ພລາເນັດ ດຳເນີນທຸລະກິດຄຽງຄູ່ການຊ່ວຍເຫຼືອສັງຄົມ

   ການດຳເນີນທຸລະກິດຂອງບໍລິສັດພລາເນັດຈຳກັດຜ່ານມາໄດ້ມີຜົນສຳເລັດຫຼາຍດ້ານເນື່ອງຈາກຜູ້ບໍລິຫານໄດ້ມີວິໄສທັດ ແລະມີຍຸດທະສາດການດຳເນີນທຸ ລະກິດແບບຄົນຮຸ່ນໃໝ່ນອກນັ້ນຍັງໄດ້ປະກອບສ່ວນຊ່ວຍເຫຼືອສັງຄົມຫຼາຍຢ່າງສິ່ງດັ່ງກ່າວໄດ້ເຮັດໃຫ້ບໍລິສັດພລາເນັດຈຳກັດເຕີບໃຫຍ່ຂະຫຍາຍຕົວຢ່າງຕໍ່ ເນື່ອງ, ສັງຄົມໃຫ້ຄວາມເຊື່ອໝັ້ນໄວ້ວາງໃຈ ແລະເປັນຜົນເຮັດໃຫ້ບໍລິສັດໄດ້ຮັບຫຼາຍໆລາງວັນໃນໄລຍະຜ່ານມາອັນຫຼ້າສຸດແມ່ນລາງວັນທຸລະກິດດີເດັ່ນ 30 ປີຂອງສະພາການຄ້າ ແລະອຸດສາຫະກຳແຫ່ງຊາດລາວ.

 ທ່ານ ທະນູສອນ ພົນອາມາດ ປະທານບໍລິສັດພລາເນັດຈຳກັດໃຫ້ສຳພາດວ່າ: ໃນປີ 2000 ຈຶ່ງໄດ້ຮັບໃບອະນຸຍາດ ດຳເນີນທຸລະກິດໃຫ້ບໍລິການດ້ານອິນເຕີ ເນັດເປັນຜູ້ເລີ່ມຕົ້ນທີ່ວ່າເຮັດອິນເຕີເນັດຢູ່ລາວພ້ອມໆກັນກັບລາວໂທລະຄົມຈາກນັ້ນຮອດປີ 2005 ໄດ້ຕັ້ງບໍລິສັດທີ່ປືກສາຂຶ້ນມາເນັ້ນໃສ່ວຽກງານການສຶກ ສາໂດຍນຳເອົາເລື່ອງໄອຊີທີເຂົ້າໃນການສຶກສາເພື່ອໃຫ້ເຂົາເຈົ້າຮຽນຮູ້ໄດ້ໄວຜ່ານລະບົບໄອຊີທີໃນເບື້ອງຕົ້ນໄດ້ເຮັດໂຄງການທົດລອງໃຫ້ກະຊວງສຶກສາກ່ຽວກັບ ການນຳເອົາແທັບເລັດທີ່ເປັນຍີ່ຫໍ້ຂອງບໍລິສັດເອງ (ອາໂຫຼ) ເຂົ້າໃນໂຮງຮຽນທົ່ວ ທຸກແຂວງໂດຍສອງໂຮງຮຽນຕໍ່ແຂວງເພື່ອໃຫ້ເດັກນ້ອຍເຂົ້າເຖິງການຮຽນຮູ້ກ່ຽວກັບເຕັກໂນໂລຊີທີ່ທັນສະໄໝ.

  ນອກຈາກນັ້ນບໍລິສັດຈະໃຫ້ບໍລິການດ້ານອິນເຕີເນັດ, ທີ່ປືກສາດ້ານການສຶກສາແລ້ວທາງບໍລິສັດຍັງໄດ້ຜະລິດໂທລະສັບສະມາດໂຟນ, ແທັບເລັດຍີ້ຫໍ້ອາໂຫຼ ເປັນຂອງບໍລິສັດເອງຄືບໍລິສັດອາໂຫຼເຕັກ ໂນໂລຊີຈຳກັດຊຶ່ງສະມາດໂຟນດັ່ງກ່າວ ບໍ່ພຽງແຕ່ໂທໄດ້ເທົ່ານັ້ນ ແຕ່ຍັງສາມາດ ຊ່ວຍທາງດ້ານການຮຽນຮູ້ເລື່ອງພາສາອັງກິດໂດຍມີລະບົບທີ່ທັນສະໄໝລາຄາເລີ່ມຕົ້ນພຽງແຕ່ 5 ແສນກີບເທົ່ານັ້ນທຸກຄົນສາມາດເຂົ້າເຖິງໄດ້ຊຶ່ງພາຍຫຼັງທີ່ຜະລິດອອກມາປະຈຸບັນຍອດຈຳໜ່າຍປະມານ 3-4 ພັນເຄື່ອງ.

  ທ່ານ ທະນຸສອນ ພົນອາມາດ ກ່າວຕື່ມວ່າ: ນອກນັ້ນທາງບໍລິສັດຍັງໄດ້ປະກອບສ່ວນຕ່າງໆເຂົ້າໃຫ້ສັງຄົມໂດຍສະເພາະປະກອບສ່ວນເຂົ້າໃນຫຼາຍໆກິດຈະ ກຳຂອງສະພາການຄ້າເຂົ້າຮ່ວມກອງປະຊຸມຕ່າງໆກັບຄະນະລັດຖະບານຢູ່ຕ່າງປະເທດເປັນຕົ້ນເລື່ອງການຂະຫຍາຍຕົວຂອງເຕັກໂນໂລຊີ, ການສຶກສາ, ພ້ອມທັງໄດ້ຈັດກິດຈະກຳຕ່າງໆເປັນຕົ້ນ ງານເອັກສະໂປ ກ່ຽວກັບໄອຊີທີເພື່ອສົ່ງເສີມໃຫ້ມີການຄ້າຂາຍໃນຂະແໜງການນີ້ຫຼາຍຂຶ້ນໃຫ້ຫຼາຍພາກສ່ວນເຂົ້າໃຈຄວາມສຳຄັນວຽກງານໄອຊີທີ,ສຳລັບລາງວັນທີ່ໄດ້ຮັບບໍ່ສະເພາະແຕ່ຢູ່ພາຍໃນເທົ່າກໍຍັງມີລາງວັນຢູ່ຕ່າງປະເທດລະດັບອາຊີ,ລະດັບໂລກກໍໄດ້ຮັບມາແລ້ວໃນວຽກງານໄອຊີທີ, ການສຶກສາສ່ວນລາງວັນຫຼ້າສຸດແມ່ນເປັນບໍລິສັດພລາເນັດຈຳກັດທີ່ໄດ້ຮັບລາງວັນທຸລະກິດດີເດັ່ນ 30 ປີ ຂອງສະພາການຄ້າແລະອຸດສາຫະກຳແຫ່ງ ຊາດລາວ.

แชร์