ອົງຄະນະພັກນະຄອນຫຼວງວຽງຈັນໄຂກອງປະຊຸມໃຫຍ່ ຄັ້ງທີ VII

 ເສດຖະກິດຂອງ ສປປ ລາວ ສະເລ່ຍ 5 ປີ (2016-2020) ເພີ່ມຂຶ້ນ 5,8% ຕໍ່ປີ, ແຕ່ຫຼຸດຄາດໝາຍທີ່ກໍານົດໄວ້ (ມະຕິສະພາ 7,2%) ແລະມີທ່າອ່ຽງຫຼຸດລົງໃນແຕ່ລະປີ, ສະເພາະປີ 2020 ນີ້ ຈີດີພີຕໍ່ຫົວຄົນຄາດວ່າຈະບັນລຸ 2.664 ໂດລາສະຫະລັດ ເທົ່າກັບ 89,45% ຂອງແຜນການ (ມະຕິສະພາ 2.978 ໂດລາ).
ທ່ານ ສອນໄຊສີພັນດອນ ຮອງນາຍົກລັດຖະມົນຕີກະຊວງແຜນການ ແລະ ການລົງທຶນລາຍງານຕໍ່ກອງປະຊຸມສະພາແຫ່ງຊາດໃຫ້ຮູ້ວ່າ: ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ VIII (2016-2020) ແມ່ນໄດ້ຮັບການຊີ້ນໍາຢ່າງໃກ້ສິດຂອງກົມການເມືອງສູນກາງພັກ ແລະ ລັດຖະບານ ບວກກັບຄວາມບຸກບືນຂອງບັນດາຂະແໜງການ, ອໍານາດການປົກຄອງ ແລະຄູ່ຮ່ວມພັດທະນາ ເຮັດໃຫ້ການເຕີບໂຕເສດຖະກິດຂອງ ສປປ ລາວ ສະເລ່ຍ 5 ປີເພີ່ມຂຶ້ນ 5,8% ຕໍ່ປີ, ແຕ່ຫຼຸດຄາດໝາຍທີ່ກໍານົດໄວ້ (ມະຕິສະພາ 7,2%) ແລະມີທ່າອ່ຽງຫຼຸດລົງໃນແຕ່ລະປີແຕ່ຖ້າທຽບໃສ່ປະເທດອ້ອມຂ້າງໃນພາກພື້ນເຫັນວ່າຢູ່ໃນລະດັບສູງ, ຈີດີພີຕໍ່ຫົວຄົນໃນປີ 2020 ຄາດວ່າຈະບັນລຸ 2.664 ໂດລາສະຫະລັດ ເທົ່າກັບ 89,45% ຂອງແຜນການ (ມະຕິສະພາ 2.978 ໂດລາ) ໃນນີ້ຂະແໜງກະສິກໍາຂະຫຍາຍຕົວ 1,9% ກວມເອົາ 15,9% ຂອງຈີດີພີ (ມະຕິສະພາດັດແກ້ 3,4% ກວມ 16,8% ຂອງຈີດີພີ; ອຸດສາຫະກໍາຂະຫຍາຍຕົວ 8,7% ກວມເອົາ 31,7% ຂອງຈີດີພີ (ມະຕິສະພາ ດັດແກ້ 9,30% ກວມ 39% ຂອງຈີດີພີ; ຂະແໜງບໍລິການຂະຫຍາຍຕົວ 4,2% ກວມເອົາ 41,2% ຂອງຈີດີພີ (ມະຕິສະພາ ດັດແກ້ 8,10% ກວມ 35,4% ຂອງຈີດີພີ; ພາສີອາກອນ ຜະລິດຕະພັນ ແລະການນໍາເຂົ້າຂະຫຍາຍ ຕົວ 5,1% ກວມເອົາ 11,1% ຂອງຈີດີພີ (ມະຕິສະພາ ດັດແກ້ 5% ກວມ 8,8% ຂອງຈີດີພີ.

  ສ່ວນດ້ານການຜະລິດ ແລະການບໍລິການສິນຄ້າເຫັນວ່າມີທ່າຂະຫຍາຍຕົວ ແລະສາມາດຕອບສະໜອງໃຫ້ແກ່ສັງຄົມໄດ້ໂດຍພື້ນຖານເປັນຕົ້ນມູນຄ່າການຜະລິດອຸດສາຫະກໍາປຸງແຕ່ງ ແລະ ຫັດຖະກໍາປະຕິບັດໄດ້ 54.683 ຕື້ກີບ ສະເລ່ຍເພີ່ມຂຶ້ນ14,73% ຕໍ່ປີ (ແຜນການ 15% ຕໍ່ປີ), ມູນຄ່າຈໍລະຈອນສິນຄ້າປະຕິບັດໄດ້ 284 ຕື້ກວ່າກີບ ສະເລ່ຍເພີ່ມຂຶ້ນ10,5% ຕໍ່ປີ (ແຜນການ 12% ຕໍ່ປີ); ດ້ານການ ພັດທະນາສີມືແຮງງານໄດ້ຮັບການເອົາ ໃຈໃສ່ໂດຍສົ່ງເສີມສະຖາບັນພັດທະນາ ສີມືແຮງງານ, ສູນຝຶກອົບຮົມ ແລະພາກສ່ວນກ່ຽວຂ້ອງໄດ້ທັງໝົດ 409,107 ຄົນ ເທົາກັບ 62,17% ຂອງແຜນການ;

 ສໍາລັບພື້ນຖານເພື່ອເຊື່ອມຈອດກັບພາກພື້ນ ແລະສາກົນໄດ້ຮັບການພັດທະນາອັນພົ້ນເດັ່ນແມ່ນໂຄງການກສ້າງເສັ້ນທາງລົດໄຟລາວ-ຈີນ ແລະໂຄງການທາງດ່ວນວຽງ ຈັນ-ວັງວຽງ;ສ່ວນບັນດາໂຄງການໄຟຟ້າ,ບໍ່ແຮ່ ແລະໂຄງການເຂດເສດຖະກິດພິເສດກໍໄດ້ສືບຕໍ່ດໍາເນີນການຜະລິດເພື່ອສົ່ງອອກໄດ້ຕໍ່ເນື່ອງໂດຍຄາດຄະເນການສົ່ງອອກກະແສໄຟຟ້າ ໄດ້ 129,605 ລ້ານກິໂລ ວັດໂມງ ເທົ່າກັບ 7.203 ລ້ານໂດລາ ທຽບໃສ່ແຜນການ 5 ປີ ຄັ້ງທີ VII ເພີ່ມຂຶ້ນ 164%, ສ່ວນມູນຄ່າການສົ່ງອອກ ແຮ່ທາດຄາດວ່າຈະປະຕິບັດໄດ້ 6,66 ຕື້ໂດລາ ແລະມູນຄ່າການສົ່ງອອກໃນເຂດເສດຖະກິດພິເສດຄາດວ່າຈະປະຕິບັດໄດ້ 1,52 ຕື້ໂດລາ; ນອກຈາກນີ້ດ້ານການສຶກ ສາ ແລະສາທາລະນະສຸກແມ່ນມີຫຼາຍຄາດໝາຍທີ່ສາມາດບັນລຸໄດ້ຕາມແຜນການ.

แชร์