ຫວຽດນາມເປີດໂຮງງານໄຟຟ້າພະລັງງານແສງຕາເວັນ

  ສສ ຫວຽດນາມເປີດໂຮງງານຜະລິດໄຟຟ້າພະລັງງານແສງຕາເວັນ ຢູ່ ນິງທ້ວນ ດ້ວຍຍອດເງິນລົງທຶນກວ່າ 1 ພັນຕື້ດົງ (ສະກຸນເງິນຫວຽດນາມ) ນີ້ແມ່ນໂຄງການ ນຳໃຊ້ເຕັກໂນໂລຊີທັນສະໄໝ ແລະກ້າວໜ້າອັນດັບໜຶ່ງໃນປະຈຸບັນ.

  ຕາມຂ່າວສານຫວຽດນາມລາຍງານວ່າຢູ່ບໍລິເວນຕາແສງເຟຶອກຖ໊າຍ ແລະຕາແສງເຟຶອກວິງ, ເມືອງນິງເຟຶອກ ແຂວງນິງທ້ວນ, ກຸ່ມບໍລິສັດ ຮ່າໂດ ໄດ້ສົມທົບກັບຄະ ນະກຳມະການປະຊາຊົນແຂວງນິງທ້ວນຈັດຕັ້ງພິທີເປີດສະຫຼອງໂຮງງານຜະລິດໄຟຟ້າໃຊ້ພະລັງງານແສງຕາເວັນ ຮ່າໂດ ນິງເຟຶອກ ດ້ວຍກຳລັງການຜະລິດໄຟຟ້າ 50 MWp, ໂດຍມີຍອດເງິນລົງທຶນທັງໝົດຫຼາຍກວ່າ 1 ພັນຕື້ດົງ. ນີ້ແມ່ນໂຄງການນຳໃຊ້ເຕັກໂນໂລທີ່ທັນສະໄໝ ແລະກ້າວໜ້າອັນດັບໜຶ່ງໃນປະຈຸບັນ. ພາຍຫຼັງກໍ່ສ້າງມາເປັນເວລາ 3 ເດືອນ, ໂຮງງານຜະລິດໄຟຟ້າພະລັງງານແສງຕາເວັນຮ່າໂດນິງເຟຶອກໄດ້ເຂົ້າເຄື່ອນໄຫວຜະລິດໄຟຟ້າຢ່າງເປັນທາງການ ແລະເຂົ້າຮ່ວມຕາໜ່າງໄຟ ຟ້າແຫ່ງຊາດໃນວັນທີ 1 ກັນຍາຜ່ານມາ ແລະບໍລິສັດຊື້ຂາຍໄຟຟ້າຂຶ້ນກັບກຸ່ມບໍລິສັດໄຟຟ້າແຫ່ງຊາດຫວຽດນາມຮັບຮອງເອົາວັນທີ 4 ກັນຍາ 2020 ແມ່ນວັນເຄື່ອນ ໄຫວການຄ້າ.

 ຕາມນັ້ນແລ້ວ, ແຕ່ລະປີ, ໂຄງການດັ່ງກ່າວຈະສະໜອງແກ່ຕາໜ່າງໄຟຟ້າແຫ່ງຊາດປະມານ 92 ລ້ານ kWh, ປະກອບສ່ວນເຂົ້າໃນງົບປະມານທ້ອງຖິ່ນໄດ້ປະມານເກືອບ 37 ຕື້ດົງຕໍ່ປີ. 

แชร์