.ຟອກຊ໌ຄອນ ເລັ່ງຜະລິດໄອໂຟນ 12 ທັງເວັນ ທັງຄືນບໍ່ມີພັກຜ່ອນ

  ມີລາຍງານຈາກສື່ໃນສປ ຈີນວ່າ ໃນຂະນະນີ້ Foxconn ຜູ້ຜະລິດ iPhone ລາຍໃຫຍ່ ກຳລັງເລ່ັງການຜະລິດ iPhone 12 ເຮັດວຽກຕະຫຼອດ 24 ຊົ່ວ ໂມງ

  South China Morning Post ໄດ້ລາຍງານວ່າ ໂຮງງານFoxconn ໃນຈີນເລັ່ງການຜະລິດ iPhone 12 ຕະຫຼອດ 24 ຊົ່ວໂມງ ເພື່ອໃຫ້ທັນວັນເປີດໂຕອີກທັງຍັງກຽມທີ່ຈະຍົກເລີກວັນພັກຍາວທີ່ປົກກະຕິແລ້ວຈະເປັນວັນ ຊາດຄືວັນທີ 1-8 ຕຸລານີ້ ແລະໃຫ້ເງິນໂບນັສເປັນການຕອບແທນສູງເຖິງ 10.000 ຢວນ

  ກ່ອນໜ້ານີ້ມີລາຍງານວ່າ iPhone 12 ລ໊ອດທຳອິດຈະຖືກສົ່ງອອກໃຫ້ຜູ້ຈັດສົ່ງໃນວັນທີ 5 ຕຸລາ ນີ້ ໂດຍມີພຽງ 2 ລຸ້ນ iPhone 12 ແລະ iPhone 12 mini ຈາກ 4 ລຸ້ນທີ່ຈະມີການເປີດໂຕແຕ່ຢ່າງໃດກໍຕາມຂ່າວລືກ່ອນໜ້ານີ້ຄາດວ່າ iPhone 12 ທັງ 4 ລຸ້ນຈະຖືກເປີດໂຕໃນງານເປີດໂຕທີ່ຈະຈັດ ຂຶ້ນໃນວັນທີ 13 ຕຸລານີ້.

 

แชร์