ສູນກະສິກຳຫາດຖໍ້າມີລາຍຮັບ 70 ລ້ານກວ່າກີບຕໍ່ປີ

 ວັນທີ 26 ຕຸລາຜ່ານມາຫ້ອງການ ຖວທ ເມືອງໃໝ່ ແຂວງຜົ້ງສາລີໄດ້ລົງເກັບກຳຂໍ້ມູນການສ້າງກິດຈະກຳຢູ່ສູນຫາດຖໍ້າໂດຍມີຫຼາຍກິດຈະກຳຄືການລ້ຽງປາ,ລ້ຽງສັດນ້ອຍ, ສັດໃຫຍ່ເປັນຕົ້ນແມ່ນການລ້ຽງງົວ, ແບ້, ໄກ່, ເປັດນອກຈາກນີ້ຍັງໄດ້ກ້າເບ້ຍໄມ້ກິນໝາກ, ປູກຜັກເຮືອນຮົ່ມ, ມີ 2 ຫຼັງ, ປູກຫຍ້າອາຫານລ້ຽງປາ.

  ທ່ານ ບຸນຄໍ້າ ອິນທະວົງ ຫົວໜ້າສູນເຕັກນິກກະສິກຳຫາດຖໍ້າໄດ້ລາຍງານວ່າ: ສູນຫາດຖໍ້າເລີ່ມກໍ່ສ້າງປີ 2011 ເລີ່ມເປີດນຳໃຊ້ ປີ 2012 ໃນເມື່ອກ່ອນມີໜອງປາລວມ 8 ໜອງ ປະຈຸບັນຂະຫຍາຍໄດ້ອີກ 2 ໜອງ ລວມເປັນ 10 ໜອງ, ການລ້ຽງປາຢູ່ໃນສູນນີ້ 1 ປີ ສາມາດຂະຫຍາຍພັນປາມີພໍ່ພັນແມ່ພັນ 9 ຊະນິດປາທີ່ປ່ອຍ ຫຼາຍກວ່າໝູ່ຄື: ປານິນ ປ່ອຍປີນີ້ລວມ 13 ພັນໂຕ, ປາກິນຫຍ້າ 1 ພັນໂຕ ນອກຈາກການລ້ຽງປາແລ້ວຍັງໄດ້ລ້ຽງສັດຂາຍປີ 1 ຂາຍອອກ 2 ຄັ້ງ,6 ເດືອນຂາຍອອກລວມສັດປີກ ແລະປາພັນຊີ້ນໃນສູນຍັງໄດ້ປູກຜັກຢູ່ຕາມອ້ອມແອ້ມບໍລິເວນຂອງສູນລົງທຶນສ້າງກິດຈະກຳທັງໝົດ 40 ລ້ານກວ່າກີບ, ລາຍຮັບປີໜຶ່ງ 70 ລ້ານກວ່າ ກີບຕໍ່ປີ.

   ແຜນປີ 2021 ນີ້ຈະເລີ່ມປັບປຸງລ້ຽງປາ, ລ້ຽງສັດສາທິດທົດລອງໃຫ້ໄດ້ 95% ຕາມແຜນຈະປັບປຸງສວນກ້າເບ້ຍໄມ້, ຕົ້ນໄມ້ກິນໝາກຂາຍໃນປີ 2021 ມີການຜະລິດປານ້ອຍຂາຍຕາມຂະໜາດໂຕໜຶ່ງ 200-500 ກີບຕໍ່ ໂຕ, ຂາຍປາໃຫຍ່ໂລ 20 ພັນກີບ 50 ພັນກີບ ໃນນີ້ມີປາເຄິງພ້ອມຂາຍຕາມຂະໜາດຂອງປາສູນຫາດຖໍ້າມີຄວາມເຕີບໃຫຍ່ຂະຫຍາຍຕົວຂຶ້ນ.

  ຍ້ອນການຊີ້ນໍາໆພາຂອງທ່ານ ບຸນຄໍ້າ ອິນທະວົງ ຫົວໜ້າສູນເຕັກນິກມີຄວາມເຂັ້ມແຂງຜູ້ກ່ຽວໄດ້ເອົາໃຈໃສ່ເປັນແບບຢ່າງໃຫ້ແກ່ອ້າຍນ້ອງຂອງສູນສືບຕໍ່ພັນຂະຫຍາຍໃຫ້ນັບມື້ນັບດີຂຶ້ນ ແລະໄດ້ຕາມມາດຖານຂອງກິດຈະກຳທັງໝົດທີ່ວາງໄວ້ໃຫ້ຕໍ່ເນື່ອງ ແລະທັນກັບລະດູການຢ່າງແທ້ຈິງ.

แชร์