ໂຮງຮຽນ ມສ ຫີນເຫີບ ໄດ້ຮັບຫ້ອງສະໝຸດຫຼັງໃໝ່

  ເມື່ອບໍ່ດົນມານີ້ທີ່ໂຮງຮຽນ ມສ ຫີນເຫີບ ເມືອງຫີນເຫີບ ແຂວງວຽງຈັນ  ໄດ້ຈັດພິທີມອບ-ຮັບຫ້ອງ ສະໝຸດ ໂດຍການເປັນກຽດເຂົ້າຮ່ວມຂອງທ່ານ ບຸນສອນ ເພັດລາວັນ ຮອງເຈົ້າແຂວງວຽງຈັນ, ມີທ່ານ ວອນ ວໍລະສານ ເຈົ້າເມືອງ ຫີນເຫີບ, ທ່ານ ນາງ ຈັນທະກອນ ມີໄຊກອນຮອງຫົວໜ້າພະແນກສຶກສາ ທິການ ແລະກີລາແຂວງວຽງຈັນ, ສະມາຄົມຮ່ວມໃຈເດັກນ້ອຍລາວ, ຄະນະພັດທະນາການສຶກສາຂັ້ນບ້ານ, ຄູ-ອາຈານ ແລະນ້ອງນັກຮຽນເຂົ້າຮ່ວມ.

  ທ່ານ ນາງ ອໍາພອນ ອໍ້ສຸກໄຊ ປະທານບໍລິສັດ ແສງພອນ ຈະເລີນຂົວທາງ ແລະກໍ່ສ້າງຈຳກັດໄດ້ ຂຶ້ນຜ່ານບົດລາຍງານການກໍ່ສ້າງຫ້ອງສະໝຸດວ່າ: ຫ້ອງສະໝຸດຫຼັງນີ້ໄດ້ລົງມືກໍ່ສ້າງນັບແຕ່ວັນທີ 19 ເມສາ 2020 ແລະສໍາເລັດໃນວັນທີ 15 ຕຸລາ 2020 ຫ້ອງສະໝຸດເປັນອາຄານຊັ້ນດຽວຂະໜາດ 10x12 ແມັດ ມຸ່ງດ້ວຍອາລູຊິງ, ດ້ານໃນປະກອບດ້ວຍລະບົບໄຟຟ້າ, ໂຕະ, ຕັ່ງ, ຕູ້ວາງໜັງສື ແລະສິ່ງອໍານວຍຄວາມສະດວກລວມມູນຄ່າການກໍ່ສ້າງ 67 ພັນໂດ ລາ ຫຼື ປະມານ 600 ລ້ານກວ່າກີບໃຫ້ກຽບມອບໂດຍທ່ານ ນາງ ອໍາພອນ ອໍ້ສຸກໄຊ ປະທານບໍລິສັດ ແສງພອນຈະເລີນຂົວທາງ ແລະກໍ່ສ້າງຈຳກັດກ່າວຮັບແມ່ນທ່ານ ນາງ ສຸລະພີ ຫົວໜ້າຫ້ອງການຮ່ວມໃຈເດັກນ້ອຍລາວ ( LAC ) ແລະມອບໃຫ້ໂຮງຮຽນເປັນຜູ້ຄຸ້ມຄອງນໍາໃຊ້ໃຫ້ເກີດປະໂຫຍດສູງສຸດ.

  ໃນພິທີຍັງໄດ້ມີການມອບໃບ ກຽດຕິຄຸນຂັ້ນສູນກາງໃຫ້ແກ່ສະມາຄົນຮ່ວມໃຈເດັກນ້ອຍລາວ ຫຼື (LAC) ທີ່ເຫັນໄດ້ຄວາມສໍາຄັນຂອງການອ່ານໃຫ້ການຊ່ວຍເຫຼືອພື້ນຖານໂຄງລ່າງຄັ້ງນີ້ໃນໂອກາດດຽວກັນນີ້ທາງບໍລິສັດແສງພອນຈະເລີນຂົວທາງ ແລະກໍ່ສ້າງຈຳກັດຍັງໄດ້ມອບປິ່ນເຕີຈໍານວນ 1 ເຄື່ອງມູນຄ່າ 1,7 ລ້ານກີບ ໃຫ້ແກ່ໂຮງຮຽນ ມສ ຫີນເຫີບ, ມອບເຄື່ອງນຸ່ງຫຼິ້ນກີລາຈໍານວນ 20 ຊຸດມູນຄ່າ 2,5 ລ້ານກີບ ໃຫ້ແກ່ຫ້ອງການສຶກສາທິການ ແລະກີລາເມືອງ.

  ທ່ານ ບຸນສອນ ເພັດລາວັນ ຕາງໜ້າໃຫ້ອົງການປົກຄອງແຂວງວຽງຈັນກໍ່ຄືເມືອງຫີນເຫີບ ໄດ້ກ່າວສະແດງຄວາມຂອບໃຈ ແລະຊົມເຊີຍຕໍ່ສະມາຄົມກໍ່ຄືລັດຖະບານ ແລະປະຊາຊົນຍີ່ປຸ່ນທີ່ໃຫ້ການຊ່ວຍເຫຼືອພັດທະນາຄຸນນະພາບການສຶກສາຢູ່ລາວໂດຍສະເພາະແຂວງວຽງຈັນ ມີບາດກ້າວໃໝ່ ແລະພ້ອມແລ້ວ ທີ່ຈະປົກປັກຮັກສານໍາໃຊ້ໃຫ້ຍາວນານທີ່ສຸດ.

----

ໜັງສືພິມ ເສດຖະກິດ-ສັງຄົມ

 

แชร์