ການຄ້າລາວ-ຫວຽດນາມ ເພີ່ມຂື້ນ 13% ສ່ວນລົງທຶນມີ 409 ໂຄງການ

 ຖືວ່າເປັນບາດກ້າວໃໝ່ສໍາລັບ ສປປ ລາວ ທີ່ຈະມີເງື່ອນໄຂສະດວກຂຶ້ນໃນການນໍາສົ່ງສິນຄ້າອອກທາງທະເລຊຶ່ງໃນປີ 2018 ຜ່ານມາການຄ້າລະຫວ່າງລາວ-ຫວຽດນາມ ສາມາດບັນລຸໄດ້ 1 ຕື້ໂດລາ ເພີ່ມຂຶ້ນ 13% ທຽບໃສ່ປີ 2017 ແລະ ລື່ນຄາດໝາຍທີ່ກໍານົດໄວ້, ສ່ວນການລົງທຶນຂອງບັນດາວິສະຫະກິດຫວຽ ດນາມ ຮອດ ປະຈຸບັນມີ 409 ໂຄງການ ມູນຄ່າ 4,1 ຕື້ໂດລາ.

  ໃນວັນທີ 20 ກຸມພາ 2019 ທ່ານ ສຸພັນ ແກ້ວມີໄຊ ລັດຖະມົນຕີກະຊວງ ແຜນການ ແລະການລົງທຶນທັງເປັນປະທານຄະນະກຳມະການຮ່ວມມືລາວ-ຫວຽດນາມ ໃຫ້ກຽດສຳພາດຕໍ່ສື່ມວນຊົນເນື່ອງໃນໂອກາດ ສະຫາຍ ຫງວຽນ ຝູຈ້ອງ ເລຂາທິການໃຫຍ່ປະທານປະເທດ ແຫ່ງ ສສ ຫວຽດນາມ ຈະມາຢ້ຽມ ຢາມ ສປປ ລາວ ໃນລະຫວ່າງວັນທີ 24-25 ກຸມພານີ້ ໃຫ້ຮູ້ວ່າ: ໃນໄລຍະຜ່ານມາສອງລັດຖະບານ ລາວ-ຫວຽດນາມ ໄດ້ຮ່ວມກັນສືບຕໍ່ພົວພັນຮ່ວມມືກັນຫຼາຍດ້ານເປັນຕົ້ນແມ່ນດ້ານການຄ້າ ໃນປີ 2018 ສາມາດບັນລຸໄດ້ 1 ຕື້ໂດລາສະຫະລັດເພີ່ມຂຶ້ນ 13% ທຽບໃສ່ປີ 2017 ແລະ ລື່ນຄາດໝາຍທີ່ກໍານົດໄວ້, ສ່ວນການລົງທຶນຂອງບັນດາວິສະຫະກິດຫວຽດນາມຮອດປະຈຸບັນມີ 409 ໂຄງການ ມູນຄ່າ 4,1 ຕື້ໂດລາ.

  ດ້ານໂຍທາທິການ ແລະຂົນສົ່ງກໍໄດ້ຮັບການຊຸກຍູ້ ແລະຊອກຫາແຫຼ່ງທຶນມາຈັດຕັ້ງປະຕິບັດບັນດາໂຄງການເຊື່ອມຕໍ່ເສັ້ນທາງຄົມມະນາຄົມຂອງສອງປະ ເທດເປັນຕົ້ນທາງດ່ວນວຽງຈັນ-ປາກຊັນ-ແທັງຖຸ້ຍ-ເຫງະອານ-ຮ່າໂນ້ຍ, ເສັ້ນທາງລົດໄຟ ແຕ່ວຽງຈັນ-ທ່າແຂກ-ມຸ ຢາ-ເຕິນເອິບ-ຫວຸ້ງອາງ, ໂຄງການກໍ່ ສ້າງສະໜາມບິນໜອງຄ້າງ, ດ້ານພະລັງ ງານໄຟຟ້າສອງຝ່າຍໄດ້ສືບຕໍ່ຜັນຂະ ຫຍາຍບົດບັນທຶກການຊື້ຂາຍໄຟຟ້າ ລະ ຫວ່າງສອງປະເທດນໍາອີກ. ດ້ານການສຶກ ສາ ໄດ້ສືບຕໍ່ເອົາໃຈໃສ່ເປັນບູລິມະສິດ ຈາກສອງລັດຖະບານ, ປະຈຸບັນມີນັກສຶກ ສາລາວ 16.644 ຄົນ ກໍາລັງສຶກສາຄົ້ນ ຄວ້າຢູ່ ສສ ຫວຽດນາມ ແລະມີນັກສຶກສາ ຫວຽດນາມທີ່ກໍາລັງຮຽນຢູ່ລາວ 428 ຄົນ.

  ສໍາລັບການມາຢ້ຽມຢາມຂອງເລຂາທິການໃຫຍ່ຫວຽດນາມໃນຄັ້ງນີ້, ຈະເປັນການປະກອບສ່ວນສືບຕໍ່ຮັດແໜ້ນ, ເສີມຂະຫຍາຍສາຍພົວພັນມິດຕະພາບອັນເປັນມູນເຊື້ອ, ຄວາມສາມັກຄີພິເສດ ແລະການຮ່ວມມືຮອບດ້ານລະຫວ່າງ ສອງປະເທດ ນັບມື້ນັບແຕກດອກອອກ ຜົນ, ເຂົ້າສູ່ລວງເລິກ ແລະມີປະສິດທິຜົນ ຍິ່ງຂຶ້ນຢ່າງບໍ່ຢຸດຢັ້ງ, ທັງເປັນເງື່ອນໄຂ ພື້ນຖານເພື່ອຂຸດຄົ້ນທ່າແຮງບົ່ມຊ້ອນ ແກ່ສອງຝ່າຍກ່ຽວກັບການຮ່ວມມື-ລົງ ທຶນລະຫວ່າງສອງປະເທດໃຫ້ສອດຄ່ອງ ກັບສະພາບການໃນໄລຍະໃໝ່, ພ້ອມທັງ ຈະໄດ້ລົງນາມຮ່ວມກັນໃນເອກະສານ ຫຼາຍສະບັບ ທີ່ມີຄວາມໝາຍສຳຄັນຕໍ່ກັບ ການຮ່ວມມືຂອງສອງປະເທດ. ເພື່ອຊຸກຍູ້ເສີມຂະຫຍາຍການຮ່ວມມືລະຫວ່າງສອງປະເທດໃນຊຸມປີຕໍ່ໜ້າ.

 ພ້ອມດຽວກັນນັ້ນ, ກໍຈະສຸມໃສ່ສ້າງ ບາດກ້າວບຸກທະລຸໃໝ່ໃຫ້ແກ່ການພົວ ພັນແບບພິເສດ, ການຮ່ວມມືຮອບດ້ານລະຫວ່າງສອງປະເທດໃຫ້ແຕກດອກ ອອກຜົນ ແລະສູ້ຊົນປະຕິບັດບັນດາເນື້ອໃນທີ່ການນຳຂັ້ນສູງໄດ້ຕົກລົງກັນໃຫ້ສຳເລັດຢ່າງມີໄຊເພື່ອສືບຕໍ່ເສີມຂະຫຍາຍ ແລະຮັດແໜ້ນສາຍພົວພັນມິດຕະ ພາບ, ຄວາມສາມັກຄີພິເສດ ລະຫວ່າງສອງພັກ, ສອງລັດ ແລະປະຊາຊົນສອງຊາດ ລາວ- ຫວຽດນາມເຊັ່ນ: ການພັດທະ ນາທ່າເຮືອ ຫວຸງອາງ 1,2,3 ໃຫ້ເປັນທ່າເຮືອການ ຮ່ວມມືລາວ-ຫວຽດນາມ ແບບພິເສດ ທີ່ເຮັດໃຫ້ປະເທດລາວມີການຂົນສົ່ງສິນ ຄ້ານຳເຂົ້າ-ສົ່ງອອກ ຜ່ານທາງທະເລ, ລວມທັງສຸມໃສ່ການຊື້-ຂາຍໄຟຟ້າຈາກລາວເພື່ອເປັນການສ້າງວຽກເຮັດ ແລະ ສ້າງລາຍໄດ້ໃຫ້ປະຊາຊົນສອງຊາດ ລາວ-ຫວຽດນາມໃນອະນາຄົດ.

แชร์