ມຊ ປາຖະກະຖາ ວັນສໍາຄັນຂອງຊາດ.

     ທ້າຍອາທິດຜ່ານມາມະຫາວິທະຍາໄລແຫ່ງຊາດ (ມຊ)  ໄດ້ຈັດພິທີປາຖະກະຖາວັນສໍາຄັນຂອງຊາດເປັນຕົ້ນແມ່ນວັນສ້າງຕັ້ງເມືອງວຽງໄຊ-ຖານທີ່ໝັ້ນຂອງ  ການປະຕິວັດຄົບຮອບ 50 ປີ, ວັນສະຖາປະນາ ສປປ ລາວ ຄົບຮອບ 43 ປີ ແລະວັນຄ້າຍວັນເກີດປະທານໄກສອນພົມວິຫານຄົບຮອບ 98 ປີໂດຍໃຫ້ກຽດປາຖະກະຖາຂອງທ່ານກິແກ້ວໄຂຄໍາພິທູນຫົວໜ້າຄະນະໂຄສະນາອົບຮົມສູນ ກາງພັກ, ມີທ່ານ ນາງ  ສົມຈັນບຸນພັນມີຮອງອະທິການບໍດີມະຫາວິທະຍາໄລແຫ່ງຊາດ, ມີຄະນະບໍດີ, ຮອງຄະນະບໍດີ, ຜູ້ອໍານວຍການສະຖາບັນ, ພະນັກງານ, ຄູອາຈານແລະນັກສຶກສາເຂົ້າຮ່ວມ.

     ທ່ານກິແກ້ວໄຂຄໍາພິທູນໃຫ້ຮູ້ວ່າ:ເພື່ອລະນຶກ, ທົບທວນຄືນມູນເຊື້ອເຖິງການນໍາພາຂອງພັກ, ລະນຶກເຖິງຄຸນງາມຄວາມດີຂອງປະທານໄກສອນພົມວິຫານເພື່ອໃຫ້ຈົດຈໍາ, ປົກປັກຮັກສາແລະຂະຫຍາຍມູນເຊື້ອ ແລະຝຶກຝົນຫຼໍ່ຫຼອມຕົນເອງເພື່ອໃຫ້ເປັນຄົນດີຮັບໃຊ້ສັງຄົມ, ວັນສ້າງຕັ້ງເມືອງວຽງໄຊ-ຖານທີ່ໝັ້ນຂອງກາປະຕິວັດລາວຄົບຮອບ 50 ປີ (ວັນທີ 30/11/1968 ເຖິງ 30/11/ 2018) ແມ່ນຄວາມໝາຍຄວາມສໍາຄັນຂອງການສ້າງຕັ້ງເມືອງ ວຽງໄຊ-ຖານທີ່ໝັ້ນຂອງການປະຕິວັດລາວ, ເມືອງວຽງໄຊສູນກາງຊີ້ນໍາຂອງພັກຕໍ່ພາລະກິດຕໍ່ສູ້ກູ້ຊາດຕ້ານລັດທິລ່າເມືອງຂຶ້ນແບບເກົ່າແລະແບບໃໝ່, ປົດປ່ອຍປະເທດຊາດຢ່າງສົມບູນແລະສືບຕໍ່ເສີມຂະຫຍາຍມູນເຊື້ອວິລະຊົນເມືອງວຽງໄຊ-ຖານທີ່ໝັ້ນຂອງການປະຕິວັດລາວໃນພາລະກິດປະຕິວັດຕະຫຼອດໄປ.

     ວັນສະຖາປະນາສປປລາວຄົບຮອບ 43 ປີ (2/12/1975-2/12/2018) ແມ່ນມູນເຊື້ອແລະ ຄວາມໝາຍສໍາຄັນຂອງວັນຊາດ 2 ທັນວາ, ຜົນສໍາເລັດໃນການປົກປັກຮັກສາແລະພັດທະນາປະເທດຊາດໃນໄລຍະ 43 ປີແລະສືບຕໍ່ເສີມຂະຫຍາຍມູນເຊື້ອວັນຊາດທີ 2 ທັນວາເຂົ້າໃນການສ້າງສາພັດທະປະເທດຊາດ,ວັນຄ້າຍວັນເກີດປະທານໄກສອນພົມວິຫານຄົບຮອບ  97 ປີ (13/12/ 1920- 13/12/2018) ໂດຍໄດ້ຮັບຮູ້ ກ່ຽວກັບຊີວິດແລະການເຄື່ອນໄຫວປະຕິວັດຂອງປະທານໄກສອນພົມວິຫານ, ຜົນງານແລະຄຸນງາມຄວາມດີຂອງປະທານໄກສອນພົມວິຫານ ແລະຕັ້ງໜ້າຮໍ່າຮຽນແລະສືບທອດມໍລະດົກອັນລໍ້າຄ່າຂອງປະທານໄກສອນພົມວິຫານ ທີ່ໄດ້ສ້າງໄວ້.                                                    

แชร์