ກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ VIII ໄຂຂື້ນຢ່າງເປັນທາງການ

  ກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດ ຊຸດທີ VIII ໄຂຂຶ້ນຢ່າງເປັນທາງການພາຍໃຕ້ການເປັນປະທານຂອງທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດໂດຍໃຫ້ກຽດເຂົ້າຮ່ວມໃນພິທີມີ ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ ພ້ອມດ້ວຍການນໍາພັກລັດ, ອະດີດການນໍາພັກ-ລັດ, ບັນດາທ່ານພະນັກງານປະຕິວັດອາວຸໂສ, ຜູ້ຊົງຄຸນວຸດທິບັນດາທ່ານສະມາຊິກສະພາແຫ່ງຊາດຜູ້ຕາງໜ້າອົງການຈັດຕັ້ງພັກ-ລັດ, ອົງການຈັດຕັ້ງແນວລາວສ້າງຊາດ, ສະຫະ ພັນນັກລົບເກົ່າ, ອົງການຈັດຕັ້ງມະຫາຊົນ, ທ່ານຜູ້ຕາງໜ້າຈາກພາກສ່ວນຕ່າງໆທີ່ໄດ້ໃຫ້ກຽດເຂົ້າຮ່ວມ.

   ທ່ານ ນາງ ປານີ ຢາທໍ່ຕູ້ ໄດ້ກ່າວສູນທອນພົດໄຂກອງປະຊຸມຢ່າງເປັນທາງການຊຶ່ງມີເນື້ອໃນບາງຕອນສໍາຄັນວ່າ: ກອງປະຊຸມຄັ້ງນີ້ຈະໄດ້ພິຈາລະນາຮັບຮອງບົດລາຍ ງານກ່ຽວກັບສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະແຜນງົບປະມານແຫ່ງລັດ, ສະນັ້ນໄດ້ຮຽກຮ້ອງ ໃຫ້ທົ່ວພັກ-ລັດ ແລະທົ່ວປວງຊົນລາວທັງຊາດຈົ່ງພ້ອມກັນສືບຕໍ່ເພີ່ມທະວີຄວາມສາມັກຄີຍົກສູງຄວາມຮັບຜິດຊອບເສີມຂະຫຍາຍຫົວຄິດປະດິດສ້າງເຂົ້າໃນການຈັດຕັ້ງປະຕິບັດຕາມພາລະບົດບາດໜ້າທີ່ຂອງຕົນໃຫ້ບັນລຸຜົນສໍາເລັດ.

   ບົນຈິດໃຈດັ່ງກ່າວກອງປະຊຸມຄັ້ງນີ້ຍັງຈະໄດ້ສຸມໃສ່ພິຈາລະນາຮັບຮອງເອົາບັນດາເນື້ອໃນດັ່ງນີ້:1. ພິຈາລະນາຮັບຮອງບົດລາຍງານກ່ຽວກັບສະພາບການຈັດຕັ້ງປະຕິ ບັດແຜນພັດທະນາເສດຖະກິດ-ສັງຄົມ ແຜນເງິນຕາປະຈໍາປີ 2020 ແລະທິດທາງແຜນການປີ 2021 2. ພິຈາລະນາຮັບຮອງບົດລາຍງານກ່ຽວກັບການຈັດຕັ້ງປະ ຕິບັດແຜນງົບປະມານແຫ່ງລັດປະຈໍາປີ 2020 ແລະທິດທາງແຜນການປະຈໍາປີ 2021 3. ພິຈາລະນາຮັບຮອງບົດລາຍງານກ່ຽວກັບແຜນຜັງລວມຕົວເມືອງນະ ຄອນຫຼວງວຽງຈັນ 4. ພິຈາລະນາຮັບຮອງບົດລາຍງານຂອງອົງການກວດສອບແຫ່ງລັດກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານປະຈໍາປີ 2020 ແລະທິດທາງແຜນການປະຈໍາປີ 2021 ບົດລາຍງານຜົນການກວດສອບບົດສະຫຼຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດປະຈໍາປີ 2019; 5. ພິຈາ ລະນາຮັບຮອງບົດລາຍງານຂອງອົງການກວດກາລັດຖະ ບານກ່ຽວກັບຜົນການກວດກາຕາມຜົນການກວດສອບສົກປີ 2013-2014, 2015, 2016 ແລະປະຈໍາປີ 2018 ແລະການແກ້ໄຂຜົນການກວດສອບຕາມຜົນການກວດສອບ 6, ພິຈາລະນາປະກອບຄໍາເຫັນຕໍ່ບົດລາຍງານຜົນການຕິດຕາມກວດກາການຈັດຕັ້ງປະຕິບັດກົດ ໝາຍທີ່ຕິດພັນກັບການຄຸ້ມຄອງການບໍລິການ ໃນຮ້ານບັນເທິງ ແລະຮ້ານກິນດື່ມ; 7. ພິຈາລະນາຮັບຮອງບົດລາຍງານຂອງອົງການໄອຍະການປະຊາຊົນສູງສຸດສານປະຊາຊົນສູງສຸດກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານປະຈໍາປີ 2020 ແລະ ທິດທາງແຜນການປະຈໍາປີ 2021; 8, ພິຈາລະນາຮັບຮອງບົດລາຍງານຂອງສະພາ ແຫ່ງຊາດກ່ຽວກັບການຈັດຕັ້ງປະຕິບັດ ແລະການເຄື່ອນໄຫວວຽກງານ 5 ປີ ຜ່ານມາ 2016 ຫາ 2020 ການເຄື່ອນໄຫວວຽກງານປະຈໍາປີ 2020 ແລະຄາດຄະເນແຜນການປະຈໍາປິ 2021; 9. ຮັບຟັງການປະກອບຄໍາຄິດຄໍາເຫັນຂອງອົງການແນວລາວສ້າງຊາດຕໍ່ກັບການເຄື່ອນໄຫວວຽກງານຂອງສະ ພາແຫ່ງຊາດ.

   10. ພິຈາລະນາຮັບຮອງກົດໝາຍຈໍານວນ 5 ສະບັບໃນນັ້ນຮ່າງກົດໝາຍສ້າງໃໝ່ມີຈໍານວນ 4 ສະບັບຄື: ກົດໝາຍວ່າດ້ວຍຊັ້ນນັກການທູດ, ກົດໝາຍວ່າດ້ວຍຊາວໜຸ່ມລາວ, ກົດໝາຍວ່າດ້ວຍການຮ່ວມມືລະຫວ່າງປະເທດທາງອາດຍາ, ກົດໝາຍວ່າດ້ວຍການສຶກສາຊັ້ນສູງ 11. ຮ່າງກົດໝາຍປັບປຸງຈໍານວນ 1 ສະບັບຄືກົດ ໝາຍວ່າດວ້ຍການປັບປຸງບາງມາດຕາຂອງກົດໝາຍວ່າດ້ວຍການກວດສອບແຫ່ງລັດພິຈາລະນາຮັບຮອງເອົາບັນຫາສໍາຄັນຈໍານວນໜຶ່ງ.

  ນອກຈາກນັ້ນກອງປະຊຸມຍັງຈະໄດ້ຮັບຟັງການລາຍງານ ແລະປະກອບຄໍາຄິດຄໍາເຫັນຕໍ່ບົດລາຍງານຂອງລັດຖະບານ ແລະຂອງສະພາແຫ່ງຊາດທີ່ນໍາມາທາບທາມໃນກອງປະຊຸມຄັ້ງນີ້ມີຄື: ຮ່າງບົດລາຍງານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດສັງຄົມແຜນງົບປະມານແຫ່ງລັດ 5 ປີ ຜ່ານມາ 2016-2020 ຮ່າງແຜນພັດທະນາເສດຖະກິດ-ສັງຄົມແຫ່ງຊາດ ແລະ ແຜນງົບປະມານແຫ່ງລັດ 5 ປີໃນຕໍ່ໜ້າ 2021-2025, ຮ່າງທິດທາງແຜນການເຄື່ອນໄຫວວຽກງານ 5 ປີຕໍ່ ໜ້າ 2021-2025 ຂອງສະພາແຫ່ງຊາດຊຸດທີ IX.

แชร์