ໂຄວິດເຮັດໃຫ້ຄົນກຳປູເຈຍຕົກວຽກ 3 ແສນຄົນ

   ທ່ານ ຮຸນເຊນ ນາຍົກລັດຖະມົນຕີຂອງກຳປູເຈຍກ່າວວ່າຜົນກະທົບຈາກການແຜ່ລະບາດຂອງເຊື້ອໂຄວິດ-19 ເຮັດໃຫ້ຊາວກຳປູເຈຍຕົກວຽກປະມານ 3 ແສນຄົນ ໂດຍສ່ວນໃຫຍ່ຢູ່ໃນອຸດສາຫະກຳການທ່ອງທ່ຽວ ແລະຕັດຫຍິບເສື້ອຜ້າສຳເລັດຮູບ.

  ຕາມຂ່າວຕ່າງປະເທດລາຍງານວ່າປະຈຸບັນແຮງງານບາງສ່ວນຢູ່ໃນອຸດສາຫະກຳດັ່ງກ່າວໄດ້ເຂົ້າໄປເຮັດວຽກ ຫຼືໄດ້ວຽກໃໝ່ແລ້ວເນື່ອງຈາກສະຖານະການຂອງການລະບາດຂອງໂຄວິດຢູ່ພາຍໃຕ້ການຄວບຄຸມ ທ່ານ ຮຸນເຊນ ກ່າວວ່າ ໃນພິທີວາງສີລາສຶກສ້າງຂົວຂ້າມແມ່ນໍ້າໃນພື້ນທີ່ທາງຕາເວັນອອກຂອງນະຄອນຫຼວງພະນົມເປັນໂຄວິດ-19 ບໍ່ພຽງແຕ່ສ້າງຄວາມເສຍຫາຍໃນກຳປູເຈຍແຕ່ຍັງເກີດຂຶ້ນທຸກປະເທດທົ່ວໂລກທ່ານຮຸນເຊນກ່າວຕື່ມວ່າອຸດສາຫະກຳການທ່ອງທ່ຽວ ແລະ ເສື້ອຜ້າໄດ້ຮັບຜົນກະທົບໜັກສຸດຈາກການແຜ່ລະບາດຂອງເຊື້ອໂຄວິດ-19 ໂຮງແຮມຈຳນວນຫຼາຍຕ້ອງປິດຕົວລົງເນື່ອງຈາກບໍ່ມີນັກທ່ອງທ່ຽວຕ່າງປະເທດ.

  ຄາດຄະເນວ່າເສດຖະກິດຂອງກຳປູເຈຍຈະຫຼຸດລົງ 1,9% ໃນປີນີ້ ແລະຟື້ນຕົວໃນປີໜ້າຫຼັງຈາກເສດຖະກິດໂລກ ແລະຄວາມຕ້ອງການພາຍນອກປະເທດຄ່ອຍໆຟື້ນຕົວ, ປະຈຸບັນກຳປູເຈຍມີຜູ້ຕິດເຊື້ອໂຄວິດ-19 ຢູ່ທີ່ 287 ຄົນ ບໍ່ມີຜູ້ເສຍຊີວິດ ແລະປິ່ນປົວຫາຍດີແລ້ວ 283 ຄົນ.

--------------

ໜັງສືພິມເສດຖະກິດ-ສັງຄົມ

แชร์