ໜີ້ສາທາລະນະລາວ ມີຄວາມສ່ຽງຕໍ່ຄວາໝັ້ນຄົງເສດຖະກິດ ລັດຢຸດກູ້ຢືມຕ່າງປະເທດ

 ປະຈຸບັນສະພາບໜີ້ສາທາລະນະຂອງລາວແມ່ນມີຄວາມໜັກໜ່ວງ ແລະມີຄວາມສ່ຽງຕໍ່ຄວາມໝັ້ນຄົງທາງດ້ານເສດຖະກິດລັດຈຶ່ງໄດ້ມີການກຳນົດແຜນແກ້ໄຂຢ່າງຊັດ ເຈນພ້ອມມີການຢຸດກູ້ຢືມຈາກຕ່າງປະເທດມາດຸ່ນດ່ຽງລາຍຈ່າຍປົກກະຕິຂະນະທີ່ຜົນກອບສອບເຫັນ 180 ໂຄງການຕ້ອງຫັກລົບ ມູນຄ່າ 1,8 ພັນຕື້ກີບ.

   ທ່ານ ທອງລຸນ ສີສຸລິດ ນາຍົກລັດຖະມົນຕີໄດ້ລາຍງານຕໍ່ກອງປະຊຸມສະພາຮູ້ວ່າ: ການຈັດຕັ້ງປະຕິບັດການບໍລິຫານໜີ້ສິນສາທາລະນະລັດຖະບານເຫັນສະພາບໜີ້ສິນສາທາລະນະຂອງປະເທດໃນປະຈຸບັນມີຄວາມໜັກໜ່ວງ ແລະ ເປັນຄວາມສ່ຽງສູງຕໍ່ຄວາມໝັ້ນຄົງທາງດ້ານເສດຖະກິດສະນັ້ນ, ຈຶ່ງໄດ້ກຳນົດແຜນແກ້ໄຂເປັນສະ ເພາະໜ້າ, ໄລຍະກາງ ແລະໄລຍະຍາວຢ່າງຊັດເຈນໂດຍພະຍາຍາມຫຼຸດການຂາດດຸນງົບປະມານລັດລົງແຕ່ລະປີ, ໄດ້ແຍກການຄຸ້ມຄອງໜີ້ສິນອອກຄຸ້ມຄອງສະເພາະໂດຍຢຸດຕິການກູ້ຢືມຈາກຕ່າງປະເທດມາດຸນດ່ຽງລາຍຈ່າຍງົບປະມານປົກກະຕິ, ການກູ້ຢືມຕ່າງປະເທດສາມາດກູ້ໄດ້ສະເພາະເພື່ອມາຊຳລະຕົ້ນທຶນເງິນກູ້ຕ່າງປະເທດທີ່ຄົບກຳນົດເທົ່ານັ້ນມາຮອດປະຈຸບັນລັດຖະບານຍັງສາມາດຊຳລະຢູ່ໃນເກນປົກກະຕິຂອງໜີ້ຕ່າງປະເທດ.

  ສ່ວນດ້ານການແກ້ໄຂໜີ້ສິນໂຄງການລົງທຶນຂອງລັດໄດ້ເອົາໃຈໃສ່ການແກ້ໄຂໜີ້ສິນໂຄງການລົງທຶນຂອງລັດໃນພາກປົກກະຕິປະຈຳປີ 2020 ນອກນັ້ນຍັງສຳເລັດຄົ້ນຄວ້າວິທີການແກ້ໄຂໜີ້ສິນດ້ວຍຮູບແບບອວ່າຍໜີ້ 3 ແຈ ແລະການອອກພັນທະບັດ, ໄດ້ປະຕິບັດຂອງກວດກາຕາມຜົນກວດສອບຊຶ່ງໄດ້ເຫັນວ່າມີໂຄງການຕ້ອງຫັກລົບມູນຄ່າຈຳນວນ 180 ໂຄງການ, ມູນຄ່າຫັກລົບ 1.861,59 ຕື້ກີບ ແລະຮອດທ້າຍປີ 2020 ຄາດວ່າຈະສາມາດຫັກລົບໄດ້ 578,35 ຕື້ກີບ.

แชร์