ທ່ຽວຊົມຖໍ້ານາງນອນ ເມືອງກາສີ

  ແຂວງວຽງຈັນເປັນດິນແດນທີ່ມີຄວາມຫຼາກຫຼາຍທາງດ້ານທໍາມະຊາດ, ທັງມີພູຜາ, ປ່າໄມ້ ແລະນໍ້າຕົກຕາດທີ່ມີຊື່ສຽງນອກນັ້ນຍັງມີຄວາມໂດດເດັ່ນທາງດ້ານວັດທະນະທໍາ, ປະຫວັດສາດ ແລະທໍາມະຊາດທີ່ສວຍສົດງົດງາມຫຼາຍແຫ່ງ, ສ່ວນການເດີນທາງໄປແຂວງວຽງຈັນເປັນເລື່ອງທີ່ງ່າຍຫຼາຍໂດຍມີເສັ້ນທາງ ເຊື່ອມຕໍ່ກັບບັນດາແຂວງມີຄວາມສະດວກສະບາຍໃນການເດີນທາງເຂົ້າມາທ່ຽວຊົມ.

  ຖໍ້ານາງນອນເປັນອີກໜຶ່ງແຫຼ່ງທ່ອງທ່ຽວທາງທຳມະຊາດອັນ ສວຍສົດງົດງາມທີ່ໜ້າທ່ຽວຊົມ ແລ້ວຖໍ້າດັ່ງກ່າວສະຖານທີ່ທ່ອງທ່ຽວທາງທຳມະຊາດເນື່ອງຈາກວ່າອ້ອມຂ້າງຖໍ້າເຕັມໄປດ້ວຍທໍາມະມະຊາດປ່າໄມ້ທີ່ຂຽວສົດງົດງາມອາກາດເຍັນສົດຊືມບວກກັບສັດນ້ອຍໃຫຍ່ສົ່ງສຽງດັງກ້ອງລະງົມທີ່ຟັງແລ້ວໜ້າຫຼົງໄຫຼມ່ວນຊື່ນໄປກັບມັນເຮັດໃຫ້ລືມຄວາມອິດເມື່ອຍຈາກການເດີນທາງ.

  ຖໍ້ານາງນອນຕັ້ງຢູ່ບ້ານຜາຕໍ່ເມືອງກາສີ ແຂວງວຽງຈັນຫ່າງຈາກເທສະບານເມືອງກາສີປະມານ 23 ກິໂລແມັດ, ແຕ່ກ່ອນຖໍ້ານີ້ມີຮູບປັ້ນຜູ້ຍິງນອນ, ມີຄວາມຍາວປະມານ 17 ແມັດ, ຖໍ້ານາງນອນປະຈຸບັນຍັງມີຫຼາຍສິ່ງຫຼາຍຢ່າງທີ່ໂດດເດັ່ນເປັນທີ່ໜ້າສົນໃຈ.

----

ໂດຍ: ວົງມະນີ

แชร์