິຫານ ເພື່ອເປັນທິດ ຊີ້ນຳ-ນຳພາການຈັດຕັ້ງປະຕິບັດວຽກງານໃນຕໍ່ໜ້າ ຊຶ່ງກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຄະນະພັກຊຸດເກົ່າທີ່ໄດ້ນໍາພາ-ຊີ້ນໍາພະນັກງານ, ສະມາຊິກພັກ, ປະຊາຊົນປະຕິບັດໜ້າທີ່ການເມືອງຂອງຕົນ, ຍາດໄດ້ຜົນສຳເລັດຫຼາຍດ້ານ.

  ພ້ອມກັນນັ້ນສະຫາຍຍັງໄດ້ສະແດງຄວາມເປັນຫ່ວງເປັນໃຍຕໍ່ດ້ານອ່ອນ, ຂໍ້ຄົງຄ້າງຊຶ່ງໄດ້ຮຽກຮ້ອງໃຫ້ຄະນະພັກຊຸດໃໝ່ຈະຕ້ອງໄດ້ສືບຕໍ່ປັບປຸງ, ແກ້ໄຂຈາກນັ້ນ, ສະ ຫາຍໄດ້ໃຫ້ທິດຊີ້ນໍາວຽກງານແຕ່ລະດ້ານ ແລະສະຫາຍມີຄວາມເຊື່ອໝັ້ນຕໍ່ຄະນະພັກຊຸດໃໝ່ທີ່ຈະສືບຕໍ່ນໍາພາ-ຊີ້ນໍາ ຈັດຕັ້ງປະຕິບັດມະຕິກອງປະຊຸມໃຫຍ່ຂອງອົງຄະ ນະພັກແຂວງຫົວພັນຄັ້ງທີ X ໃຫ້ຍາດໄດ້ຜົນງານ ແລະມີຜົນສຳເລັດຍິ່ງໃຫຍ່ກວ່າເກົ່າ.

 ---------------

ຂ່າວ: ໄອແກ້ວ

ຮູບພາບ: ໜັງສືພິມເສດຖະກິດ-ສັງຄົມ

แชร์