ລຊມລ ຊ່ວຍເຫຼືອຜູ້ປະສົບໄພນໍ້າຖ້ວມ ແຂວງສະຫວັນນະເຂດ

  ໃນວັນທີ 26 ຕຸລາຜ່ານມາທີ່ຫ້ອງວ່າການປ້ອງຄອງແຂວງສະຫວັນນະເຂດບໍລິສັດ ລ້ານຊ້າງ ມີເນໂຣນສ໌ ລິມິເຕັດ (ລຊມລ) ບໍ່ຄຳ-ທອງເຊໂປນໄດ້ມອບເງິນມູນຄ່າ 100 ລ້ານກີບເພື່ອຊ່ວຍເຫຼືອວຽກງານບັນເທົາໄພນໍ້າຖ້ວມໃນແຂວງສະຫວັນນະເຂດ, ການຊ່ວຍເຫຼືອດ້ານການເງິນຄັ້ງນີ້ແມ່ນໄດ້ມອບໃຫ້ແກ່ເຈົ້າແຂວງໆສະຫວັນນະເຂດ ທ່ານ ສັນຕິພາບ ພົມວິຫານ ໂດຍທ່ານ ນາງ ລັດສະນີ ສີສານ, ຫົວໜ້າຝ່າຍພົວພັນລັດຖະບານຂອງ ລຊມລ.

ທ່ານ ພໍ ແຮຣິສ, ຜູ້ຈັດການ ໃຫຍ່ ລຊມລ ກ່າວວ່າ:“ ລຊມລ ມີຄວາມມຸ່ງໝັ້ນໃນການສະໜັບສະໜູນຊຸມຊົນໃນແຂວງສະຫວັນນະເຂດຊຶ່ງເປັນທີ່ຕັ້ງຂອງບໍ່ຄຳ-ທອງເຊໂປນດັ່ງນັ້ນຂ້າພະເຈົ້າຫວັງວ່າການສະໜັບສະໜູນຂອງພວກເຮົາຈະຊ່ວຍບັນເທົາຄວາມລຳບາກຂອງຜູ້ທີ່ໄດ້ຮັບຜົນກະທົບຈາກໄພນໍ້າຖ້ວມທີ່ເກີດຂຶ້ນໃນ ສປປ ລາວ ໃນຫຼາຍເດືອນຜ່ານມານີ້.”

   ບໍລິສັດຊືເຟິງ ຈີຫຼົງ ຂຸດຄົ້ນຄຳ ຈຳກັດ (ຊືເຟິງ) ແມ່ນບໍລິສັດທີ່ຈົດທະບຽນໃນຕະຫຼາດຫຸ້ນຊຽງໄຮ້ໃນນາມບໍລິສັດຜູ້ຜະລິດໂລຫະແຮ່ທາດທີ່ມີສຳນັກງານໃຫຍ່ຕັ້ງຢູ່ເມືອງຊືເຟິງ, ມົດລະລັດມົງໂກນໃນ ສປ ຈີນ ບໍລິສັດ ຊືເຟິງ ເປັນຜູ້ນຳໜ້າໃນການຜະລິດຄຳໃນ ສປ ຈີນ ແລະ ມີຄວາມຊຳນານໃນການຊື້ກິດຈະການຂຸດຄົ້ນ-ຜະລິດຄຳ, ການສະກັດຊັບພະຍາກອນແບບປະສົມປະສານ ແລະການນຳໃຊ້ຊັບພະຍາກອນໃຫ້ເປັນປະໂຫຍດສູງສຸດ, ນັບຕັ້ງແຕ່ວັນທີ 1 ທັນ ວາ 2018, ບໍລິສັດ ຊືເຟິງ ໄດ້ຮັບໜ້າທີ່ເປັນເຈົ້າຂອງບໍລິສັດລ້ານ ຊ້າງມິເນໂຣນສ໌ ລິມິເຕັດ ພາຍຫຼັງທີ່ທາງບໍລິສັດ MMG ໄດ້ສຳເລັດ ການຂາຍຮຸ້ນ 90% ຂອງຕົນໃນ ລຊມລ, ບໍລິສັດຊືເຟິງຖືຮຸ້ນ 90% ແລະລັດຖະບານລາວຖືຮຸ້ນ 10% ໃນບໍລິສັດ ລຊມລ.

 

แชร์