ເທສະການໂຄມໄຟນາໆຊາດຄັ້ງທຳອິດ ຈະຈັດເດືອນໜ້າ

   ຟາມພູຕາເວັນຮ່ວມກັບສະມາຄົມນັກທຸລະກິດແມ່ຍິງລາວ ແລະການທ່ອງທ່ຽວລາວຮ່ວມກັນຈະຈັດງານເທສະການໂຄມໄຟນາໆຊາດຄັ້ງທີ I ເພື່ອສົ່ງເສີມການທ່ອງທ່ຽວລາວ, ຂຶ້ນໃນວັນ ທີ 7-10 ມີນາ 2019, ທີ່ຟາມພູຕາເວັນ ແລະພິທີຖະແຫຼງຂ່າວແມ່ນມີຂຶ້ນໃນວັນທີ 19 ກຸມພາທີ່ສະພາການຄ້າ, ໂດຍການຖະແຫຼງຂອງທ່ານນາງ ຈັນທະຈອນ ວົງໄຊ ປະທານສະມາຄົມນັກທຸລະກິດແມ່ຍິງລາວ, ທ່ານ ບຸນຕາ ເທບພະວົງ ຮອງເລຂາຄະນະບໍລິຫານງານຊາວໜຸ່ມປະຊາຊົນປະຕິວັດ ລາວ, ທ່ານ ເຄນ ຫຼໍ່ມະນີ ຫົວໜ້າພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວແຂວງບໍລິຄຳໄຊ, ທ່ານ ທະວີ ເພັດອຸລາ ຮອງຫົວໜ້າກົມພັດທະນາການທ່ອງທ່ຽວກະຊວງ ຖວທ, ພ້ອມດ້ວຍອຳນວຍການຟາມພູຕາເວັນ ແລະ ແຂກສື່ມວນຊົນເຂົ້າຮ່ວມ.

  ທ່ານ ນາງ ຈັນທະຈອນ ວົງໄຊ ກ່າວ ວ່າ: ເທສະການງານໂຄມໄຟນາໆຊາດ ຄັ້ງທີ 1 ນີ້ ຈຸດປະສົງຫຼັກແມ່ນເພື່ອເປັນ ການສົ່ງເສີມ ແລະສ້າງວຽກເຮັດງານ ທຳໃຫ້ແກ່ຊຸມຊົນໃນໜູ່ບ້ານໃກ້ຄຽງ ກັບຟາມພູຕາເວັນ, ທັງເປັນການເຊື່ອມໂຍງການທ່ອງທ່ຽວຕາມເສັ້ນທາງຍຸດທະສາດລະຫວ່າງກຸ່ມປະເທດອາຊຽນ ດ້ວຍກັນໃນອະນາຄົດ, ເພື່ອສົ່ງເສີມການ ທ່ອງທ່ຽວລາວກ້າວສູ່ຄວາມຍືນຍົງ ແລະ ເພື່ອສົ່ງເສີມຜະລິດຕະພັນພາຍໃນ ສປປ ລາວ ເຮົາໃຫ້ກ້າວສູ່ຕະຫຼາດສາກົນໃນຍຸກ ເອອີຊີ, ພ້ອມນັ້ນ ພາຍໃນງານແມ່ນຈະ ມີຫຼາກຫຼາຍກິດຈະກຳເຊັ່ນ: ການສະ ແດງໂຄມໄຟນານາຊາດຈາກບັນດາສິ ລະປິນ, ຈາກບັນດາປະເທດຫວຽດນາມ, ຈີນ, ຍີ່ປຸ່ນ, ເກົາຫຼີ ແລະປະເທດໄທ; ຮ້ານ ຄ້າວາງສະແດງເປັນປະເພດອາຫານ ແລະສິນຄ້າທ້ອງຖິ່ນ ຈາກຜູ້ປະກອບ ການແມ່ຍິງ ແລະຜູ້ປະກອບການທີ່ມີຊາຍ ແດນຕິດກັບລາວເຮົາ; ມີເຄື່ອງຫຼີ້ນເດັກ ນ້ອຍ, ມີຊົມສວນດອກໄມ້ ຊຶ່ງຄາດວ່າຈະ ມີຜູ້ປະກອບການເຂົ້າຮ່ວມວາງສະແດງ ສິນຄ້າປະມານ 50 ຮ້ານ.

  ທ່ານ ເຄນ ຫຼໍ່ມະນີ ກ່າວວ່າ: ເນື່ອງ ຈາກປີຜ່ານມາພວກເຮົາໄດ້ມີການຈັດ ຫຼາຍກິດຈະກຳເພື່ອສົ່ງເສີມໃນການເປີດປີທ່ອງທ່ຽວລາວ ແລະແຂວງບໍລິຄຳໄຊ ກໍໄດ້ເປີດ ແລະປະສົບຜົນສຳເລັດສູງ ດັ່ງ ນັ້ນສືບຕໍ່ສົ່ງເສີມການເປີດປີທ່ອງທ່ຽວ ລາວ-ຈີນ 2019 ນີ້ ການຈັດເທດສະ ການໂຄມໄຟກໍຈະເປັນການໂຄສະນາ  ແລະດຶງດູດເອົານັກທ່ອງທ່ຽວທັງພາຍ ໃນ ແລະຕ່າງປະເທດໃຫ້ມາຮູ້ຈັກ ຫຼືໄດ້ ມາເຫັນແຂວງບໍລິຄຳໄຊຫຼາຍຂຶ້ນ ເພາະກໍ່ມີຕາງໜ້າອົງການຈັດຕັ້ງສາກົນຈາກ 5-6 ປະເທດທີ່ສະແດງເຈດຈຳນົງມາ ຮ່ວມສະແດງໂຄມໄຟໃນງານຄັ້ງນີ້.

  ທ່ານ ນາງ ດາລູນີ ດວງປະເສີດ ອຳ ນວຍການຟາມພູຕາເວັນ ໄດ້ກ່າວວ່າ: ພວກເຮົາໄດ້ກະກຽມມາແຕ່ເດືອນພະຈິກ 2018 ຮອດປະຈຸບັນມີຄວາມພ້ອມເກືອບ 100% ແລ້ວ ເນື່ອງຈາກວ່າງານນີ້ເປັນ ຄັ້ງທຳອິດທີ່ຈັດຂຶ້ນກໍ່ເຮັດເຕັມທີ່ ແລະ ງານນີ້ແມ່ນໃຫຍ່ພໍສົມຄວນ  ແລະໃນງານ ນອກຈາກນັກທ່ອງທ່ຽວຈະໄດ້ຊົມໂຄມ ໄຟຈາກບັນດາພາກສ່ວນຕ່າງ ແລະປະ ເທດຕ່າງໆທີ່ເຂົ້າຮ່ວມສະແດງແລ້ວນັກ ທ່ອງທ່ຽວສາມາດຊົມ ແລະຊື້ສິນຄ້າຈາກ ບັນດາຜູ້ປະກອບການຈາກທ້ອງຖິ່ນ ແລະ ຮ້ານຄ້າຕ່າງໆ ທີ່ເປັນເຄື່ອງປະເພດຫັດ ຖະກຳ, ອາຫານ ແລະ ອື່ນໆອີກດ້ວຍ, ສຳລັບປີ້ເຂົ້າທ່ຽວຟາມໃນວັນທີ 7, 8, 10, ແມ່ນປີ້ລະ 25 ພັນກີບ ສ່ວນມື້ວັນ ທີ 9 ມື້ເປີດພິທີຈະມີຄອນເສີດໃຫຍ່ທີ່ ຈະມີນັກຮ້ອງຈາກພາຍໃນ ແລະປະເທດ ເພື່ອນບ້ານມາຮ່ວມໂຊ ປີ້ເຂົ້າຊົມຟາມ ແມ່ນລາຄາ 50 ພັນກີບຕໍ່ຄົນ (ຍົກເວັ້ນ ເດັກນ້ອຍຕໍ່າກວ່າ 1,20 ແມັດ, ຜູ້ອາ ຍຸສູງ 60 ຂຶ້ນໄປ, ຜູ້ພິການ ແລະພະສົງ ແມ່ນບໍ່ເສຍຄ່າ) ທີ່ສຳຄັນໃນລະຫວ່າງ ມື້ເປີດງານ 4 ວັນນີ້ ຈະມີການເກັບປີ້ຄ່າຝາກລົດໃຫຍ່ປະມານຄັນລະ 10 ພັນ ກີບ ແລະລົດຈັກຄັນລະ 5 ພັນກັບ ເພາະ ຈະແມ່ນ 2 ບ້ານເປັນຜູ້ເກັບເພື່ອຄ່າໃຊ້ ຈ່າຍຄ່າຍາມ, ຄ່າບ້ານທີ່ມາຊ່ວຍພາຍ ໃນງານ, ສ່ວນເວລາເປີດໃຫ້ບໍລິການ ແມ່ນ 9:00 ເຊົ້າ ຫາ 21:00 ໂມງ.

ນສພ ເສດຖະກິດ-ສັງຄົມ

แชร์