ພູເບ້ຍ ບັນລຸຂີດໝາຍດ້ານຄວາມປອດໄພທີ່ສຳຄັນ

ເດືອນຜ່ານມາ, ໂຮງງານບ້ານຫ້ວຍຊາຍຂອງບໍລິສັດພູເບ້ຍ ມາຍນິງໄດ້ສະຫຼອງ 365 ວັນ ປາດສະຈາກການບາດເຈັບ ແລະບໍ່ມີການບາດເຈັບທີ່ສາມາດບັນທຶກໄດ້ຫຼາຍກວ່າ 1018 ວັນ ຫຼື 2,8 ປີ, ຊຶ່ງເປັນຂໍ້ພິສູດຊັດເຈນເຖິງຫຼັກການດຳເນີນງານໂດຍປາດສະຈາກການບາດເຈັບຂອງບໍລິສັດ.

 ໃນປີຜ່ານມາ, ທີມງານໂຮງງານບ້ານຫ້ວຍຊາຍໄດ້ມີການປັບປຸງຮອບດ້ານໃນຜົນດຳເນີນງານດ້ານຄວາມປອດໄພໃນປີ 2017, ບໍລິສັດໄດ້ຕັ້ງມາດຖານດ້ານຄວາມປອດໄພຄືນພາຍຫຼັງຜົນດຳເນີນງານດ້ານຄວາມປອດໄພມີທ່າອ່ຽງທີ່ບໍ່ໜ້າພໍໃຈ.

  ການປ່ຽນແປງນີ້ໄດ້ເຮັດໃຫ້ບໍລິສັດ ແລະພະນັກງານຂອງຕົນມີທັງຄວາມມຸ້ງໝັ້ນ ແລະມີເປົ້າໝາຍການດຳເນີນງານໂດຍປາດສະຈາກການບາດເຈັບແທ້ຈິງ, ໃນສາມປີຜ່ານມາ, ໂຮງງານບ້ານຫ້ວຍຊາຍໄດ້ມີການປັບປຸງສຳຄັນທີ່ພົວພັນກັບມາດຕະການຄວາມປອດໄພເຫຼົ່ານີ້, ຊຶ່ງມາເຖີງປະຈຸບັນສາມາດຮັກສາບໍ່ໃຫ້ມີການບາດເຈັບເປັນເວລາ 12 ເດືອນ.

 ຜົນສຳເລັດດ້ານຄວາມປອດໄພຂອງທີມງານໃນ 12 ເດືອນ ຜ່ານມາມີການຫຼຸດອັດຕາຄວາມຖີ່ການບາດເຈັບທີ່ສາມາດບັນທຶກໄດ້ທັງໝົດເຫຼືອສູນຕະຫຼອດ 12ເດືອນ, ຮັກສາອັດຕາຄວາມຖີ່ການບາດເຈັບທີ່ສູນເສຍເວລາເຮັດວຽກຕົວຈິງເທົ່າ 0,00 ແລະ ສືບຕໍ່ອັດຕາຄວາມຖີ່ການບາດເຈັບທັງໝົດຕະຫຼອດ 12 ເດືອນໂດຍສະເລັ່ຍເທົ່າ 0,00.

 ຕະຫຼອດເດືອນກັນຍາ,ໂຮງງານບໍ່ມີການບາດເຈັບທີ່ສູນເສຍເວລາເຮັດວຽກ,ການບາດເຈັບໃນເຂດວຽກທີ່ຈຳກັດ, ການບາດເຈັບທີ່ມີການປິ່ນປົວທາງການແພດ ຫຼືການບາດເຈັບທີ່ມີການປະຖົມພະຍາບານເບື້ອງຕົ້ນ.

 ທ່ານ ຈັນເພັງ ບຸນນະຜົນ, ປະທານບໍລິສັດພູເບ້ຍມາຍນິງຈຳກັດກ່າວໃນນາມຄະນະບໍລິຫານຂອງບໍລິສັດກ່ຽວກັບຜົນສຳເລັດດ້ານຄວາມປອດໄພອັນເດັ່ນນີ້ ແລະຄວາມມຸ້ງໝັ້ນຂອງບໍລິສັດເພື່ອດຳເນີນງານໂດຍປາດສະຈາກການບາດເຈັບຊຶ່ງລວມເຖິງການຮັກສາພະນັກງານແລະເຂດດຳເນີນງານໃຫ້ປອດໄພ.

  “ໃນບໍລິສັດ,ຄວາມປອດໄພແມ່ນບູລິມະສິດອັນດັບໜຶ່ງຂອງພວກເຮົາ, ຜົນສຳເລັດດ້ານຄວາມປອດໄພນີ້ແມ່ນຂໍ້ພິສູດຊັດເຈນທີ່ພົວພັນກັບການເຮັດວຽກໜັກ ແລະຈຸດສຸມອັນເຂັ້ມແຂງດ້ານຄວາມປອດໄພທີ່ພະນັກງານ ແລະ ຜູ້ຮັບເໝົາທັງໝົດໃນສະໜາມໄດ້ສະແດງໃຫ້ເຫັນນີ້ເຮັດໃຫ້ເຫັນວ່າວິທີການນຳໃຊ້ທັກສະຫຼາຍດ້ານສາມາດຜ່ານຜ່າສະພາບທີ່ໜັກໜ່ວງແຕ່ຍັງຄົງສ້າງວັດທະນະທຳການເຮັດວຽກເປັນທີມ ແລະການເບິ່ງແຍງເຊິ່ງກັນ ແລະກັນຢ່າງປະສົບຜົນສຳເລັດ.

   ທ່ານ ຈັນເພັງ ກ່າວຕື່ມວ່າ: ແນ່ນອນພວກເຮົາຕ້ອງເຮັດໃຫ້ປອດໄພຕື່ມຂຶ້ນເພາະເສັ້ນທາງຄວາມປອດໄພບໍ່ສິ້ນສຸດ, ໃນທຸກວັນພວກເຮົາຕ້ອງມີສະຕິ ແລະສາຍຕາຢູ່ກັບສິ່ງທີ່ສາມາດສ້າງອັນຕະລາຍຕໍ່ພວກເຮົາໃນວຽກ, ພວກເຮົາຕ້ອງມີລະບຽບຂຶ້ນຕື່ມແລະສຸມໃສ່ການຫຼຸດເຫດການດ້ານຄວາມປອດໄພ.

แชร์