ພິທີເຊັ່ນສັນຍາໂຄງການກໍ່ສ້າງຕືກອາຄານປີ່ນປົວພິເສດຢູ່ໂຮງໝໍແຂວງຜົ້ງສາລີລະຫວ່າງພະແນກສາທາລະນະສຸກແຂວງກັບບໍລິສັດສົມປະສົງກໍ່ສ້າງເຄຫາ, ຂົວ-ທາງ ແລະ ຊົນລະປະທານ ໄດ້ຈັດຂື້ນໃນຕອນເຊົ້າຂອງວັນທີ 19 ກູມພາ 2019 ນີ້. ນະທີຫ້ອງປະຊຸມພະແນກສາທາລະນະສຸກແຂວງໂດຍການເຂົ້າຮ່ວມຂອງທ່ານ ທອງສີ ເສົາສຸລິພົມ ຮອງເຈົ້າແຂວງໆຜົ້ງສາລີ, ຜູ້ຊີ້ນຳຂົງເຂດວັດທະນະທຳສັງຄົມຂັ້ນແຂວງ, ທັງເປັນຫົວໜ້າຄະນະຮັບຜິດຊອບໂຄງການກໍ່ສ້າງຕືກອາຄານປີ່ນປົວພິເສດຢູ່ໂຮງໝໍແຂວງຜົ້ງສາລີ, ທ່ານ ດຣ ບຸນສາລີ ຈິດດາພອນ ຫົວໜ້າພະແນກສາທາລະນະສຸກແຂວງ, ທ່ານປະລິນຍາເອກ ວັນໄຊສຸກສັນຮອງຫົວໜ້າພະແນກແຜນການ ແລະ ການລົງທຶນແຂວງ, ຜູ້ອຳນວຍການບໍລິສັດສົມປະສົງກໍ່ສ້າງເຄຫາ ຂົວ-ທາງ ແລະ ຊົນລະປະທານ, ມີບັນດາທ່ານ ອະນຸກຳມະການໂຄງການຂັ້ນແຂວງ, ຕະຫຼອດຮອດພາກສ່ວນທີ່ກ່ຽວຂ້ອງເຂົ້າຮ່ວມນຳ.
ທ່ານ ບຸນເພັດ ຕັນສຸພັນ ຫົວໜ້າຫ້ອງການບໍລິຫານພະແນກສາທາລະນະສຸກແຂວງກໍ່ໄດ້ຂື້ນຜ່ານຂໍ້ຕົກລົງຂອງທ່ານເຈົ້າແຂວງວ່າດ້ວຍການອະນຸມັດເຊັ່ນສັນຍາໂຄງການກໍ່ສ້າງຕືກອາຄານປີ່ນປົວພິເສດຢູ່ໂຮງໝໍແຂວງຜົ້ງສາລີ ແລະ ຮ່າງເນື້ອໃນສັນຍາຂອງໂຄງການ ເຊ່ີ່ງໂຄງການດັ່ງກ່າວຈະເລີ່ມລົງມືກໍ່ສ້າງໃນຕົ້ນເດືອນມີນາທີ່ຈະມາເຖີ່ງ ແລະຈະໃຊ້ເວລາໃນການກໍ່ສ້າງ 12 ເດືອນ ເຊີ່ງມີມູນຄ່າໃນການກໍ່ສ້າງທັງໝົດ 3.555.000.000 ກີບ, ເທົ່າກັບ 9,5 ຕື້ດົງ ໂດຍແມ່ນທຶນຊ່ວຍເຫຼືອຫຼ້າຈາກຄະນະພັກປະຊາຊົນແຂວງລາຍເຈົ່າ, ແຫ່ງ ສ ສ ຫວຽດນາມ.
ໃນພິທີໄດ້ພ້ອມກັນລົງນາມເຊັ່ນສັນຍາຮ່ວມກັນລະຫ່ວາງເຈົ້າຂອງໂຄງການ ແລະບໍລີສັດຜູ້ຮັບເໝົາກໍ່ສ້າງເຊີ່ງຕ່າງໜ້າເຈົ້າຂອງໂຄງການລົງນາມເຊັ່ນໂດຍທ່ານ ດຣ ບຸນສາລີ ຈິດດາພອນ ຫົວໜ້າພະແນກສາທາລະນະສຸກແຂວງ, ຕ່າງໜ້າບໍລີສັດຜູ້ຮັບເໝົາເຊັນໂດຍທ່ານ ສົມໝາຍ ບຸຜາພີ ຜູ້ອຳນວຍການບໍລິສັດສົມປະສົງກໍ່ສ້າງເຄຫາ ຂົວ-ທາງ ແລະ ຊົນລະປະທານ ແລະຕ່າງໜ້າຈາກພະແນກແຜນການ ແລະການລົງທຶນເຊັ່ນໂດຍທ່ານ ປະລິນຍາເອກ ວັນໄຊ ສຸກສັນ ຮອງຫົວໜ້າພະແນກແຜນການ ແລະການລົງທຶນແຂວງໂດຍຊ່ອງໜ້າຈາກທ່ານ ທອງສີ ເສົາສຸລິພົມ ຮອງເຈົາແຂວງໆຜົ້ງສາລີຜູ້ຊີ້ນຳຂົງເຂດວັດ ທະນະທຳສັງຄົມຂັ້ນແຂວງ, ທັງເປັນຫົວໜ້າຄະນະຮັບຜິດຊອບໂຄງການກໍ່ສ້າງຕືກອາຄານປີ່ນປົວພິເສດຢູ່ໂຮງໝໍແຂວງ, ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂິພິຍານ.
ໃນຕອນທ້າຍຂອງພິທີທ່ານ ທອງສີ ເສົາສຸລິພົມ ຮອງເຈົ້າແຂວງໆຜົ້ງສາລີຜູ້ຊີ້ນຳຂົງເຂດວັດທະນະທຳສັງຄົມຂັ້ນແຂວງກໍ່້ໄດ້ມີຄຳເຫັນຕໍ່ບໍລິສັດຜູ້ຮັບເໝົາເຊີ່ງ ທ່ານເນັ້ນໃຫ້ບໍລີສັດຜູ້ຮັບເໝົາຕ້ອງເອົາໃຈໃສ່ກຳແໜ້ນໜ້າວຽກທີ່ໄດ້ຜ່ານການສຳຫຼວດອອກແບບຮັບຮອງຈາກພາກສ່ວນທີ່ກ່ຽວຂ້ອງເປັນບ່ອນອີງໃນການຈັດຕັງປະຕິບັດໂຄງການທັງນີ້ກໍ່ເພື່ອໃຫ້ຖຶກຕ້ອງຕາມແຜນງານ-ເຕັກນິກ, ທັງຮັບປະກັນທາງດ້ານຄຸນນະພາບ ແລະມີປະສິທິຜົນສູງ,ເອົາໃຈໃສ່ປະສານສົບທົບກັບເຈົາຂອງໂຄງການໃນການຕິດຕາມການກໍ່ສ້າງຢູ່ພາກສະໜາມຕົວຈິງພ້ອມທັງລາຍງານຄວາມຄຶບໜ້າຂອງການກໍ່ສ້າງໃຫ້ຄະນະຮັບຜີດຊອບຂັ້ນແຂວງເປັນແຕ່ລະໄລຍະທັງນີ້ກໍ່ເພື່ອເປັນການຮັບປະກັນໃນການກໍ່ສ້າງໃຫ້ທັນກັບເວລາທີ່ໄດ້ລະບຸໄວ້ໃນສັນຍາ.
| ສະກຸນເງີນ | ອັດຕາຊື້ | ອັດຕາຂາຍ | |
|
EUR | 21.356 | 21.571 |
|
USD | 21.996 | 22.140 |
|
THB | 683 | 690 |
|
CNY | 2.713 | 2.740 |